இந்நிலையில் எந்தெந்த அணிகள் யார் யாரை தக்கவைத்துள்ளது என்பது குறித்த அதிகாரப்பூர்வ அறிவிப்பு சமீபத்தில் வெளியானது.
(தக்கவைப்பு குறித்த முழு விபரம்: ( IPL Retention Live: 8 அணிகள்…யார் யாரை தக்கவைத்துள்ளது தெரியுமா? அதிகாரப்பூர்வ லிஸ்ட் இதுதான்! )
ராஜஸ்தான் ராயல்ஸ்:
ராஜஸ்தான் ராயல்ஸ் அணி சஞ்சு சாம்சன் (14 கோடி), ஜாஸ் பட்லர் (10 கோடி), யாஷஸ்வி ஜெய்ஷ்வால் (4 கோடி) ஆகியோரை மட்டுமே தக்கவைத்துள்ளது. பென் ஸ்டோக்ஸ், ஜோப்ரா ஆர்ச்சர் ஆகியோரில் ஒருவரை தக்கவைக்கவில்லை. இது ரசிகர்கள் மத்தியில் பெரும் அதிருப்தியை உருவாக்கியது.
ஜெய்ஷ்வாலைவிட, பென் ஸ்டோக்ஸ், ஆர்ச்சர் போன்றவர்கள் குறைந்தவர்களா என அந்த அணி ரசிகர்கள் தொடர்ந்து அதிருப்தியை வெளிப்படுத்தி வந்தனர். இந்நிலையில், அணி நிர்வாகம் எடுத்தது சரியான முடிவுதான் என்பது தற்போது தெரிய வந்திருக்கிறது. ஆம், ஜோப்ரா ஆர்ச்சம் தற்போது முழுமையாகக் குணமடைந்துவிட்ட நிலையில், மீண்டும் கையில் ஏற்பட்ட பிரச்சினை காரணமாக தற்போது ஓய்வுக்குச் சென்றுள்ளார். இதனால், அவர் அடுத்தாண்டு ஆகஸ்ட் வரை கிரிக்கெட் விளையாட மாட்டார் என அறிவிக்கப்பட்டுள்ளது.
மேலும், தற்போது கிரிக்கெட்டிற்கு திரும்பியுள்ள பென் ஸ்டோக்ஸ் பேட்டிங்களில் அவ்வளவாகச் சிறந்த செயல்பாட்டை வெளிப்படுத்தவில்லை. நோ-பால்களை அசால்ட்டாக வீசுகிறார். இப்படி, இருவர் மீதும் குறை இருப்பக்கும் நிலையில் வீரர்கள் தக்கவைப்பில் ராஜஸ்தான் சிறப்பாகத்தான் செயல்பட்டிருக்கிறது என கிரிக்கெட் விமர்சகர்கள் கருதுகிறார்கள்.
அந்த அணி ஏற்கனவே படுமட்டமான ஆட்டத்தை வெளிப்படுத்தி, சொதப்பி வருகிறது. இந்நிலையில், இருவரில் ஒருவரை தக்கவைத்திருப்பதாலும், அது மீண்டும் அந்த அணிக்கு பின்னடைவாகத்தான் இருந்திருக்கும். இந்த இரண்டு வீரர்களும் எதிர்காலத்தில் பார்முக்கு திரும்ப வாய்ப்பு இருக்கிறது என்றாலும்கூட, ராஜஸ்தான் தற்போதைக்கு 100% பிட்டான வீரர்களை எடுத்து, அடுத்தாண்டிலேயே கோப்பையை தட்டித்தூக்க தீவிரம் காட்டி வருகிறது என்பது குறிப்பிடத்தக்கது.
