1648448245 pic

மகளிர் உலகக் கோப்பை கிரிக்கெட் போட்டியில், தென் ஆப்பிரிக்க அணியிடம் இந்தியா தோல்வியுற்றதை, டிரஸ்ஸிங் ரூமில் குதித்துக் கொண்டாடி குதூகலித்துள்ளனர் மேற்கு இந்தியத் தீவு மகளிர் அணியினர். இந்தியா தோற்றதால், மேற்கு இந்தியத் தீவுக்கு அரை இறுதிக்கு போகும் வாய்ப்பு கிடைத்ததே இந்த கொண்டாட்டத்திற்குக் காரணம்.

மேற்கு இந்தியத் தீவுகள் அணியைச் சேர்ந்த வீராங்கனைகள் வெறித்தனமாக, உற்சாகத்தில் காட்டுக் கத்தி கத்தியபடி கொண்டாடிய காட்சிகள் வைரலாகி வருகின்றன. அரை இறுதிக்கு இடம் பெறுவது சந்தோஷமான விஷயம்தான். அதற்காக இப்படியா வெறித்தனமாக இந்தியாவின் தோல்வியை இவர்கள் கொண்டாடுவார்கள் என்ற சர்ச்சையும் எழுந்துள்ளது.அரை இறுதிக்குத் தகுதி பெற்றுள்ள மேற்கு இந்தியத் தீவுகள் அணி ஆஸ்திரேலியாவுடன் மோதவுள்ளது. இந்தியாவை வீழ்த்திய தென் ஆப்பிரிக்க அணி, இங்கிலாந்துடன் மோதவுள்ளது.

tamil samayam“ஒரு டீமுக்கும் கேப்டனாக இருந்ததில்லை”.. ஜடேஜா குறித்து பிரபல வீரர் திடீர் கவலை!
முன்னதாக நேற்று இந்தியா – தென் ஆப்பிரிக்கா இடையிலான போட்டி நடைபெற்றது. இப்போட்டியில் இந்தியா வெற்றி பெற்றால் அரை இறுதிக்குத் தகுதி பெற்றிருக்கும். இப்போட்டியில் இந்தியா தோற்றால் மேற்கு இந்தியத் தீவுக்கு வாய்ப்பு இருந்தது. கடைசியில் இந்தியா தோல்வியுறவே மேற்கு இந்தியத் தீவுகள் அணிக்கு அரை இறுதி வாய்ப்பு கிடைத்து விட்டது.

பதட்டமான சூழலில் டிரஸ்ஸிங் ரூமில் இருந்தபடி மேற்கு இந்தியத் தீவுகள் அணியினர் இந்தியா – தென் ஆப்பிரிக்க போட்டியை பார்த்து வந்தனர். கேப்டன் ஸ்டெபானி டெய்லர்தான் மிகவும் பதட்டமாக காணப்பட்டார். போட்டி முடியும் வரை யாரும் அந்தப் பக்கம் இந்தப் பக்கம் நகரவில்லை. கடைசியில் தென் ஆப்பிரிக்கா வெற்றி பெற்றதும் அத்தனை பேரும் துள்ளிக் குதித்தனர். காட்டுக் கத்து கத்தினர். கூச்சலிட்டபடி நாம் அரை இறுதிக்குத் தகுதி பெற்று விட்டோம் என்று உற்சாகக் குரல் எழுப்பினர்.

உண்மையில் நேற்று கடைசிப் பந்து வரை இந்தியா போராடியது. கடைசி ஓவரில் கடைசி பந்தில்தான் தென் ஆப்பிரிக்காவுக்கு வெற்றி கிடைத்தது என்பது குறிப்பிடத்தக்கது. மேற்கு இந்தியத் தீவுகள் அணி வீராங்கனைகள் துள்ளிக் குதித்துக் கொண்டாடிய வீடியோவை அந்த நாட்டு கிரிக்கெட் வாரியம் வெளியிட்டுள்ளது.

tamil samayam“ஜடேஜான்னா ஃபயரு”.. சம்பவம் பண்ணப் போகுது சி.எஸ்.கே.. எச்சரிக்கும் பீட்டர்சன்
இந்தத் தொடரைப் பொறுத்தவரை புள்ளிகள் பட்டியலில் ஆஸ்திரேலியாதான் முதலிடத்தில் உள்ளது. கலந்து கொண்ட 7 போட்டிகளிலும் அது வென்றுள்ளது. 2வது இடத்தை தென் ஆப்பிரிக்கா 5 வெற்றிகளுடன் பிடித்துள்ளது. 3வது இடத்தில் இங்கிலாந்து 4 வெற்றிகளுடன் இருக்கிறது. 4வது இடத்திற்குத்தான் இந்தியா மேற்கு இந்தியத் தீவுகள் இடையே கடும் போட்டி நிலவியது. இரு அணிகளும் தலா 3 வெற்றிகளுடன் இருந்தன. மேற்கு இந்தியத் தீவுகள் அணியை விட இந்தியாவின் ரன் ரேட் நன்றாக இருந்தது. இந்தியாவுக்கு 6 புள்ளிகள் இருந்தன. மேற்கு இந்தியத் தீவுகள் அணிக்கு 7 புள்ளிகள் இருந்தந. நேற்று நாம் வென்றிருந்தால் அரை இறுதிக்குப் போயிருக்க முடியும். ஆனால் அதிர்ஷ்டம் நம் பக்கம் இல்லாமல் போய் விட்டது.

அரை இறுதிப் போட்டியில் மேற்கு இந்திய அணி, வலுவான ஆஸ்திரேலியாவைச் சந்திக்கவுள்ளது. ஆஸ்திரேலிய அணி இந்தத் தொடரில் ஒரு போட்டியில் கூட தோற்றதில்லை என்பதால் நிச்சயம், இந்த அரை இறுதிப் போட்டி, மேற்கு இந்தியத் தீவுகளுக்கு பெரும் சவாலாகவே இருக்கும் என்பதில் சந்தேகம் இல்லை.

நேற்று நடந்த இன்னொரு போட்டியில் வங்கதேச அணியை, நடப்பு சாம்பியன் இங்கிலாந்து வீழ்த்தி அரை இறுதிப் போட்டிக்கு முன்னேறியது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.