1648767133 pic

சென்னை சூப்பர் கிங்ஸ் அணியின் நட்சத்திர ஆல்-ரவுண்டர் டுவைன் பிராவோ, கடந்த சீசனில் சிறப்பாக செயல்படவில்லை. இதனால், அந்த சீசனோடு ஐபிஎலில் இருந்து விலகிவிடுவார் என எதிர்பார்க்கப்பட்ட நிலையில், சிஎஸ்கே ஏலம் எடுத்துள்ளது. மேலும் ராபின் உத்தப்பாவும் வாங்கியது.இப்படி வயதானவர்களை வாங்கியதால், சிஎஸ்கே நிர்வாகம் மீது தொடர் விமர்சனங்கள் எழுந்தன. இந்நிலையில், அந்த விமசனங்களுக்கு பதிலடி கொடுக்கும் வகையில், முதல் போட்டியில் கொல்கத்தா நைட் ரைடர்ஸ் அணிக்கு எதிராக பிராவோ சிறப்பாக பந்துவீசி அசத்தினார்.

மொத்தம் 4 ஓவர்கள் வீசி வெங்கடேஷ் ஐயர், நிதிஷ் ராணா, சாம் பில்லிங்ஸ் போன்றவர்களின் விக்கெட்டை எடுத்துக்கொண்டு வெறும் 20 ரன்களை மட்டுமே விட்டுக்கொடுத்தார். பார்மில் இருந்த ஷ்ரேயஸ் ஐயர், வெங்கடேஷ் ஐயர் போன்றவர்கள் கூட பிராவோவின் பந்துகளை எதிர்கொள்ள சிரமப்பட்டனர்.

இந்நிலையில் சிஎஸ்கே அணி இன்று லக்னோ சூப்பர் ஜெய்ண்ட்ஸ் அணியை எதிர்கொண்டு விளையாட உள்ளது. இதிலும் பிராவோவின் செயல்பாடுகள் குறித்து பெரும் எதிர்பார்ப்புகள் எழுந்துள்ளன. இப்போட்டியில் பிராவோ ஒரேயொரு விக்கெட்டை வீழ்த்தினாலே போதும், ஐபிஎலில் மிகப்பெரிய வரலாற்றுச் சாதனையை படைத்துவிட முடியும்.

மெகா சாதனை:

பிராவோ தற்போதுவரை 170 ஐபிஎல் விக்கெட்களை வீழ்த்தியுள்ளார். மலிங்காவும் 170 விக்கெட்களுடன் முதலிடத்தில் இருக்கிறார். ஒரேயொரு விக்கெட்டை வீழ்த்தும் பட்சத்தில், ஐபிஎலில் அதிக விக்கெட்களை கைப்பற்றி பௌலர் என்ற சாதனைக்கு சொந்தக்காரராக மாறிவிட முடியும்.

அடுத்தடுத்த இடங்களில் அமித் மிஸ்ரா (166), பியூஷ் சாவ்லா (157), ஹர்பஜன் சிங் (150) போன்ற ஓய்வுபெற்ற வீரர்கள்தான் இருக்கிறார்கள். இதனால், பிராவோவின் சாதனையை முறியடிப்பது சவாலானதாகத்தான் இருக்கும். தற்போது விளையாடிக் கொண்டு இருக்கும் வீரர்களில் அஸ்வின் (145), சுனில் நரைன் (144), புவனேஷ்வர் குமார் (144) போன்றவர்கள்தான் அடுத்தடுத்த இடங்களில் இருக்கிறார்கள் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.