1649771726 pic

ஐபிஎல் 15ஆவது சீசன் விறுவிறுப்பாக நடைபெற்று வருகிறது. இந்த சீசனில் நடப்பு சாம்பியன் சென்னை சூப்பர் கிங்ஸ் அணி முதல் 4 போட்டிகளிலும் தோற்று, புள்ளிப்பட்டியலின் கடைசி இடத்தில் நீடித்து வருகிறது.இருப்பினும், சிஎஸ்கேவின் பிளே ஆஃப் வாய்ப்பு இன்னும் நெருக்கடியில் சிக்கவில்லை. இதற்குமுன்பு 2010ஆம் ஆண்டில்கூட சிஎஸ்கே தொடர்ந்து நான்கு போட்டிகளில் தோற்று, கோப்பை வென்றிருந்தது. இதனால், சிஎஸ்கேவுக்கு பிளே ஆஃப் வாய்ப்பு இன்னமும் பிரகாசமாகத்தான் இருக்கிறது எனக் கருதப்படுகிறது.

சிஎஸ்கே பிரச்சினை:

சிஎஸ்கேவில் பெரும் பிரச்சினையாக இருப்பது ஓபனர் ருதுராஜின் பார்ம், பௌலர்கள் சொதப்பல் ஆகிய இரண்டு விஷயங்கள்தான். ருதுராஜ் தற்போது சிறப்பாக பயிற்சிபெற்று தயார் நிலையில் இருப்பதாக கூறப்படுகிறது. அதேபோல், பந்துவீச்சில் முகேஷ் சௌத்ரி முன்பைவிட சிறப்பாக செயல்பட்டு வருகிறார்.

தீபக் சஹார் வந்துவிட்டால் பந்துவீச்சில் பிரச்சினைகள் அனைத்தும் தீர்ந்துவிடும். தீபக் சஹார், டுவைன் பிராவோ, ஆடம் மில்னே, மொயின் அலி, ரவீந்திர ஜடேஜா என பந்துவீச்சுத் துறை வலிமை பெற்றுவிடும். இதனால், தீபக் சஹாரின் வருகைக்குத்தான் சிஎஸ்கேவினர் காத்துக்கிடக்கின்றனர். அவருக்கு தொடைப் பகுதியில் ஏற்பட்ட காயம் குணமாகி, பயிற்சியை தொடங்கிவிட்டார் என கடந்த வாரம் தகவல் வெளியாகியிருந்ததால், ஏப்ரல் 20ஆம் தேதிக்குள் அணியில் இணைந்துவிடுவார் என்றுதான் கருதப்பட்டது.

மீண்டும் காயம்:

இந்நிலையில் பயிற்சி மேற்கொண்டு வந்த அவருக்கு, திடீரென்று முதுகுப் பகுதியில் காயம் ஏற்பட்டுள்ளதாகத் தகவல் வெளியாகியுள்ளது. காயத்தின் தன்மை குறித்து இன்னமும் எதுவும் கூறப்படவில்லை. இருப்பினும், அவர் ஏப்ரல் மாதத்தில் அணியில் இணைய மாட்டார் என்ற தகவல் மட்டும் தற்போது வெளியாகியுள்ளது.

தீபக் சஹார் பவர் பிளேவில் விக்கெட்களை வீழ்த்தி, துவக்கத்திலேயே நெருக்கடியை ஏற்படுத்தக் கூடியவர். இவர் இல்லாததால் சிஎஸ்கே, கடந்த நான்கு போட்டிகளில் பவர் பிளேவில் ஒரேயொரு விக்கெட்டை மட்டுமே வீழ்த்தியுள்ளது.

இன்றைய லீக் போட்டியில் சென்னை சூப்பர் கிங்ஸ், ராயல் சேலஞ்சர்ஸ் பெங்களூர் அணிகள் மோதவுள்ளன என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.