சூரரைப் போற்று படத்தின் மாபெரும் வெற்றியை தொடர்ந்து சூர்யா இயக்குனர் பாண்டிராஜ் இயக்கத்தில் ‘எதற்கும் துணிந்தவன்‘ படத்தில் நடித்து வருகிறார். அண்மையில் வெளியான சூர்யாவின் ‘ஜெய் பீம்’ படமும் ரசிகர்களிடம் அமோக வரவேற்பை பெற்றது. இந்நிலையில் ‘எதற்கும் துணிந்தவன்’ படம் குறித்த தகவலை சன் பிக்சர்ஸ் நிறுவனம் தனது ட்விட்டர் பக்கத்தில் வெளியிட்டுள்ளது.

பாண்டிராஜ் இயக்கத்தில் சூர்யா நடித்து வரும் ‘எதற்கும் துணிந்தவன்’ படத்தை சன் பிக்சர்ஸ் நிறுவனம் தயாரித்து வருகிறது. இந்தப் படத்தில் சூர்யாவுக்கு ஜோடியாக ப்ரியங்கா அருள்மோகன் நடிக்கிறார். இவர் டாக்டர் திரைப்படத்தில் சிவகார்த்திகேயன் ஜோடியாக நடித்தவர். மேலும் இந்தப்படத்தில் நடிகர் சத்யராஜ், திவ்யா, வினய், சரண்யா பொன்வண்ணன், இளவரசு, சுப்பு பஞ்சு, தேவதர்ஷினி உள்ளிட்ட பலர் நடிக்கின்றனர்.

இந்நிலையில் கடந்த ஜூலை 23 ஆம் தேதி சூர்யாவின் பிறந்தநாளை முன்னிட்டு படத்தின் அப்டேட் எதுவும் வெளியாகுமா என ஆர்வமுடன் காத்திருந்தனர் ரசிகர்கள். அவர்களின் ஆர்வத்தை பூர்த்தி செய்யும் விதமாக படத்தின் டைட்டிலுடன் கூடிய பர்ஸ்ட் லுக் போஸ்டர் வெளியானது. அதனை தொடர்ந்து வெளியான ‘எதற்கும் துணிந்தவன்’ படத்தின் மேலும் சில போஸ்டர்களும் ரசிகர்களிடம் வரவேற்பை பெற்றது.

‘மாநாடு’ படத்தோட இன்னொரு ஹீரோ யுவன்: தயாரிப்பாளர் சுரேஷ் காமாட்சி!
இந்நிலையில் அண்மையில் இயக்குனர் பாண்டிராஜ் தனது சமூக வலைத் தளத்தில் ஒரு செய்தி வெளியிட்டார். அதில், ‘எதற்கும் துணிந்தவன்’ படப்பிடிப்பு வெற்றிகரமாக முடிந்து விட்டது. சூர்யா, ஒளிப்பதிவாளர் ரத்னவேலு மற்றும் படக்குழுவினருக்கு ஒத்துழைப்பு கொடுத்த அனைவருக்கும் நன்றி. ‘எதற்கும் துணிந்தவன்’ அப்டேட்டுகள் அடுத்தடுத்து வெளியாகும் என்று அறிவித்திருந்தார்.

இந்நிலையில் நாளை மதியம் 12 மணிக்கு எதற்கும் துணிந்தவன் படத்தின் அப்டேட் வெளியாக உள்ளதாக சன் பிக்சர்ஸ் நிறுவனம் தனது அதிகாரப்பூர்வ ட்விட்டர் பக்கத்தில் அறிவித்துள்ளது. படத்தின் ரிலீஸ் குறித்த அறிவிப்பு தான் வெளியாகும் என கூறப்படுகிறது. அனேகமாக பொங்கல் வெளியீடாக படம் ரிலீஸ் ஆகும் என எதிர்பார்க்கப்படுகிறது. பொங்கலுக்கு அஜித்தின் ‘வலிமை’ படமும் வெளியாக உள்ளது குறிப்பிடத்தக்கது.