1649580996 pic

ராயல் சேலஞ்சர்ஸ் அணியின் நட்சத்திர வேகப்பந்து வீச்சாளர் ஹர்ஷல் படேல் திடீரென்று அணியிலிருந்து விலகியுள்ளார்.இதற்கான காரணம் குறித்து விசாரித்தபோது, ஹர்ஷல் படேலின் சகோதரி திடீரென்று மரணமடைந்ததால்தான் அவர் அணியிலிருந்து விலகியுள்ளதாகத் தகவல் வெளியாகியுள்ளது.

ஹர்ஷல் படேல் கடந்த போட்டியில் மும்பை இந்தியன்ஸ் அணிக்கு எதிராக சிறப்பாக பந்துவீசி 4 ஓவர்களில் 23 ரன்களை விட்டுக்கொடுத்து, 2 விக்கெட்களை கைப்பற்றி மேட்ச் வின்னராக இருந்தார். இந்நிலையில் தற்போது, திடீரென்று அணியிலிருந்து விலகியுள்ளார். இருப்பினும் அவர், நாளை மறுநாள் சென்னை சூப்பர் கிங்ஸ் அணிக்கு எதிரான போட்டிக்கு முன்பு, அணியில் இணைந்துவிடுவார் எனத் தகவல் வெளியாகியுள்ளது.

இதுகுறித்து நமது டைம்ஸ் ஆஃப் இந்தியாவுக்கு பேட்டிகொடுத்த ஐபிஎல் நிர்வாகி ஒருவர், “ஹர்ஷசல் படேலின் குடும்பத்தில், அவரது சகோதரி காலமானதால், பயோ பபுளில் இருந்து வெளியேறியுள்ளார். இருப்பினும், ஏப்ரல் 12ஆம் தேதி சிஎஸ்கேவுக்கு எதிரான போட்டிக்கு முன்பு அணியில் இணைந்துகொள்வார்” எனத் தெரிவித்துள்ளார்.

ஹர்ஷல் படேல் இந்த சீசனில் 4 போட்டிகளில் பங்கேற்று 6 விக்கெட்களை வீழ்த்தியுள்ளார். அதேபோல் சிலமுறை ரன்களையும் சேர்த்து மேட்ச் வின்னராக இருந்துள்ளார். ஆர்சிபி அணி மொத்தம் 4 போட்டிகளில் மூன்று வெற்றிகளை பெற்றுள்ளது.

ஹர்ஷல் படேல் கடந்த சீசனில் மொத்தம் 32 விக்கெட்களை கைப்பற்றி பர்பிள் தோப்பியை வென்றிருந்தார். இந்த சீசனில் இவருடன் சேர்த்து விராட் கோலி, வனிந்து ஹசரங்கா, தினேஷ் கார்த்திக் ஆகியோரும் சிறப்பாக செயல்பட்டு வருகிறார்கள். கேப்டன் டூ பிளஸி கேப்டன்ஸியை தவிர்த்து, சிறப்பான முறையில் அணியை வழிநடத்தி வருகிறார். இதனால், இம்முறை ஆர்சிபி கோப்பை வெல்லும் என அந்த அணி ரசிகர்கள் கூறி வருகிறார்கள் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.