மெகா முன்னிலை:
இதனால், 237 என்ற மெகா முன்னிலையுடன், இரண்டாவது இன்னிங்ஸ் களமிறங்கிய ஆஸ்திரேலிய அணி 230/9 ரன்கள் அடித்து, மறுபடியும் டிக்ளேர் அறிவித்தது. இதனைத் தொடர்ந்து 468 ரன்கள் எடுத்தால் வெற்றி என்ற நிலையில், நான்காவது நாள் ஆட்டத்தின் பிற்பகுதியில் இங்கிலாந்து அணி களமிறங்கியது. ஆஸ்திரேலிய பௌலர்கள் ஆக்ரோஷத்துடன் பந்துகளை வீசியதால், இங்கிலாந்து பேட்ஸ்மேன்கள் தாக்குப்பிடிக்க முடியாமல் அடுத்தடுத்து ஆட்டமிழந்து நடையைக் கட்டினார்கள்.
இதனால் யாரும் அரை சதம் கூட எடுக்கவில்லை. அதிகபட்சமாக கிறிஸ் வோக்ஸ் 44 (97) ரன்கள் எடுத்தார். ரோரி பர்ன்ஸும் 34 (95) தனது பங்கிற்கு ரன்களை சேர்த்தார். அடுத்து, டிரா மட்டுமே செய்ய முடியும் என்ற நிலை வந்தபோது விக்கெட் கீப்பர் பேட்ஸ்மேன் ஜாஸ் பட்லர் 207 பந்துகளில் 26 ரன்கள் சேர்த்து, சிறந்த முறையில் தடுப்பாட்டத்தில் ஈடுபட்டு வந்தார். இருவருக்கு யாரும் துணையாக நிற்கவில்லை. கிறிஸ் வோக்ஸ் இருந்த நிலையில், அவர் நீண்ட நேரம் தாக்குப்பிடிக்கவில்லை. இறுதியில் பட்லரும் எதிர்பாராத விதமாக ஹிட் விக்கெட் ஆகி நடையைக் கட்டினார்.
இதனால் இங்கிலாந்து அணி 192/10 ரன்களுக்கு ஆல்-அவுட் ஆகி, 275 ரன்கள் வித்தியாசத்தில் படுதோல்வியை சந்தித்தது. 5 போட்டிகள் கொண்ட டெஸ்ட் தொடரில் தற்போது, ஆஸ்திரேலிய அணி 2-0 என்ற கணக்கில் முன்னிலை வகிக்கிறது. ஆஸ்திரேலிய மண்ணில் கடைசி 53,615 பந்துகளில் இங்கிலாந்து அணி, அதில் ஒரு டெஸ்ட் வெற்றியைக் கூட பெறவில்லை. தற்போது ஆஸ்திரேலிய அணி நல்ல பார்மில் இருப்பதால், இந்த பந்துகளின் எண்ணிக்கை மேலும் அதிகரிக்கும் என கருதப்படுகிறது.
