1649041936 pic

ஐபிஎல் தொடங்கியது முதல் 14ஆவது சீசன்வரை சென்னை சூப்பர் கிங்ஸ் அணிக்கு கேப்ட்டனாக இருந்த மகேந்திரசிங் தோனி, திடீரென்று 15ஆவது சீசன் துவங்குவதற்கு முன்பு கேப்டன் பதவியிலிருந்து விலகினார். இதனைத் தொடர்ந்து ரவீந்திர ஜடேஜாவுக்கு அப்பதவி வழங்கப்பட்டுள்ளது. இதனால், ஜடேஜா தலைமையில் சிஎஸ்கே எப்படி செயல்படப் போகிறது என்ற எதிர்பார்ப்பு இருந்தது. இந்நிலையில் சிஎஸ்கே முதல் இரண்டு போட்டிகளிலும் கொல்கத்தா, லக்னோ அணிகளிடம் தோற்று, சொதப்பியது. சிஎஸ்கே முதல் இரண்டு போட்டிகளிலும் தோற்பது இதுதான் முதல்முறை. அடுத்து பஞ்சாப் கிங்ஸ் அணிக்கு எதிரான போட்டியிலாவது சிஎஸ்கே சிறப்பாக செயல்பட்டு வெற்றிபெறுமா என எதிர்பார்க்கப்பட்ட நிலையில், அப்போட்டியிலும் படுமோசமாக தோற்றுள்ளத்து.

நெருக்கடி:

இந்த தோல்விக்கு முக்கிய காரணமாக ஜடேஜா பார்க்கப்படுகிறார். இவர் இதற்குமுன்பு கேப்டனாக இருந்தது கிடையாது. திடீரென்று கேப்டன்ஸி செய்வதால் அழுத்தம், நெருக்கடிகளை சமாளிக்க முடியாமல் அணியை சிறப்பாக வழிநடத்த தவறிவிடுகிறார். மேலும், இதனால் இவரது ஆட்டத்தையும் இது பாதிக்கிறது என கிரிக்கெட் விமர்சகர்கள் கருதுகிறார்கள்.

இதனால் சிஎஸ்கே, புது கேப்டனை நியமித்தால் மட்டுமே சிஎஸ்கேவும், ஜடேஜாவையும் காப்பாற்ற முடியும் என பேச்சுகள் எழுந்துள்ளன. அப்படி ஜடேஜாவை நீக்கினால், அந்த கேப்டன்ஸி இடத்திற்கு மொயின் அலி, டுவைன் பிராவோ ஆகியோரில் ஒருவரைத்தான் சிஎஸ்கே தேர்வு செய்யும் எனவும் கூறப்படுகிறது.

இருப்பினும், சிஎஸ்கே உடனே இந்த முடிவினை எடுக்காது என்றும், தொடர்ந்து தோல்விகளை சந்தித்தால் மட்டுமே, சிஎஸ்கே இந்த முடிவினை எடுக்கும் என தகவல் வெளியாகியுள்ளது. சிஎஸ்கே தனது அடுத்த போட்டியில் சன் ரைசர்ஸ் ஹைதராபாத் அணியை எதிர்கொள்ளவுள்ளது. அந்த அணி தற்போது மோசமான பார்மில் இருப்பதால், இந்த அணிக்கு எதிராக எப்படியும் வெற்றிபெற்று, சிஎஸ்கே புத்துணர்வு பெறும் என எதிர்பார்க்கப்படுகிறது.

இப்போட்டி வரும் ஏப்ரல் 9ஆம் தேதி நடைபெறும் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.