1648953991 pic

ஐபிஎல் வரலாற்றில் அதிக விக்கெட்களை கைப்பற்றி பௌலராக சென்னை சூப்பர் கிங்ஸ் அணியின் ஆல்-ரவுண்டர் டுவைன் பிராவோ இருக்கிறார். இவர் இதுவரை மொத்தம் 171 விக்கெட்களை சாய்த்துள்ளார். இதற்குமுன் மலிங்காதான் (170) முதலிடத்தில் இருந்தார். இந்நிலையில், கடந்த போட்டியில் பிராவோ ஒரு விக்கெட்டை வீழ்த்தியதன்மூலம், மலிங்காவை பின்னுக்கு தள்ளியுள்ளார்.சென்னை சூப்பர் கிங்ஸ் அணி தொடர்ந்து இரண்டு போட்டிகளில் தோற்ற நிலையில், பிராவோ இப்படி வரலாற்று சாதனையை படைத்திருப்பது ரசிகர்கள் மத்தியில் சற்று ஆறுதலை ஏற்படுத்தியுள்ளது. இதனைத் தொடர்ந்து பிராவோவுக்கு அனைவரும் வாழ்த்துகளை தெரிவித்து வருகிறார்கள். பலர், அடுத்த மலிங்கா பிராவோதான் என புகழ்ந்து பதிவிடுகின்றனர்.

பிராவோ கருத்து:

இந்நிலையில் 171 விக்கெட்களை வீழ்த்தி, வரலாற்றுச் சாதனையை படைத்தது குறித்து பிராவோ, நீண்ட பதிவு ஒன்றை சமூக வலைத்தளங்களில் வெளியிட்டுள்ளார். அதில், “வாழ்த்துகளை தெரிவித்த அனைவரும் நன்றிகள். ரசிகர்களின் ஆதரவு தொடர்ந்து கிடைத்து வருவது மகிழ்ச்சிதான். 171ஆவது விக்கெட்டை வீழ்த்தியது, எனது வாழ்க்கையின் முக்கியமான நாள்” எனக் கூறினார்.

மேலும் பேசிய அவர், “உலகின் கடினமாக தொடரில், உலகின் தலைசிறந்த பௌலர் மலிங்காவின் சாதனையை முறியடித்ததை பெருமையாக உணர்கிறேன். இது ஒரு நீண்ட நெடிய பயணம். சரியாக சொல்ல வேண்டும் என்றால் 15 ஆண்டுகள். இத்தனை ஆண்டுகளாக புகழ்மிக்க தொடரில் விளையாடி வருவது மகிழ்ச்சிதான். சிறந்த பந்துவீச்சாளர்களுடன் விளையாடியதும் மகிழ்ச்சிதான். பலர் என்னை மலிங்காவுடன் ஒப்பிட்டு வருகிறார்கள்”

“அப்படி ஒப்பிடுவது தவறான விஷயம். அவர் வேறு ஒரு தளத்தில் உள்ள சிறந்த பௌலர் என்பதில் எனக்கு சந்தேகமே இல்லை. என்னை பொறுத்தவரை டி20 கிரிக்கெட்டில் மலிங்காதான் சிறந்த பௌலர் அதனால், அவருடன் என்னை ஒப்பிட வேண்டாம். எஞ்சிய போட்டிகளை ஆவலோடு எதிர்பார்த்து காத்திருக்கிறேன். அணி நிச்சயம் வெற்றிப் பாதைக்கு திரும்பும். அதற்காக கடுமையாக உழைப்பேன். மீண்டும் அனைவரும் எனது நன்றியை தெரிவித்துக்கொள்கிறேன்” எனத் தெரிவித்தார்.

ஐபிஎல் 15ஆவது சீசனில் இன்றைய லீக் போட்டியில் சென்னை சூப்பர் கிங்ஸ், பஞ்சாப் கிங்ஸ் அணிகள் மோதவுள்ளன என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.