ஹைலைட்ஸ்:

  • நேற்று இரவு காலமானார் எழுத்தாளர் கி.ராஜநாராயணன்.
  • சாகித்ய அகாடமி விருது பெற்றவர எழுத்தாளர் கி.ரா.
  • கி.ராஜநாராயணன் மறைவிற்கு சிவக்குமார் இரங்கல்.

எழுத்தாளர் கி.ராஜநாராயணன் நேற்று இரவு மரணம் அடைந்தார். கி.ரா. என சுருக்கமாக அழைக்கப்படும் இவருக்கு வயது 99. ‘கோபல்ல கிராமம்’, ‘கோபல்ல கிராமத்து மக்கள்’, ‘கரிசல்காட்டு கடுதாசி’ என ஏராளமான படைப்புகளின் மூலம் தமிழ் இலக்கிய உலகுக்கு மிகப்பெரிய பங்களிப்பை செய்துள்ளார் கி.ரா. கரிசல் இலக்கியத்தின் முன்னோடி என போற்றப்படும் இவரின் மறைவிற்கு எழுத்தாளர்கள் பலரும் இரங்கல் தெரிவித்து வருகின்றனர்.

கி.ரா அவர்களின் மறைவு குறித்து நடிகர் சிவக்குமார் தனது இரங்கலை பகிர்ந்திருக்கிறார். அதில் ”நான் பிறந்த பத்து மாதத்தில் என் தந்தையை இழந்துவிட்டேன். தற்போது 80 வயதில் எனது ஞானத்தகப்பனான, 99 வயது வாழ்ந்த கிரா அவர்களை இழந்து விட்டேன். கிரா அவர்களும் கணபதி அம்மாளும் எனக்கு இன்னொரு தாய் தந்தையர். எனக்கும், அவருக்கும் 35 வருடகாலமாக உறவு உண்டு.

அவர் சம்பந்தபட்ட பல விழாக்களில் பாண்டிச்சேரி சென்று கலந்துகொண்டிருக்கிறேன். அந்த மகத்தான மனிதர் கரிசல் மண்ணை பற்றி எழுதிய ‘கோபல்ல கிராமம்’, ‘கோபல்ல கிராமத்து மக்கள்’, ‘கரிசல்காட்டு கடுதாசி’, ‘வட்டார வழக்கு சொல்லகராதி’ போன்ற அழியாத படைப்புகளால் என்றென்றும் இந்த மண்ணில் வாழ்ந்து கொண்டிருப்பார்.

ஊரடங்கால் முடங்கி போயுள்ள பெப்சி தொழிலாளர்கள்: பத்து கோடி வழங்கிய ‘நவரசா’ திரைப்பட தயாரிப்பாளர்கள்!
அவரது ஆத்மா சாந்தியடையட்டும். இந்த கொரோனா பொது முடக்கத்தால் அவரது உடலுக்கு நேரில் சென்று அஞ்சலி செய்ய முடியாததற்கு மனமார வருந்துகிறேன்” என்று சிவக்குமார் தனது வருத்தத்தை வெளிப்படுத்தியுள்ளார்.

1922ம் செப்டம்பர் 19ம் தேதி பிறந்த கி.ராஜநாராயணன் 1958 ம் ஆண்டு முதல் தனது வாழ்வின் இறுதி வரை எழுதிக்கொண்டே இருந்தார். சாகித்திய அகாடமி விருதை பெற்ற பெருமைக்குரியவர் கி.ரா. அவரின் மறைவு தமிழ் சமூகத்திற்கே பேரிழப்பாகும். தனது அழியாத படைப்புகளின் மூலம் என்றும் இம்மண்ணில் வாழ்ந்து கொண்டிருப்பார் எழுத்தாளர் கி.ரா.