1642246035 pic

தென்னாப்பிரிக்க மண்ணில் டெஸ்ட் தொடரைக் கைப்பற்றும் வாய்ப்பை இந்த முறையும் தவறவிட்டுள்ளது இந்தியா. கடந்த காலங்களில் நல்ல பேட்டிங் வரிசை இருக்கும்; தொடரில் இரண்டு முறையாவது 350 ரன்களுக்கு மேல் குவிப்போம்; விக்கெட் வீழ்த்துவதற்குச் சரியான பந்துவீச்சாளர்கள் இல்லாமல் தோற்போம். ஆனால் இன்றைக்கு நிலைமை அப்படியே தலைகீழாக மாறியிருக்கிறது. 20 விக்கெட்டுகளை வீழ்த்துவதற்கான வேகப்பந்து வீச்சுப் படை இருக்கிறது; பேட்ஸ்மேன்கள்தான் உறுதியில்லாமல் ஆடுகின்றனர். SENA (South Africa, England, New Zealand, Australia) நாடுகளில் ஒரு இன்னிங்ஸில் 400 ரன்கள் குவிப்பது என்பது இந்தியாவுக்கு இன்றைக்குக் குதிரைக் கொம்பாக மாறியுள்ளது. இது முழுக்க முழுக்க மிடில் ஆர்டரின் தோல்விதான் என்றாலும் அதைக் கடந்தும் சில விஷயங்களில் கவனம் செலுத்த வேண்டியது அவசியம்.கடந்த நான்கு ஆண்டுகளில் தென்னாப்பிரிக்க மண்ணில் எந்தவொரு அணியும் பெரிதாகச் சாதிக்கவில்லை. குறிப்பாக பேட்டிங்கில். அங்கு 300 ரன்களுக்கு மேல் ஒரு இன்னிங்ஸில் குவித்த அணிகளை விரல் விட்டு எண்ணிவிடலாம். தென்னாப்பிரிக்கா என்றில்லை SENA நாடுகளில் எங்கு சென்றாலும் இந்தியா 300 ரன்களைக் குவிக்குமா என்பது சந்தேகம்தான். இந்தியாவுக்கு மட்டுமல்ல, எல்லா அணிகளுக்கும் இன்று இதுதான் நிலைமை. உலகம் முழுக்கவே பேட்டிங் திறன் என்பது கடந்த ஐந்து வருடங்களாக மங்கிவருகிறது. பேட்டிங் திறன் மங்கிவருகிறது என்பதைவிட வேகப்பந்து வீச்சாளர்கள் வலிமையடைந்துவிட்டனர் என்று சொல்வதுதான் பொருத்தமானதாக இருக்கும். டெஸ்ட் தரவரிசையில் கடைசி வரிசையில் இருக்கும் வெஸ்ட் இண்டீஸ்கூடக் கடந்த 20 வருடங்களில் இல்லாத அளவுக்குச் சிறப்பான வேகப்படையைக் கொண்டிருக்கிறது.
மேத்யூ ஹைடன், வீரேந்திர சேவாக், க்ரீம் ஸ்மித் மாதிரியான தொடக்க வீரர்கள் இனி டெஸ்ட் கிரிக்கெட்டுக்கு சாத்தியமா என்பது சந்தேகம்தான்.

South Africa India Cricket

இன்று எல்லா அணிகளும் சச்சின் காலத்திய இந்தியாவைப் போல ரன் குவிப்பதற்கு ஒரு நட்சத்திர வீரரை நம்பியிருக்கும் நிலைக்குத் தள்ளப்பட்டுவிட்டன. ஆடுகளங்களின் தன்மையும் இதில் முக்கியப் பங்கு வகிப்பதைப் பார்க்க முடிகிறது. ஆஸ்திரேலியா, இங்கிலாந்து மாதிரியான நாடுகள் தங்களது பேட்டிங் குறைபாடுகளை மறைத்துக்கொள்ளும் பொருட்டு வழக்கமான பாணியிலிருந்து கொஞ்சம் இறங்கி வந்திருக்கின்றன. இவ்விரு நாடுகளிலும் தொடர்ந்து தட்டையான ஆடுகளங்களைப் பார்க்க முடிகிறது. மற்ற SENA நாடுகளுடன் ஒப்பிடும்போது இந்திய அணி ஆஸ்திரேலியா, இங்கிலாந்து மண்ணில் கொஞ்சம் நன்றாகவே விளையாடுகிறது என்பதைப் பார்க்க வேண்டும். ஆனால் தென்னாபிரிக்கா மாதிரியான வலிமை குறைவான, அல்லது குறைவான அந்தஸ்துடன் நடத்தப்படும் அணிகள் ஆடுகளத் தயாரிப்பில் கொஞ்சம் ஆக்ரோஷமான அணுகுமுறையைக் கையாள்கின்றன. தங்களுடைய குறைபாடுகளை மூடி மறைப்பதைக் காட்டிலும் எதிர் அணியின் குறைபாடுகளை இன்னும் வெளிச்சமிட்டுக் காட்டும் அணுகுமுறை இது.தள்ளாடும் மிடில் ஆர்டர்

