1648979623 pic

ஐபிஎல் 15ஆவது சீசன் துவங்குவதற்கு முன்பு, சென்னை சூப்பர் கிங்ஸ் அணிக் கேப்டனாக இருந்த மகேந்திரசிங் தோனி, திடீரென்று தனது பதவியை ராஜினாமா செய்தார். இதனைத் தொடர்ந்து ரவீந்திர ஜடேஜாவுக்கு அப்பதவி கொடுக்கப்பட்டது.இதனால், ரவீந்திர ஜடேஜா சிஎஸ்கேவை எப்படி வழிநடத்தப் போகிறார், தோனி மாதிரி வழிநடத்துவாரா? என்ற எதிர்பார்ப்பு இருந்தது. இந்நிலையில் சிஎஸ்கே அடுத்தடுத்து இரண்டு போட்டிகளில் தோற்று, துவக்கத்திலேயே பின்னடைவை சந்தித்துள்ளது.

முதல் போட்டியில் கொல்கத்தா நைட் ரைடர்ஸுக்கு எதிராக 131 ரன்களை மட்டும் அடித்தது. குறைவான ஸ்கோர் என்பதால்தான் தோற்றது என்ற ஆறுதல் இருந்தது. ஆனால், அடுத்த போட்டியில் லக்னோ சூப்பர் ஜெய்ண்ட்ஸுக்கு எதிராக 210 ரன்கள் அடித்தும் தோற்றுதான், ரசிகர்கள் மத்தியில் அதிருப்தியை ஏற்படுத்தியுள்ளது. இதில் ஒரேயொரு நல்ல விஷயம் என்ன வென்றால் இரண்டு போட்டிகளிலும் தோனி 50 (38), 16 (6) அதிரடியாக விளையாடி பார்முக்கு திரும்பியிருப்பதுதான்.

படு சொதப்பல்:

சிஎஸ்கேவின் குறைபாடு என பார்த்தால் அது ஓபனர் ருதுராஜ் கெய்க்வான்தான். கடந்த சீசனில் 16 போட்டிகளில் 635 ரன்களை குவித்து ஆரஞ்சு தொப்பியை வென்ற இவர், தற்போது முதல் இரண்டு போட்டிகளில் மொத்தம் ஒரு ரன் மட்டுமே எடுத்துள்ளார். மேலும், பந்துவீச்சு துறையும் பலவீனமாக இருக்கிறது. தீபக் சஹார் வந்தால்தான் இந்த பிரச்சினை தீரும் எனக் கருதப்படுகிறது.

ரவி சாஸ்திரி பேட்டி:

இந்நிலையில், சிஎஸ்கேவின் தொடர் தோல்வி குறித்து இந்திய அணி முன்னாள் தலைமை பயிற்சியாளர் ரவி சாஸ்திரி பேசியுள்ளார். அதில், “முதல் 2 போட்டிகளிலும் தோல்வியை சந்தித்திருப்பது நிச்சயம் கேப்டன் ஜடேஜாவுக்கு கூடுதல் நெருக்கடியை ஏற்படுத்தியிருக்கும். ருதுராஜ் கெய்க்வாட் நிலையான ஆட்டத்தை வெளிப்படுத்த நேரம் எடுத்துக்கொள்வது மிகவும் அவசியம். ஒரு அணியில் தொடக்க வீரர்களில் ஒருவராவது சிறப்பாக விளையாடுவது மிகவும் முக்கியம்” எனக் கூறினார்.

மேலும் பேசிய அவர், “இரண்டு ஓபனர்களும் சொதப்பினால், அது நிச்சயம் அணிக்கு பெரும் பின்னடைவை ஏற்படுத்தும். சிஎஸ்கேவில் இரண்டு ஓபனர்களும் சொதப்புவது கவலைக்குரிய விஷயம்தான். இதேநிலை தொடர்ந்தால் சிஎஸ்கேவுக்கு தோல்விகள்தான் கிடைக்கும். ருதுராஜ் நிறைய ஷாட்களை ஆடக் கூடியவர். அவர் அடுத்த சில போட்டிகளில் துவக்கத்தில் மிகவும் நிதானமாக விளையாடி செட் ஆக வேண்டும். அப்போதுதான் அதிரடி காட்ட முடியும். இம்முறை பிட்ச்கள் பேட்டிங்கிற்கு சாதகமாகத்தான் இருக்கிறது” எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.