ஹைலைட்ஸ்:

  • தளபதி 66 படத்தை இயக்கும் வம்சி பைடிபல்லி
  • வம்சி படத்திற்காக விஜய்க்கு ரூ. 120 கோடி சம்பளம்

மாஸ்டரை அடுத்து நெல்சன் திலீப்குமார் இயக்கத்தில் பீஸ்ட் படத்தில் நடித்து வருகிறார் விஜய். அந்த படத்தின் மூன்றாவது கட்ட படப்பிடிப்பு தற்போது சென்னையில் நடந்து வருகிறது.

Vijay: கடவுளே, மறுபடியுமா?, பாவம்யா நடிகர் விஜய்: அது ஏன் அவருக்குனே இப்படி நடக்குது!இந்நிலையில் தளபதி 66 படத்தை இயக்கப் போவது வம்சி பைடிபல்லி என்பது உறுதியாகிவிட்டது. தளபதி 66 படத்தை பிரபல தெலுங்கு தயாரிப்பாளர் தில் ராஜு தயாரிக்கிறாராம். படத்தை தமிழ் மற்றும் தெலுங்கில் எடுக்க முடிவு செய்யப்பட்டிருக்கிறதாம்.

தளபதி 66 படத்திற்காக விஜய்க்கு ரூ. 120 கோடி சம்பளம் பேசப்பட்டிருக்கிறதாம். இந்த படம் தொடர்பான ஒப்பந்தத்தில் விஜய் கையெழுத்து போட்டுவிட்டதாக கூறப்படுகிறது.

தான் நடித்துக் கொண்டிருக்கும் பட வேலை முடியும் வரை அடுத்த படம் குறித்து பேச மாட்டார் விஜய். அப்படி இருக்கும்போது பீஸ்ட் பட வேலை துவங்கிய வேகத்தில், தளபதி 66 படத்தை இயக்கப் போவது நான் தான் என்று வம்சி பைடிபல்லி பேட்டி ஒன்றில் தெரிவித்தார். அது விஜய்க்கு சுத்தமாக பிடிக்கவில்லை என்று கூறப்பட்டது.

வம்சி அவசரப்பட்டு பேசியதால் அவரை மாற்றும் ஐடியாவில் விஜய் இருப்பதாக தகவல் வெளியானது. ஆனால் அப்படி எதுவும் நடக்கவில்லை.

தளபதி 66 பட வேலையே துவங்காத நிலையில் தளபதி 67 படத்தை இயக்கப் போவது கண்ணும் கண்ணும் கொள்ளையடித்தால் படம் புகழ் தேசிங் பெரியசாமி என்று செய்திகள் வெளியாகியுள்ளது. தேசிங் பெரியசாமி அண்மையில் விஜய்யை சந்தித்து கதை சொல்ல அது அவருக்கு மிகவும் பிடித்துவிட்டதாம்.