அஜிங்க்ய ரஹானே, சத்தேஸ்வர் புஜாராவின் சறுக்கல்களை எப்படிப் புரிந்துகொள்வது? புஜாரா அவ்வப்போது அரை சதம் அடித்துத் தன் இருப்பை காட்டிக்கொள்கிறார். ஆனால் ரஹானே ஆட்டம்தான் கிட்டத்தட்ட முழுவதுமாக இருட்டிவிட்டதுபோலத் தோன்றுகிறது. ஆனால் இவர்கள் இருவரின் ஆட்டத்தையும் குறை சொல்வதற்கு முன்பாக பிற அணிகளின் மிடில் ஆர்டரின் நிலை என்ன என்று பார்க்க வேண்டும். இன்றைக்கு மூன்றாம் இடத்தில் சிறப்பாக ஆடுபவர் என ஆஸ்திரேலியாவின் மார்னஸ் லபுஷேனை மட்டும்தான் சொல்ல முடியும். துணைக் கண்டத்தில் அவருடைய ஆட்டம் எப்படி இருக்கும் என்பது இன்னும் தெரியவில்லை. ஐந்தாம் இடத்தில் களமிறங்கும் ரஹானேவின் இடத்தில் இன்றைக்குச் சிறப்பாக ஆடக்கூடியவர்கள் என எத்தனை பேரைச் சொல்ல முடியும்? ஆஸ்திரேலியாவின் டிராவிஸ் ஹெட்? நியூசிலாந்தின் நிக்கோல்ஸ்? புஜாரா–ரஹானே ஆட்டம் இறுதிக் கட்டத்தை நெருங்கிவிட்டது என்பது உண்மைதான். ஆனால் அதற்காக உலக அளவில் நிலை எப்படி உள்ளது, சரியான மாற்று யார், ஆடுகளங்களின் தன்மை என்பன போன்று எதையும் பரிசீலிக்காமல் உடனடியாக இவர்களை அணியை விட்டுத் தூக்க வேண்டும் என்பது அறிவுப்பூர்வமான அணுகுமுறையாக இருக்க முடியாது.
புஜாராவுக்கு இன்னொரு வாய்ப்பு கொடுத்துப் பார்க்கலாம். ஆனால் அது அவருக்கான கடைசி வாய்ப்பாக இருக்க வேண்டும். ஹனுமா விஹாரி, புஜாராவுக்கான சரியான மாற்றாக இருக்க வாய்ப்புள்ளது. ஒருவேளை இந்தியா மூன்றாம் இடத்தில் ரிக்கி பான்டிங் பாணியில் ஒரு அதிரடி ஆட்டக்காரரை எதிர்பார்த்தால் ஷுப்மன் கில்லை அந்த இடத்தில் ஆடவைக்கலாம். ஷ்ரேயஸ் ஐயருக்கு ஐந்தாம் இடத்தில் இனி தொடர்ச்சியாக வாய்ப்புக் கிடைக்கும் என எதிர்பார்க்கலாம்.

ஐந்து பந்து வீச்சாளர்கள் தேவையா?

India vs South Africa, 3rd Test: South Africa wrap up series with seven-wicket win over India

தென்னாப்பிரிக்கத் தொடர் பின்னடைவுக்கு முக்கியமான காரணம் இந்தியாவின் அணித் தேர்வு. அணியின் தற்போதைய பேட்டிங் திறனை மனதில் வைத்து கூடுதலாக ஒரு பேட்ஸ்மேனை அணியில் சேர்த்திருக்கலாம். ஆனால் இந்தியா ஷர்துல் தாக்கூர் அணியில் இருந்தாக வேண்டும் என்பதில் குறியாக இருந்தது. அந்த இடத்தில் விஹாரியோ ஷ்ரேயஸோ ஆடியிருந்தால் இன்னும் கொஞ்சம் பேட்டிங் வரிசை வலுப்பட்டிருக்கும். சிறந்த ஃபார்மில் இருக்கும் வேகப்பந்து வீச்சாளர்கள் மூவர், ஒரு சுழற்பந்து வீச்சாளர் ஆகியோர் போதும் என்று முடிவெடுத்திருந்தால் இன்னொரு மட்டையாளரைச் சேர்த்திருக்க முடியும். அதனால் இரண்டாவது, மூன்றாவது போட்டிகளின் இரண்டாவது இன்னிங்ஸ்களில் கூடுதலாக ரன் எடுக்க முடிந்திருக்கலாம். ஐந்து பந்து வீச்சாளர்கள் என்பதில் உறுதியாக இருந்த இந்திய அணி அதனாலேயே இந்தத் தொடரை இழந்தது என்றுகூடச் சொல்லலாம்.

Thank You

india – sa test series: தென்னாப்பிரிக்க டெஸ்ட் தொடர்: இந்தியா தோற்றது ஏன்? – india failed to make an impact in south africa due to lack of batting ability

Leave a Reply

Your email address will not be published. Required fields are marked *

2 + seventeen =

Copy link
Powered by Social Snap
Ads Blocker Image Powered by Code Help Pro
Ads Blocker Detected!!!

We have detected that you are using extensions to block ads. Please support us by disabling these ads blocker.