1649360940 pic

15ஆவது சீசனின் இன்றைய லீக் போட்டியில் லக்னோ சூப்பர் ஜெய்ண்ட்ஸ், டெல்லி கேபிடல்ஸ் அணிகள் பங்கேற்று விளையாடி வருகின்றன. இதில் டாஸ் வென்ற லக்னோ அணி முதலில் பந்துவீச்சைத் தேர்வு செய்தது.

டெல்லி இன்னிங்ஸ்:


முதலில் களமிறங்கிய டெல்லி அணியில் ஓபனர் பிரித்வி ஷா தொடர்ந்து காட்டடி அடித்து வந்தார். இருப்பினும் மற்றொரு ஓபனர் டேவிட் வார்னர் சிறப்பாக செயல்படவில்லை. 12 பந்துகளை எதிர்கொண்டு 4 ரன்கள் மட்டும் அடித்து, பிஷ்னோய் பந்துவீச்சில் ஆட்டமிழந்தார். பிஷ்னோய் வார்னருக்கு எதிராக மூன்று இன்னிங்ஸ்களில் 5 ரன்களை மட்டும் எடுத்து, மூன்றுமுறை ஆட்டமிழந்துள்ளார். வார்னருக்கு எதிராக வேறு எந்த ஐபிஎல் பௌலரும் இப்படியொரு ரெக்கார்ட்டை வைத்திருக்கவில்லை.தொடர்ந்து நடைபெற்ற ஆட்டத்தில் ரௌமேன் பௌல் 10 பந்துகளில் 3 ரன்கள் மட்டும் சேர்த்து பிஷ்னோய் பந்துவீச்சில் போல்ட் ஆனார். இதனால், டெல்லி அணியின் ரன் ரேட் குறைய ஆரம்பித்தது. அந்த சமயத்தில், சிறப்பாக விளையாடி வந்த பிரித்வி ஷாவும் 34 பந்துகளில் 9 பவுண்டரி, 2 சிக்ஸர் உட்பட 61 ரன்களை குவித்து, கிருஷ்ணப்பா கௌதம் பந்துவீச்சில் ஆட்டமிழந்தார்.

அடுத்து வந்த ரிஷப் பந்த், சர்பரஸ் கான் இருவரும் நிதானமாக விளையாடி ரன்களை சேர்த்தனர். பௌலர்கள் சிறப்பாக செயல்பட்டு அதிரடி காட்டவிடவில்லை. ரிஷப் பந்த் 39 (36), சர்பரஸ் கான் 36 (28) இருவரும் கடைசிவரை களத்தில் இருந்தார்கள். டெல்லி அணி 20 ஓவர்கள் முடிவில் 149/3 ரன்களை மட்டுமே சேர்த்தது.

லக்னோ இன்னிங்ஸ்:

இலக்கை துரத்திக் களமிறங்கிய லக்னோ அணியில் கே.எல்.ராகுல் 24 (25), எவின் லிவிஸ் 5 (13) இருவரும் பெரிய ஸ்கோர் அடிக்காமல் ஆட்டமிழந்தனர். அடுத்து டி காக் 72 (49), தீபக் ஹூடா 6 (6) இருவரும் சிறப்பாக விளையாடி அணியை வெற்றிப் பாதை நோக்கி அழைத்துச் சென்றனர். இந்நிலையில் டி காக் 52 பந்துகளில் 2 சிக்ஸர், 9 பவுண்டரிகள் உட்பட 80 ரன்கள் குவித்து, குல்தீப் பந்துவீச்சில் ஆட்டமிழந்தார். அடுத்து , தீபக் ஹூடா 11 (13) பெரிய ஸ்கோர் அடிக்காமல் ஆட்டமிழந்தார். இறுதியில் 5 பந்துகளில் 5 ரன்கள் அடிக்க வேண்டும் என்ற நிலை வந்தது. அப்போது ஷர்தூல் வீசிய பந்தில் படோனி ஒரு பவுண்டரி, சிக்ஸர் அடித்து அசத்தினார். இதனால், லக்னோ அணி 19.4 ஓவர்கள் முடிவில் 155/4 ரன்கள் சேர்த்து, 6 விக்கெட்கள் வித்தியாசத்தில் வெற்றியைப் பெற்றது.

டெல்லி மோசமான ரெக்கார்ட்:

டெல்லி கேபிடல்ஸ் அணி 150 ரன்களுக்கு குறைவான ஸ்கோர் அடித்து, இதுவரை ஒருமுறைகூடவெற்றிபெற்றது கிடையாது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.