1648708573 pic

ஐபிஎல் 15ஆவது சீசனின் நேற்றைய லீக் போட்டியில் ராயல் சேலஞ்சர்ஸ் பெங்களூர், கொல்கத்தா நைட் ரைடர்ஸ் அணிகள் மோதின.இதில் இலக்கை துரத்திக் களமிறங்கிய ஆர்சிபி அணியில் டூ பிளஸி, கோலி போன்ற முக்கிய வீரர்கள் அடுத்தடுத்து ஆட்டமிழந்த நிலையில், இறுதியில் 12 பந்துகளில் 17 ரன்கள் அடிக்க வேண்டும் என்ற நிலை வந்தது. அப்போது களத்தில் இருந்த தினேஷ் கார்த்திக், எவ்வித பதற்றத்தையும் உணராமல், கூலாக விளையாடி அணிக்கு வெற்றியைப் பெற்றுக்கொடுத்தார்.

மொத்தம் 14 பந்துகளில் தலா மூன்று பவுண்டரி, சிக்ஸர் உட்பட 32 ரன்களை சேர்த்தார். கடந்த போட்டியில்கூட இதேபோல் கடைசி கட்டத்தில் களமிறங்கி, அதிரடியாக விளையாடி கிடுகிடுவென ரன்களை குவித்தார்.

இதன்மூலம், தினேஷ் கார்த்திக் மீண்டும் பார்முக்கு திரும்பியுள்ளது தெரிய வந்துள்ளது. இனி வரும் போட்டிகளிலும் சிறப்பாக செயல்பட்டு மேட்ச் வின்னராக இருப்பார் என கிரிக்கெட் விமர்சகர்கள் கருதுகிறார்கள்.

டூ பிளஸி புகழாரம்:

இந்நிலையில், கொல்கத்தா அணிக்கு எதிரான போட்டி முடிந்தப் பிறகு பேசிய ஆர்சிபி அணிக் கேப்டன் டூ பிளஸி, ‘‘பரபரப்பான கட்டத்திலும், மிகவும் நிதானமாக பொறுமையாக விளையாடிய தினேஷ் கார்த்திக், எனது கண்ணுக்கு தோனியைப் போல தெரிந்தார்’’ என புகழந்து பேசினார். மேலும், ஆர்சிபி ரசிகர்களும் தினேஷ் கார்த்திக்கை தாறுமாறாக புகழ்ந்து பேசி வருகிறார்கள்.

தினேஷ் பேட்டி:

கடந்த சீசனிலும் 10 பந்துகளை எதிர்கொள்ள திணறிய இவர், இப்படி திடீரென்று அதிரடி அவதாரம் எடுத்ததற்கு முக்கிய காரணம் ஒன்று இருக்கிறது. அவருக்கு இந்திய அணியில் வாய்ப்பு கிடைக்காத சமயத்தில், கிரிக்கெட் வர்ணனை செய்து வந்தார். இதனால், இனி தினேஷ் கார்த்திக் ஓய்வை அறிவித்துவிடுவார் என பரவலாக பேச்சுகள் எழுந்தன.

அப்போது பத்திரிகை ஒன்றுக்குப் பேட்டிகொடுத்த தினேஷ் கார்த்திக், ‘‘தற்போதைக்கு ஓய்வுபெறும் எண்ணம் இல்லை. 3 வருடங்கள்வரை கிரிக்கெட் விளையாடுவேன். குறிப்பாக, ஐபிஎல் 15ஆவது சீசனில் சிறப்பாக விளையாடி, மீண்டும் இந்திய அணிக்கு திரும்புவதுதான் எனது இலக்கு. இதற்காக கடுமையாக பயிற்சி செய்து வருகிறேன். என்னால் நிச்சயம் இந்திய அணிக்கு திரும்ப முடியும்’’ என அதிரடியாக பேசியிருந்தார்.

அதேபோல் உள்ளூர் தொடர்களான சையத் முஷ்டாக், விஜய் ஹசாரே டிராபி தொடர்களில் ரன் மழை பொழந்திருந்தார். தற்போது, 15ஆவது சீசனிலும் அபாரமாக விளையாடி ரன் மழை பொழிந்து வருகிறார். இது தொடர்ந்தால், அக்டோபரில் ஆஸ்திரேலியாவில் துவங்கும் டி20 உலகக் கோப்பியையில் தினேஷ் கார்த்திக்கிற்கு நிச்சயம் இடம் கிடைக்கும் என கிரிக்கெட் விமர்சகர்கள் கருதுகிறார்கள்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.