1648686576 pic

ஐபிஎல் தொடரில் தொடர்ச்சியாக இரண்டு சதம் விளாசிய ஒரே வீரராக ஷிகர் தவன் திகழ்கிறார். அதேபோல், அனைத்து சீசன்களிலும் கிட்டதட்ட 500 ரன்களை கடந்து அசத்தி வருகிறார். இவர் பேட்டிங்கில் மட்டுமல்ல, பந்துவீச்சிலும் தொடர்ந்து பட்டையக் கிளப்பியவர் என்பது இங்கு பலருக்கும் தெரிந்திருக்க வாய்ப்பு கிடையாது.

கடந்த ஐந்து வருடங்களுக்கு முன்புவரை ஐபிஎல் தொடரில் பந்துவீசிய இவர், 4 விக்கெட்கள் வரை கைப்பற்றியுள்ளார். அந்த நான்கு பேரும் டான் பேட்ஸ்மேன்கள் என்பது குறிப்பிடத்தக்கது. அந்த நான்கு பேர் யார் யார் என்பது குறித்து தற்போது பார்ப்போம்.

4.சவுரவ் கங்குலி:

4-

2012ஆம் ஆண்டு நடைபெற்ற ஐபிஎல் லீக் போட்டியில் புனே வாரியர்ஸ், டெக்கான் சார்ஜஸ் அணிகள் மோதின. முதலில் களமிறங்கிய டெக்கான் அணி 186 ரன்கள் குவித்தது. இலக்கை துரத்திய புனே அணியில் கங்குலி சிறப்பாக விளையாடி 45 ரன்கள் வரை சேர்த்தார். எந்த பௌலரும் இவரை வீழ்த்த முடியவில்லை. இறுதியில் ஷிகர் தவனிடம் வீழ்ந்தார். இருப்பினும், புனே அணி வெற்றிபெற்றது.

3. ஷேன் மார்ஷ்:

3-

ஐபிஎல் தொடரில் ஷேன் மார்ஷ் பஞ்சாப் அணிக்காக மட்டுமே விளையாடியுள்ளார். முதல் சீசனிலேயே ஆரஞ்சு தொப்பி பெற்று அசத்தியவர். டெக்கான் அணியை எதிர்த்து விளையாடியபோது, மார்ஷ், மந்தீப் சிங் இருவரும் பஞ்சாப் அணியின் ஓபனர்களாக களமிறங்கினர். இவர்களின் அதிரடியை யாராலும் கட்டுப்படுத்த முடியவில்லை. பவர் பிளே முடிவதற்குள் இந்த பார்ட்னர்ஷிப் 50 ரன்களை குவித்தது. இதனையடுத்து 7ஆவது ஓவர் வீச ஷிகர் தவன் வந்தார். தனது முதல் ஓவரிலேயே ஷேன் மார்ஸை பெவிலியனுக்கு அனுப்பி அசத்தினார்.

2.டேவிட் வார்னர்:

2-

ஐபிஎல் வரலாற்றில் சிறந்த ஓபனராக திகழ்ந்து வருபவர் டேவிட் வார்னர். இவர் முதலில் டெல்லி அணிக்காகத்தான் விளையாடி வந்தார். டெல்லி, டெக்கான் இந்த இரண்டு அணிகளும் நேருக்கு நேர் சந்தித்தபோது, முதலில் களமிறங்கிய டெக்கான் அணி 168 ரன்கள் குவித்து அசத்தியது. இலக்கை துரத்திக் களமிறங்கிய டெல்லி அணியில் வார்னர் அரை சதம் கடந்து சிறப்பாக விளையாடி வந்தார். இதனால், டெல்லி அணிக்கு வெற்றி வாய்ப்பு அதிகரித்தது. அப்போது ஒரு ஓவர் வீச வந்த தவன், வார்னரின் விக்கெட்டை வீழ்த்தி அசத்தினார். இதனால் டெக்கான் அணி கடைசி நேரத்தில் 16 ரன்கள் வித்தியாசத்தில் த்ரில் வெற்றிபெற்றது.

1.விரேந்தர் சேவாக்:

1-

டெல்லி டேர்டவெல்ஸ் அணிக்கு எதிராக முதலில் பேட்டிங் செய்த டெக்கான் சார்ஜஸ் அணி 187/4 ரன்கள் குவித்தது. மெகா இலக்கை துரத்திக் களமிறங்கிய டெல்லி அணியில் சேவாக் ஓபனராக களமிறங்கினார். முதல் ஓவரை வீசும் பொறுப்பு தவனுக்கு வழங்கப்பட்டது. அணிக் கேப்டன் எதிர்பார்த்தபடியே சேவாக் விக்கெட்டை வீழ்த்தி 4 ரன்களை மட்டும் விட்டுக்கொடுத்து தவன் அசத்தினார். இருப்பினும், அடுத்த இரண்டு ஓவர்களில் தவன் 27 ரன்களை வாரி வழங்கினார். இறுதியில் வார்னர் அரை சதம் அடித்து டெல்லி அணிக்கு 16.4 ஓவர்கள் முடிவில் வெற்றியைப் பெற்றுக்கொடுத்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.