1649071264 pic

ஐபிஎல் 15ஆவது சீசன் விறுவிறுப்பாக நடைபெற்று வருகிறது. இதில் நேற்று நடைபெற்ற போட்டியில் துவக்கத்தில் திணறிய பஞ்சாப் கிங்ஸ் அணி, அடுத்து சுதாரித்துக்கொண்டு அதிரடியாக விளையாடி ரன் மழை பொழிந்தது.குறிப்பாக, லிவிங்ஸ்டன் காட்டடி அடித்து பஞ்சாப் கிங்ஸ் அணியின் ஸ்கோரை கிடுகிடுவென உயர்த்த ஆரம்பித்தார். இதனால், 14/2 எனத் திணறிக் கொண்டிருந்த பஞ்சாப் கிங்ஸ் அணி 9 ஓவர்களில் 100/2 என என்ற நிலையை அடைந்தது. இப்போட்டியில் லிவிங்ஸ்டன் அடித்த 5 சிக்ஸர்களில் ஒன்று 108 மீட்டர் வரை சென்றது. இந்த சீசனில் இதுதான் மிகப்பெரிய சிக்ஸர்.

சோப்ரா ட்வீட்:

இதனைத் தொடர்ந்து ட்வீட் ஒன்றை வெளியிட்ட முன்னாள் வீரரும், கிரிக்கெட் விமர்சகருமான ஆகாஷ் சோப்ரா 100+ மீட்டர் சிக்ஸர் செல்லும்போது 8 ரன்கள் வழங்க வேண்டும் எனக் கேட்டுக்கொண்டார். இதனால், பேட்ஸ்மேன்கள் அடிக்கடி பெரிய சிக்ஸர்கள் அடிக்க முற்படுவார்கள். ஆட்டமும் அனல் பறக்கும் என்ற எண்ணத்தில்தான் இவ்வாறு கூறியிருந்தார்.

சஹல் ட்விட்:

இந்நிலையில், இந்த ட்வீட்டை ரீ ட்வீட் செய்த ராஜஸ்தான் ராயல்ஸ் அணியின் சுழற்பந்து வீச்சாளர் யுஜ்வேந்திர சஹல், “சோப்ராவின் பரிந்துரை சிறப்பானதுதான். அதேபோல், தொடர்ச்சியாக 3 டாட் பால்களை எதிர்கொள்ளும் பேட்ஸ்மேன்களை அவுட் என அறிவிக்க வேண்டும்” என அதிரடியாக தெரிவித்துள்ளார். சோப்ரா சொல்வது நியாயம் என்றால், சஹல் சொல்வதும் நியாயம்தான். பேட்ஸ்மேனுக்கு அப்படியொரு சலுகை கொடுக்கும்போது, பந்துவீச்சாளர்களுக்கும் சலுகை கொடுப்பதில் என்ன தவறு என ரசிகர்கள் கருத்து தெரிவித்து வருகிறார்கள்.

மேலும், இப்படியொரு விதிமுறையை கொண்டு வந்தால் அது நிச்சயம் கிரிக்கெட்டை அழிக்க ஆரம்பித்துவிடும். பேச்சு வேண்டுமென்றால், இரண்டு பரிந்துரைகளும் சரியானதாக இருக்கும். மற்றபடி நடைமுறைக்கு இது சாத்தியமில்லை என கிரிக்கெட் விமர்சகர்கள் கருத்து தெரிவித்து வருகிறார்கள்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.