1648873320 pic

மேற்கிந்தியத் தீவுகள் அணியின் அதிரடி ஆல்-ரவுண்டர் ஆண்ட்ரே ரஸல், 2012ஆம் ஆண்டில்தான் ஐபிஎலுக்குள் வந்தார். இவரை டெல்லி கேபிடல்ஸ் அணி 2.3 கோடிக்கு ஏலம் எடுத்திருந்தது.2012ஆம் ஆண்டில் நடைபெற்ற வங்கதேச பிரிமியர் லீக் தொடரில் இவர் காட்டடி அடித்திருந்ததால், ரஸல் மீது எதிர்பார்ப்பு இருந்தது. இருப்பினும் முதல் 4 போட்டிகளில் 47 ரன்களை மட்டுமே எடுத்தார். இதனால், அணியிலிருந்து ஓரம்கட்டப்பட்டார். அடுத்து 2013ஆவது சீசனிலும் முதல் 3 போட்டிகளில் 11 ரன்களை மட்டுமே எடுத்தார். இம்முறை, டெல்லி அணி இவரைக் கழற்றவிட்டது.

மீண்டும் சொதப்பல்:

இதனைத் தொடர்ந்து 2014ஆம் ஆண்டில் 60 லட்சம் மதிப்பில் கொல்கத்தா அணிக்கு சென்றார். அணி மாறினாலும் காட்சி மாறவில்லை. முதல் இரண்டு போட்டிகளில் வெறும் ஒரு ரன்னை மட்டும் எடுத்து சொதப்பியதால், கொல்கத்தா அணியிலிருந்தும் ஓரம்கட்டப்பட்டார். இதனைத் தொடர்ந்து மேற்கிந்தியத் தீவுகள் அணிக்காக சிறந்த பங்களிப்பை வழங்கி அசத்தியிருந்தார். இதனால், கொல்கத்தா அணி ரஸலை கழற்றவிடவில்லை.

மிரட்டல் அடி:

கொல்கத்தா அணி எடுத்த முடிவு சரியென்பதுபோல் 2015ஆம் ஆண்டில் 13 போட்டிகளில் 192 ஸ்ட்ரைக் ரேட்டுடன் 326 ரன்களை குவித்து அசத்தினார். மூன்றுமுறை ஆட்டநாயகன் விருதினை வென்றும், 14 விக்கெட்களை கைப்பற்றியும், சிறந்த தாக்கத்தை ஏற்படுத்திய வீரருக்கான விருதினை வென்றார். அதன்பிறகு கொல்கத்தா அணி இவரை கழற்றவிடவே இல்லை. 2020ஆம் ஆண்டில் 56.66 சராசரியுடன் 510 ரன்களை குவித்து, 11 விக்கெட்களை கைபற்றி, மீண்டும் பெரிய தாக்கத்தை ஏற்படுத்தி வீரர் என்ற விருதினை வென்றார்.

மோசமான ஆட்டம்:

இதனைத் தொடர்ந்து 2020, 2021ஆம் ஆண்டுகளில் ரஸலின் ஆட்டம் சொல்லிக்கொள்ளும் அளவுக்கு இருக்கவில்லை. ஷார்ட் பால்களுக்கு எதிராக படுமோசமாக திணறினார். கத்துக்குட்டி பௌலர்கூட ரஸலுக்கு ஷார்ட் பால்களை போட்டி, திணறடித்தனர். இதனால், ரஸலின் கிரிக்கெட் சகாப்தம் முடிந்துவிட்டதாகப் பலர் பேச ஆரம்பித்தார்கள். 2020ஆம் ஆண்டில் 13 சராசரியுடனும், 2021ஆம் ஆண்டில் 27.16 சராசரியுடன் ரன்களை சேர்த்ததால், மெகா ஏலத்திற்கு முன்பு ரஸலை, கொல்கத்தா அணி கழற்றிவிடும் என்றுதான் கருதப்பட்டது.

ரஸல் ரிட்டர்ன்:

ஆனால், யாரும் எதிர்பாராத வகையில் ரஸலை அந்த அணி தக்கவைத்தது. அதற்கு பலனாக ரஸல், அதிரடியாக விளையாடி மேட்ச் வின்னராக இருந்து வருகிறார். குறிப்பாக, கடந்த இரண்டு சீசன்களில் ஷார்ட் பால்களுக்கு எதிராக திணறிய ரஸல், இந்த சீசனில் அதே ஷார்ட் பால்களுக்கு எதிராக அபாரமாக விளையாடி, விமர்சனம் செய்தவர்களுக்குப் பதிலடி கொடுத்து வருகிறார். இந்த அதிரடி இந்த சீசன் முழுவதும் தொடரும் என எதிர்பார்க்கப்படுகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.