1649735107 pic

ஐபிஎல் 15ஆவது சீசனின் இன்றைய 22ஆவது லீக் போட்டியில் சென்னை சூப்பர் கிங்ஸ், ராயல் சேலஞ்சர்ஸ் பெங்களூர் அணிகள் மோதவுள்ளன. இப்போட்டி மும்பையில் உள்ள டாக்டர் டிஒய் படேல் ஸ்டேடியத்தில் நடைபெறவுள்ளது.சிஎஸ்கே அணி:

சென்னை சூப்பர் கிங்ஸ் அணி முதல் நான்கு போட்டிகளில் தோற்று, புள்ளிப்பட்டியலின் கடைசி இடத்தில் நீடிக்கிறது. முதல் மூன்று போட்டிகளின்போது பந்துவீச்சில் பிரச்சினை இருந்த நிலையில், நான்காவது போட்டியில் நன் ரைசர்ஸுக்கு எதிராக பௌலர்கள் சிறப்பாக செயல்பட்டனர். இதனால், சிஎஸ்கேவின் பந்துவீச்சு பிரச்சினை கிட்டதட்ட முடிவுக்கு வந்துவிட்டதாகத்தான் கருதப்படுகிறது. பேட்டிங்கில் ருதுராஜ் கெய்க்வாட் தொடர்ந்து சொதப்பி வருகிறார். இன்று தனது திறமையை நிரூபிக்கும் வகையில் சிறப்பாக செயல்படுவார் என எதிர்பார்க்கப்படுகிறது.

சிஎஸ்கேவில் இந்த ஓபனர் சொதப்பல், பௌலர்கள் சொதப்பல்கள் இல்லாமல் இருந்தாலே சிறந்த அணியாகத்தான் திகழும். இன்றைய போட்டியில் டுவைட் பிரிடோரியஸ், தீக்ஷனா, ஆடம் மில்னே மூவரில் ஒருவருக்குத்தான் இடம் கிடைக்கும்.

ஆர்சிபி அணி:

ஒருமுறைகூட கோப்பை வெல்லாத ராயல் சேலஞ்சர்ஸ் பெங்களூர் அணி, இம்முறை கோப்பை வெல்ல வேண்டும் என்ற துடிப்போடு முதல் போட்டி முதலே சிறப்பாக செயல்பட்டு வருகிறது. இதுவரை விளையாடிய 4 போட்டிகளில் 3 போட்டிகளில் வெற்றிபெற்று, 6 புள்ளியுடன் புள்ளிப்பட்டியலின் மூன்றாவது இடத்தில் நீடிக்கிறது. இன்றைய போட்டியில் வெற்றிபெற்றுவிட்டால், முதலிடத்தை பிடித்துவிட முடியும்.

ஹர்ஷல் படேல், குடும்பத்தில் துக்க சம்பவம் காரணமாக பயோ பபுளைவிட்டு வெளியேறிவிட்டார். இதனால், சித்தார்த் கௌல் அணியில் இணைய வாய்ப்புள்ளது. மற்றபடி அணியில் மாற்றங்கள் இருக்காது எனக் கருதப்படுகிறது.

பிட்ச் ரிப்போர்ட்:

இந்த பிட்சில் 160 ரன்கள்தான் சராசரி ஸ்கோராக இருக்கிறது. கடைசியாக இந்த மைதானத்தில் சிஎஸ்கே அணி விளையாடியதால், அவர்களுக்கு இங்கு எப்படி செயல்பட வேண்டும் என்பது நிச்சயம் நன்றாக தெரிந்திருக்கும். இது சிஎஸ்கேவுக்கு கூடுதல் சாதகம்தான். இருப்பினும், டாஸ் வென்றால் மட்டுமே வெற்றி வாய்ப்பு பிரகாசமாக இருக்கும் என்பது குறிப்பிடத்தக்கது.

உத்தேச XI:

சிஎஸ்கே: ருதுராஜ் கெய்க்வாட், ராபின் உத்தப்பா, மொயின் அலி, அம்பத்தி ராயுடு, ரவீந்திர ஜடேஜா, ஷுவம் துபே, மகேந்திரசிங் தோனி, டுவைன் பிராவோ, கிறிஸ் ஜோர்டன், முகேஷ் சௌத்ரி, மகிஷ் தீக்ஷனா/டுவைன் பிரிடோரியஸ்/ஆடம் மில்னே.

ஆர்சிபி: டூ பிளஸி, அனுஷ் ராவத், விராட் கோலி, கிளென் மேக்ஸ்வெல், தினேஷ் கார்த்திக், சாபஷ் அகமது, டேவிட் வில்லி, வனிந்து ஹசரங்கா, சித்தார்த் கௌல், ஆகாஷ் தீப், முகமது சிராஜ்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.