1649489151 pic

ஐபிஎல் 15ஆவது சீசன் விறுவிறுப்பாக நடைபெற்று வருகிறது. இதில் நடப்பு சாம்பியன் சென்னை சூப்பர் கிங்ஸ் அணி முதல் மூன்று போட்டிகளிலும் சொதப்பி, ஹாட்ரிக் தோல்வியை பதிவு செய்துள்ளது. இன்று சன் ரைசர்ஸ் ஹைதராபாத் அணிக்கு எதிரான போட்டியின்மூலம் வெற்றிக் கணக்கை துவங்கி அசத்தும் என எதிர்பார்க்கப்படுகிறது.வர்ணனை:

ஐபிஎல் தொடரை ஒளிபரப்பும் தனியார் தொலைக்காட்சி நிறுவனம், தமிழிலும் கமெண்ட்ரி செய்து வருகிறது. ஆங்கிலம், ஹிந்தி போன்ற மொழிகளிலும் கமெண்ட்ரி செய்யப்படுகிறது. இருப்பினும் மற்ற மொழிகளைப் போல் அல்லாமல் தமிழ் வர்ணனை தனித்துவமாக இருக்கிறது.

காமெடி நடிகர்களையும், உருவகேலி நட்சத்திரங்களையும் வைத்து கிரிக்கெட் குறித்து குட்டி குட்டி ஷோக்களை நடித்தி வருகிறார்கள். அது மக்கள் மத்தியில் பெரும் வரவேற்பை பெற்று வருகிறது. அதேபோல் வர்ணனை செய்யும் இடத்தில் காமெடி நடிகர்கள், சினிமா ஸ்டார்கள் மற்றும் முன்னாள் கிரிக்கெட் வீரர்களையும் வைத்துள்ளனர்.

இவர்கள் அவ்வபோது சினிமா பற்றி பேசுவதால், ரசிகர்களுக்கு புதுவித அனுபவம் கிடைக்கிறது. மேலும், இதனால் எவ்வித சலிப்பு தட்டாமல் இருப்பதாக கூறி ரசிகர்கள் வரவேற்பு தெரிவித்து வருகிறார்கள்.

முகேஷ் சௌத்ரி:

15ஆவது சீசனில் தீபக் சஹார் இல்லாததால் முகேஷ் சௌத்ரி என்ற இளம் பௌலருக்கு சிஎஸ்கே வாய்ப்பு கொடுத்து வருகிறது. அவரும் தன்னால் முடிந்த அளவுக்கு சிறந்த பங்களிப்பை கொடுத்து வருகிறார். சில ஓவர்களில் மட்டுமே அதிக ரன்கள் கசிந்து வருகிறது. இந்நிலையில் முகேஷ் சௌத்ரி பந்துவீச வரும்போது, ‘நான்தான் முகேஷ்’ என்ற வசனத்தை தமிழ் கிரிக்கெட் வர்ணனையாளர்கள் அடிக்கடி பயன்படுத்துகிறார்கள்.

சந்தேகம்:

நான்தான் முகேஷ் என்ற வசனம், புற்றுநோய் விழிப்புணர்வு விளம்பரத்தில் ஒரு புற்றுநோய் நோயாளி கூறும் வசனமாகும். இந்நிலையில், முகேஷ் சௌத்ரி பந்துவீச வரும்போது ‘நான்தான் முகேஷ்’ என வர்ணனையாளர்கள் கூறுவதால், ஒருவேளை அந்த முகேஷ், நம்ம முகேஷ் சௌத்ரி தானோ என சில ரசிகர்கள் சந்தேகம் அடைந்து, இதுகுறித்து கூகுளில் தேடியிருக்கிறார்கள். மேலும், சிலர் இணையத்தில் இதுதொடர்பாக கேள்வி எழுப்பி வருகிறார்கள்.

கோரிக்கை:

இதனால், இனிமேலாவது முகேஷ் சௌத்ரி பந்துவீச வரும்போது இனி அப்படி கூற வேண்டாம் என சிஎஸ்கே ரசிகர்கள் கோரிக்கை விடுத்து வருகிறார்கள். மேலும், மற்ற வீரர்களை கேலி செய்வதபோல் நாசுக்காக கேலி செய்தால்கூட பரவாயில்லை என வர்ணனையாளர்களுக்குக் கோரிக்கை விடுத்து வருகின்றனர் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.