மலையாளம் மற்றும் ஏராளமான தமிழ் படங்களில் நடித்தவர் பிரபல நடிகர் ஜெயராம். இவரது மகன் காளிதாஸ் ஜெயராமும் மலையாள படங்களில் நடித்து வருகிறார். தமிழில் இவர் நடிப்பில் வெளியான மீன்குழம்பும், மண்பானையும் படத்தில், கமல் ஹாசன் சிறப்பு தோற்றத்தில் நடித்திருந்தார். இவர் தற்போது வெப் தொடர்களில் நடித்து வருகிறார்.

அண்மையில் இவர் நடிப்பில் ‘ஒரு பக்க கதை’ படம் தமிழில் வெளியாகி இருந்தது. இந்தப்படத்தில்மேகா ஆகாஷ் கதாநாயகியாக நடித்திருந்தார். இந்நிலையில் ஒரு வெப் தொடரில் நடிப்பதற்காக கேரள மாநிலம் மூணாறு பகுதிக்கு சென்றுள்ளார் காளிதாஸ். அங்கு படக்குழுவினருடன் ஒரு சொகுசு விடுதியில் தங்கியுள்ளார்.

இதற்கான அறை வாடகை, ஓட்டல் கட்டணம் ஆகியவற்றை கட்ட ஊழியர் வலியுறுத்தினர். இதனை தொடர்ந்து படக்குழுவினர் ஆன்லைன் மூலம் பணத்தை செலுத்தியுள்ளனர். ஆனால் ஓட்டல் வங்கி கணக்கிற்கு பணம் வரவில்லை. இதையடுத்து ஓட்டல் ஊழியர்கள் நடிகர் காளிதாஸ் ஜெயராம் மற்றும் படக்குழுவினரை உடனே ஓட்டல் கட்டணத்தை கட்டுமாறு கூறியுள்ளனர்.

ஆண்டவருக்கு இத்தனை வில்லன்களா?: ‘விக்ரம்’ படத்தின் மிரட்டல் அப்டேட்!
இந்த விவகாரம் தொடர்பாக படக்குழுவினருக்கும், ஓட்டல் ஊழியர்களுக்கும் இடையே வாக்குவாதம் ஏற்பட்டுள்ளது. இதனால் ஓட்டல் ஊழியர்கள் நடிகர் காளிதாஸ் ஜெயராம் உள்பட படக்குழுவினரை சிறைபிடித்துள்ளனர். இதையடுத்து மூணாறு போலீசாருக்கு தகவல் தெரிவிக்கப்பட்டு அவர்கள் விரைந்து வந்து பேச்சு வார்த்தை நடத்தியுள்ளனர்.

இதனை தொடர்ந்து படக்குழுவினர் ஓட்டல் கட்டணத்தை செலுத்தியுள்ளனர். இதையடுத்து ஓட்டல் ஊழியர்கள் நடிகர் காளிதாஸ் ஜெயராம் மற்றும் படக்குழுவினரை விடுவித்துள்ளனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.

‘அண்ணாத்தே’யில் சிவா சொல்லி அடித்துள்ளார் ; படம் மிகப்பெரிய வெற்றி – ரஜினிகாந்த் புகழாரம்!