1648866034 pic

ஐபிஎல் 15ஆவது சீசன் துவங்கி விறுவிறுப்பாக நடைபெற்று வருகிறது. இதில் யாரும் எதிர்பார்க்காத வகையில் இந்திய அணி சீனியர் வீரர்கள் தொடர்ந்து அபாரமாக செயல்பட்டு ஆச்சரியத்தை ஏற்படுத்தி வருகிறார்கள்.பௌலர்கள்:

பந்துவீச்சாளர்களை பொறுத்தவரை உமேஷ் யாதவ், யுஜ்வேந்திர சஹல், குல்தீப் யாதவ் போன்ற சீனியர் அபாரமாக பந்துவீசி தொடர்ந்து மேட்ச் வின்னர்களாக இருந்து வருகின்றனர். அதே நேரத்தில் ஜஸ்பரீத் பும்ரா, ஆவேஷ் கான் போன்வர்கள் அதிக ரன்களை விட்டுக்கொடுத்து சொதப்பி வருகிறார்கள். இதனால், அக்டோபரில் துவங்கும் டி20 உலகக் கோப்பை தொடருக்கு, இந்திய அணி சீனியர் பௌலர்களுடன் களமிறங்க வேண்டும் என்று ரசிகர்கள் கோரிக்கை வைக்கும் அளவுக்கு நிலைமை மாறியுள்ளது.

இந்திய ரஷித் கான்:

இந்நிலையில், இந்தியாவின் ரஷித் கான் என அறியப்படும் பஞ்சாப் கிங்ஸ் வீரர் ராகுல் சஹார் தொடர்ந்து சிறப்பாக செயல்பட்டு பலரையும் ஆச்சரியத்தில் ஆழ்த்தி வருகிறார். கடந்த சீசன்களில் மும்பை இந்தியன்ஸ் அணிக்காக சிறப்பாக செயல்பட்டு வந்த இவர், இந்த வருடம் வேற லெவலில் பந்துவீசி வருகிறார். குறிப்பாக, கடந்த இரண்டு போட்டிகளில் ஒரு பவுண்டரியைகூட இவர் விட்டுக்கொடுக்கவில்லை.

ஆர்சிபிக்கு எதிராக:

முதல் போட்டியில் ராயல் சேலஞ்சர்ஸ் பெங்களூர் அணிக்கு எதிராக சிறப்பாக பந்துவீசி ஒரு பவுண்டரியைகூட விட்டுக்கொடுக்கவில்லை. அதுவும் டூ பிளஸி, விராட் கோலி போன்ற அதிரடி ஆட்டக்காரர்களுக்கு எதிராக நான்கு ஓவர்கள்வீசி ஒரு பவுண்டரியைகூட விட்டுக்கொடுக்காததுதான் ஹைலைட். இப்போட்டியில் மொத்தம் 4 ஓவர்கள்வீசி 22 ரன்களை மட்டும் விட்டுக்கொடுத்து, ஒரு விக்கெட்டை கைப்பற்றி அசத்தினார்.

கொல்கத்தாவுக்கு எதிராக:

இதனைத் தொடர்ந்து நேற்று நடைபெற்ற கொல்கத்தாவுக்கு எதிரான போட்டியிலும் ரஸல் அபாரமாக பந்துவீசி ஒரு பவுண்டரியைகூட விட்டுக்கொடுக்கவில்லை. குறிப்பாக ஆண்ட்ரே ரஸலுக்கு எதிராக மூன்று ஓவர்கள்வீசி ஒரு பவுண்டரியை கூட விட்டுக்கொடுக்கவில்லை. ரஸல் இவர் ஓவரை தவிர மற்ற‍ அனைவரின் பந்துவீச்சையும் சிறப்பாக எதிர்கொண்டு 31 பந்துகளில் 70 ரன்களை அடித்திருந்தார். இப்பேர்பட்டவருக்கு எதிராக சஹார் சிறப்பாக பந்துவீசி, திணறடித்தது சாதாரண விஷயம் கிடையாது.

இப்போட்டியில் 4 ஓவர்களை வீசிய ராகுல் சஹார் 13 ரன்களை மட்டும் விட்டுக்கொடுத்து 2 விக்கெட்களையும் கைப்பற்றி அசத்தியிருந்தார். இப்படி தொடர்ந்து இரண்டு போட்டிகளில் அதிரடி வீரர்களுக்கு எதிராக சிறப்பாக பந்துவீசி வரும் ராகுல் சஹாருக்கு பாராட்டுகள் குவிந்து வருகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.