ashes series: ‘இங்கிலாந்து கேப்டன்’: ரூட்ட நீக்குங்க…இவர கேப்டனா போடுங்க: காரணத்தை விளக்கிய ஆஸி வீரர்! – brad haddin wants ben stokes to replace joe root as england s test captain

இந்நிலையில் தற்போது பத்திரிகை ஒன்றுக்குப் பேட்டிகொடுத்துள்ள ஆஸ்திரேலிய அணியின் முன்னாள் விக்கெட் கீப்பர் பேட்ஸ்மேன் பிராட் ஹாடின், ரூட்டை கேப்டன் பதவியிலிருந்து நீக்க வேண்டும் எனக் கூறினார். “என்னைப் பொறுத்தவரை ஜோ ரூட்டைவிட, பென் ஸ்டோக்ஸ்தான் சிறந்த கேப்டன். ஏன் என்று என்னால் விளக்கவும் முடியும். ஆஷஸ் இரண்டாவது டெஸ்ட் நான்காவது நாள் ஆட்டத்தின்போது ரூட், சிறிது நேரம் பெவிலியன் திரும்பினார். அந்த சமயத்தில் பென் ஸ்டோக்ஸ்தான் அணியை வழிநடத்தினார்” என்றார்.

மேலும் பேசிய அவர், “அப்போது பென் ஸ்டோக்ஸ், சரியான முறையில் திட்டங்களை வகுத்து அணியை வழிநடத்தினார். பௌலர்கள் ஸ்டெம்ப் லைனில் பந்துவீசி, அவ்வப்போது அவுட் சைட் ஆஃப் ஸ்டெம்பிலும் பந்துவீசினார்கள். இதனால் மிட் விக்கெட், ஷார்ட் திசையில் கேட்ச்களை பிடிக்க முடிந்தது. 20 நிமிடங்களிலேயே ஆஸ்திரேலியா 4 விக்கெட்களை இழந்து தடுமாறத் துவங்கியது. அந்த அளவுக்கு பென் ஸ்டோக்ஸ் சிறப்பாக அணியை வழிநடத்தினார். ரூட் வந்த பிறகு, மீண்டும் அணி திணற ஆரம்பித்தது. ரூட் ரன்களை குவித்தாலும், கேப்டனாக சரியான திட்டத்தோடு செயல்படுவது கிடையாது. இதனால், அவருக்குப் பதிலாக பென் ஸ்டோக்ஸை கேப்டனாக நியமித்தால் மட்டுமே, அணி சிறப்பாக செயல்படும்” எனத் தெரிவித்தார்.