1649155755 pic

ஐபிஎல் 15ஆவது சீசன் துவங்கி, விறுவிறுப்பாக நடைபெற்று வருகிறது. இதில் ராஜஸ்தான் ராயல்ஸ், குஜராத் டைடன்ஸ், பஞ்சாப் கிங்ஸ் போன்ற அணிகள் சிறப்பாக செயல்பட்டு வரும் நிலையில், நடப்பு சாம்பியன் சென்னை சூப்பர் கிங்ஸ், 5 முறை சாம்பியன் மும்பை இந்தியன்ஸ் அணிகள் தொடர் தோல்விகளை சந்தித்து, புள்ளிப்பட்டியலில் கடைசி இடங்களில் நீடிக்கின்றன.சிஎஸ்கே அணி தனது முதல் போட்டியில் கொல்கத்தா அணியை எதிர்கொண்ட நிலையில் 6 விக்கெட்கள் வித்தியாசத்தில் தோற்றது. அடுத்து லக்னோ அணிக்கு எதிரான போட்டியிலும் சிஎஸ்கேவால் வெற்றிபெற முடியவில்லை.

இந்த இரண்டாவது போட்டி முடிந்தப் பிறகு பேசிய சிஎஸ்கே அணி பயிற்சியாளர் ஸ்டீபன் பிளெமிங், “பனி காரணமாக எங்கள் ஸ்பின்னர்களால் பந்துவீச முடியவில்லை. இரண்டாவது இன்னிங்ஸின்போது மைதானத்தில், நயாகரா நீர்வீழ்ச்சி போல பனி காணப்பட்டது. இதனால் சுழற்பந்து வீச்சாளர்கள் பந்தை பிடிப்பதே மிகவும் கடினமாக இருந்தது” என தெரிவித்தார். அதாவது டாஸ் வென்று முதலில் பந்துவீசும் அணிக்குத்தான் வெற்றி வாய்ப்பு அதிகம் என்பதை மறைமுகமாக கூறியிருந்தார்.

இந்த பிரச்சினையை தீவிரமாக எடுத்துக்கொண்டுள்ள ஐபிஎல் நிர்வாகம், பனியின் தாக்கத்தை ஒழிக்க தற்போது புது திட்டத்தை அமல்படுத்தியுள்ளது. அதாவது, மைதானத்தில் பனியின் தாக்கத்தை பெருமளவு குறைக்க ரசாயனத்தைத் தெளித்து வருவதாக தகவல் வெளியாகியுள்ளது. அதுவும் கடைசியாக சிஎஸ்கே, பஞ்சாப் அணிகளுக்கு இடையிலான போட்டி முதலே இது நடைமுறைப்படுத்தப்பட்டுள்ளதாம். இதனால்தான், பஞ்சாப் கிங்ஸ் அணிக்கு எதிரான போட்டியில் தோற்ற பிறகு பனியின் தாக்கம் குறித்து சிஎஸ்கே வாய் திறக்கவில்லை எனக் கூறப்படுகிறது.

மேலும், இனி வரும் போட்டிகளின்போதும் பனியின் தாக்கத்தை பற்றி யாரும் பேசாத அளவுக்கு ஐபிஎல் நிர்வாகத்தின் இந்த திட்டம் இருக்கிறது. இதற்கு பலரும் வரவேற்பை தெரிவித்து வருகிறார்கள்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.