‘மாஸ்டர்’ படத்தின் வெற்றியை தொடர்ந்து தற்போது நெல்சன் இயக்கத்தில் உருவாகி’பீஸ்ட்’ படத்தில் நடித்து வருகிறார் விஜய். சன் பிக்சர்ஸ் தயாரித்து வரும் இந்த படத்தின் முதற்கட்ட படப்பிடிப்பு கடந்த ஏப்ரல் மாதம் ஜார்ஜியாவில் துவங்கியது. அதனை தொடர்ந்து அடுத்தடுத்த படப்பிடிப்புகள் விறுவிறுப்பாக நடைபெற்று வருகிறது. இந்தப்படத்தை தொடர்ந்து வம்சி இயக்கத்தில் தளபதி 66 படத்தில் நடிக்கவுள்ளார் விஜய்.

கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் பீஸ்ட் படத்தை இயக்கி வருகிறார் நெல்சன் திலீப்குமார். கடந்த ஜூலை 1 ஆம் தேதியில் இருந்து பீஸ்ட் படத்தின் இரண்டாம் கட்ட படப்பிடிப்பு துவங்கியது. இந்த படத்தில் பிரபல இயக்குனர் செல்வராகவன், நடிகர்கள் யோகி பாபு, விடிவி கணேஷ், லிலிபுட் ஃபரூக், உள்ளிட்டோர் நடிக்கின்றனர். பீஸ்ட் படத்தில் விஜய்க்கு ஜோடியாக பூஜா ஹெக்டே நடிக்கிறார்.

‘மாஸ்டர்’ படத்தை தொடர்ந்து தெலுங்கின் முன்னணித் தயாரிப்பாளர்களில் ஒருவரான தில் ராஜு தயாரிக்கவுள்ள புதிய படத்தில் நடிக்கிறார் விஜய். ‘தோழா’, ‘மஹரிஷி’ படங்களின் இயக்குநர் வம்சி பைடிபள்ளி இதனை இயக்கவுள்ளார். இது விஜய் நடிப்பில் உருவாகும் 66-வது படம். தமிழ் மற்றும் தெலுங்கில் ஒரே நேரத்தில் இந்தப் படம் உருவாக உள்ளது.

டாப்லெஸ் புகைப்படத்தை பகிர்ந்த ஸ்ருதிஹாசன்: கிண்டலடிக்கும் ரசிகர்கள்!இந்நிலையில் இந்தப்படத்தில் விஜய்க்கு வில்லனாக பிரகாஷ் நடிக்கவுள்ளதாக தகவல்கள் வெளியாகியுள்ளன. விஜய் நடிப்பில் வெளியான கில்லி, போக்கிரி, சிவகாசி, வில்லு படங்களில் வில்லனாக நடித்திருந்தார் பிரகாஷ் ராஜ். கடந்த 2௦19 ஆம் ஆண்டு வெளியான வில்லு படத்திற்கு பிறகு விஜய், பிரகாஷ் ராஜ் இருவரும் இணைந்து நடிக்கவில்லை.

இந்நிலையில் 12 ஆண்டுகளுக்கு பிறகு இருவரும் இணைந்து நடிக்க உள்ளதாக தகவல்கள் வெளியாகியுள்ளன. இந்த செய்தி இன்னும் உறுதி செய்யப்படவில்லை என்பது குறிப்பிடத்தக்கது. வம்சி இயக்கத்தில் உருவாகவுள்ள ‘தளபதி 66’ படத்தின் முதற்கட்ட பணிகள் தற்போது விறுவிறுப்பாக நடைபெற்று வருவது குறிப்பிடத்தக்கது.

முகில் படம் டீசர்: என்ன கதைகளமாக இருக்கும்! ஒரு அலசல்!