1648968639 pic

நடந்துவரும் ஐபிஎல்யின் 15ஆவது சீசனில் சென்னை அணி இதுவரை இல்லாததை போல முதல் இரண்டு போட்டிகளிலும் தோல்வியை சந்தித்துள்ளது.கடந்த மார்ச் 31 ஆம் தேதி நடைபெற்ற போட்டியில், சென்னை சூப்பர் கிங்ஸில் முதலில் பேட்டிங் செய்தது. தொடக்க ஆட்டக்காரர்களாக உத்தப்பாவும், ருதுராஜும் களம் இறங்கினார்கள். ஆரம்பத்திலேயே ருதுராஜ் ஒரு ரன்னில் ரன் அவுட் ஆகி ரசிகர்களுக்கு அதிர்ச்சியை கொடுக்க, மறுமுனையில் இருந்த உத்தப்பாவோ அதிரடியாக விளையாடி அரைசதம் அடித்தார்.

மொயின் அலி 22 பந்துகளில் 35 ரன்களும், சிவம் துபே 30 பந்துகளில் 49 ரன்கள் என அதிரடியாக விளையாடி ரன்களை சேர்த்த நிலையில், இறுதியில் தோனி வந்து அதிரடியை காட்டினார். அவர் 6 பந்துகளில் ஒரு சிக்ஸர், இரண்டு பவுண்டரி என அடிக்க சென்னை சூப்பர் கிங்ஸ் 20 ஓவர்களின் முடிவில் 7 விக்கெட் இழப்பிற்கு 210 ரன்களை எடுத்தது.

211 ரன்களை எடுத்தால் வெற்றி என்ற கடினமான இலக்குடன் களமிறங்கிய லக்னோவில், கே.எல்.ராகுல் (40), டி காக் (61), எவின் லூயிஸ் (55), ஆயுஷ் படோனி (19) என எடுத்து 6 விக்கெட் வித்தியாசத்தில் சென்னை சூப்பர் கிங்ஸை வீழ்த்தினர். இதன் மூலம் முதல் இரண்டு போட்டிகளிலும் சென்னை அணி, தோல்வியை சந்திப்பது இதுவே முதல் முறையாகும்.

பிளெமிங் அதிருப்தி:

இந்த சீசனில் நடந்த அனைத்து போட்டிகளிலும் இரண்டாவதாக பேட்டிங் செய்த அணி தான் வெற்றி பெறுகிறது என்ற விமர்சனம் உள்ளது. ராஜஸ்தான் மட்டும் தான் ஹைதராபாத் அணியை டிபன்ட் செய்தது. பனி காரணமாக இது நடந்தாலும், ஸ்டீஃபன் பிளெமிங்வும் இதை பற்றி கருத்து கூறியுள்ளார்.

இதை பற்றி சென்னை அணியின் தலைமை பயிற்சியாளர், ஸ்டீஃபன் பிளெமிங் கூறியதாவது, “பனி காரணமாக எங்கள் ஸ்பின்னர்களால் பந்துவீச முடியவில்லை. இரண்டாவது இன்னிங்ஸில் மைதானம் நயாகரா நீர்வீழ்ச்சி போல பனி காணப்பட்டது. இதனால் சுழற்பந்து வீச்சாளர்கள் பந்தை பிடிப்பதே மிகவும் கடினமாக இருந்தது” என தெரிவித்தார்.

மேலும், “அவர்கள் சிறப்பாக விளையாடினார்கள். ஸ்பின்னர்கள் இல்லாத காரணத்தால் எங்களுக்கு ஒரு ஓவருக்கு வேறு பவுலர் தேவைப்பட்டது. அதனால் நாங்கள் அவர்களின் ரன்-ரெட்டை குறைத்தால், வேறு பவுலர்கள் அந்த இடைவெளியில் பந்துவீச சொல்லலாம் என நினைத்தோம்” என கூறினார்.

தொடர்ந்து பேசிய அவர், “எங்களின் முதல் இன்னிங்ஸ் ஸ்கோர் போதுமானதாக தான் தோன்றியது. ஆனால், இங்கு இரண்டாவது பேட்டிங் ஆடும் அணியால் தான் ஜெயிக்க முடியும் என்ற நிலை தான் உள்ளது. எவ்வளவு பெரிய ஸ்கோர் அடித்தாலும் இரண்டாவது இன்னிங்ஸ் விளையாடும் அணி வெற்றிபெற்றுவிடும் என்ற இருக்கிறது” என தெரிவித்தார்.

சென்னை சூப்பர் கிங்ஸ் அடுத்து பஞ்சாப் கிங்ஸ்சுடன் ஞாயிற்றுக்கிழமை (ஏப்ரல் 3) பலப்பரீட்சை நடத்துகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.