1649185057 pic

ஐபிஎல் 15ஆவது சீசனின் 13ஆவது லீக் போட்டியில் ராஜஸ்தான் ராயல்ஸ், ராயல் சேலஞ்சர்ஸ் பெங்களூர் அணிகள் மோதி வருகின்றன. இதில் டாஸ் வென்ற ஆர்சிபி அணி முதலில் பந்துவீச்சைத் தேர்வு செய்தது.ராஜஸ்தான் இன்னிங்ஸ்:

மும்பை வான்கடே மைதானம் பந்துவீச்சுக்கு சாதகமாக இருக்கும் எனக் கணிக்கப்பட்டிருந்தது. இறுதியில் அதேபோல் தான் நடந்தது. முகமது ஷமி, டேவிட் வில்லி இருவரும் பந்துகளை அபாரமாக வீசி, ராஜஸ்தான் பேட்ஸ்மேன்களை மிரட்டினார்கள். இதனை தாக்குப்பிடிக்க திணறிய ஓபனர் யாஷஸ்வி ஜெய்ஷ்வால் 4 (6) ரன்கள் எடுத்து நடையைக் கட்டினார். அடுத்து படிக்கல், ஜாஸ் பட்லர் இருவரும் பார்ட்னர்ஷிப் அமைத்தனர்.

மைதானம் தொடர்ந்து பந்துவீச்சுக்கு சாதகமாக இருந்ததால், இருவரும் நிதானமாக விளையாடி வந்தார்கள் இந்நிலையில் படிக்கல் 37 (29) ரன்கள் எடுத்திருந்தபோது, ஹர்ஷல் படேல் பந்துவீச்சில் கோலியிடம் கேட்ச் கொடுத்து நடையைக் கட்டினார். அடுத்து வந்த சஞ்சு சாம்சனும் பெரிய ஸ்கோர் அடிக்கவில்லை. 8 (8) ரன்கள் எடுத்துவிட்டு, ஹசரங்கா பந்துவீச்சில், அவரிடமே கேட்ச் கொடுத்து ஆட்டமிழந்தார்.

ஹசரங்கா vs சாம்சன்:

சாம்சன் ஹசரங்காவிடம் ஆட்டமிழப்பது இது முதல்முறையல்ல. இதற்குமுன் 4 போட்டிகளில் நேருக்கு நேர் சந்தித்து 2 ரன்களை மட்டும் சேர்த்து, 3 முறை ஆட்டமிழந்திருந்தார். தற்போது ஒரு சிக்ஸர் அடித்தவிட்டு ஆட்டமிழந்துவிட்டார்.

தொடர்ந்து பட்லர், ஷிம்ரோன் ஹெட்மையர் இருவரும் பார்ட்னர்ஷிப் அமைத்து விளையாட ஆரம்பித்தார்கள். பிட்ச் தொடர்ந்து பந்துவீச்சுக்கு சாதகமாக இருந்ததால், அவ்வபோதுதான் பெரிய ஷாட்கள் ஆட முடிந்தது. இந்நிலையில் சிராஜ் வீசிய 19ஆவது ஓவரில் 2 சிக்ஸர்களும், தீப் வீசிய கடைசி ஓவரில் 2 சிக்ஸர்களும் விளாசி பட்லர் அசத்தினார். இதனால், ராஜஸ்தான் ராயல்ஸ் அணி 20 ஓவர்கள் முடிவில் 169/3 ரன்கள் சேர்த்தது. பட்லர் 70 (47), ஹெட்மையர் 42 (31) ஆகியோர் ரன்கள் எடுத்து கடைசிவரை களத்தில் இருந்தார்கள்.

ஆர்சிபி இன்னிங்ஸ்:

இலக்கை துரத்திக் களமிறங்கிய ஆர்சிபி அணியில் ஓபனர் டூ பிளஸி 29 (20) விக்கெட்டை சாஹல் எடுத்துக்கொடுத்தார். சஹலை ஆர்சிபி கழற்றவிட்டு, காரணம் சொல்லாமல் இருந்ததால், ஆக்ரோஷமாக விளையாடுவார் எனக் கூறப்பட்ட நிலையில் அதேபோல் முதல் விக்கெட்டை எடுத்துக் கொடுத்து அசத்தினார்.

இதனைத் தொடர்ந்து அனுஜ் ராவத் 26 (25) சைனியிடம் ஆட்டமிழந்த நிலையில், கோலியை 5 (6) சஹல் ரன் அவுட் ஆக்கி அசத்தினார். தொடர்ந்து அடுத்த பந்திலேயே டேவிட் வில்லி 0 (2) விக்கெட்டை சஹல் எடுத்துக்கொடுத்து, தனியொருவனாக ஆர்சிபிக்கு எதிராக அழுத்தத்தை உருவாக்கினார். இருப்பினும், அடுத்து வந்த ஷாபஸ் அகமது, தினேஷ் கார்த்திக் ஆகியோர் காட்டடி அடித்து, அணியை நெருக்கடியில் இருந்து விடுத்துவித்தனர். குறிப்பாக, தினேஷ் கார்த்திக்தான் முதலில் அதிரடியாக விளையாட ஆரம்பித்தார்.

இருவரும் அபாரமாக விளையாடியதால் ஆர்சிபி அணிக்கு வெற்றி வாய்ப்பு அதிகரித்தது. அந்த சமயத்தில் ஷாபஸ் அகமது 45 (26) ஆட்டமிழந்தார். தொடர்ந்து தினேஷ் கார்த்திக் களத்தில் இருந்த நிலையில் 12 பந்துகளில் 15 ரன்கள் அடிக்க வேண்டும் என்ற நிலை உருவானது. அப்போது பிரசித் கிருஷ்ணா ஓவரில் தினேஷ் கார்த்திக் இரண்டு பவுண்டரிகள் அடித்ததால், 12 ரன்கள்வரை கசிந்தது. அடுத்து ஜெய்ஷ்வால் வீசிய கடைசி ஓவரின் முதல் பந்தில் ஹர்ஷல் சிக்ஸர் அடித்ததால், ஆர்சிபி அணி 19.1 ஓவர்கள் முடிவில் 173/6 ரன்கள் சேர்த்து, 4 விக்கெட்கள் வித்தியாசத்தில் வெற்றிபெற்றது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.