‘6 ரன் தேவை’…கடைசி பந்தில் ‘மெகா சிக்ஸர்’ அடித்த டிரென்ட் போல்ட்: வைரல் வீடியோ இதோ!
ரசிகர்கள் கேள்வி:
இப்படி பார்ம் அவுட்டில் இருக்கும் இவருக்கு, தென்னாப்பிரிக்க தொடரில் ஏன் வாய்ப்பு வழங்கப்பட்டுள்ளது? என பலரும் கேள்வி எழுப்பி வருகின்றனர். இவரை சேர்த்ததற்கு ஒரு முக்கிய காரணம் இருக்கிறது. இவர், பேட்டிங் செய்த கடினமாக இருக்கும் தென்னாப்பிரிக்க மண்ணில் 3 டெஸ்ட்களில் விளையாடி 53 சராசரியுடன் 266 ரன்களை குவித்துள்ளார். அதிகபட்சம் 96 ரன்கள் ஆகும். இதனால்தான் சேர்க்கப்பட்டார். மேலும், XI அணியிலும் வாய்ப்பு கிடைப்பது உறுதி எனக் கருதப்படுகிறது.
வாழ்வா, சாவா?
இப்படி இவர் மீது நம்பிக்கை வைத்து, களமிறக்கப்பட உள்ளதால் சிறந்த முறையில் ரன்களை குவிக்க வேண்டிய கட்டாயத்தில் இருக்கிறார். இந்த தொடரிலும் இவர் சொதப்பினாலும், இதுதான் அவரின் கடைசி தொடராகக் கூட இருக்கலாம். இதனால், எப்படியாவது தனது திறமையை நிரூபித்தாக வேண்டும் என எண்ணிய ரஹானே, தென்னாப்பிரிக்கா செல்வதற்கு முன்பு சச்சின் டெண்டுல்கரின் நண்பரும், தென்னாப்பிரிக்க மண்ணில் அதிக டெஸ்ட்களை விளையாடியுள்ள முன்னாள் வீரருமான வினோத் காம்பிளியை சந்தித்திருக்கிறார்கள்.
அஸ்வினை வச்சு செஞ்சது…மகிழ்ச்சியாக இருக்கிறது: ‘உண்மையில்தான்’…ரவி சாஸ்திரி அதிரடி பேட்டி!
இந்த சந்திப்பு உடனே முடிந்துவிடவில்லை. கிட்டதட்ட மூன்று நாட்கள்வரை ரஹானேவுக்கு காம்பிளி பயிற்சியளித்திருக்கிறார். மேலும், தென்னாப்பிரிக்க மண்ணில் எப்போது எப்படி விளையாட வேண்டும் என்ற நுணுக்கத்தையும் கற்றுக் கொடுத்திருக்கிறார். இந்த பயிற்சி முடிந்த பிறகு ரஹானே, மனவுறுதியுடன் தென்னாப்பிரிக்கா சென்றிருக்கிறார்.
தற்போது பயிற்சியில் ஈடுபட்டு வரும் அவர், முன்புபோல் இல்லாமல் தைரியத்துடன் முன்கால்களை நகர்த்தி, ஷாட்களை ஆடி வருகிறார் என தகவல் வெளியாகியுள்ளது. இதனால், தென்னாப்பிரிக்க தொடரின் புதிய ரஹானேவை பார்க்க முடியும் என்ற நம்பிக்கை ஏற்பட்டுள்ளது.
