1648550812 pic

கடந்த இரண்டு சீசன்களில் கொல்கத்தா நைட் ரைடர்ஸ் அணிக்காக விளையாடி வந்த குல்தீப் யாதவுக்கு, சரிவர வாய்ப்புகள் கொடுக்கப்படவில்லை. மொத்தம் 6 போட்டிகளில் மட்டுமே களமிறக்கப்பட்டார்.மேலும், தொடர்ந்து வாட்டர் பாய் வேலை மட்டுமே கொடுக்கப்பட்டது. குல்தீப் சிறந்த பார்மில் இருந்தும்கூட அவரை ஏன் அணியில் சேர்க்கப்படவில்லை என அப்போதே ரசிகர்கள் தொடர்ந்து கேள்வி எழுப்பி வந்தார்கள். இருப்பினும், இதுகுறித்த கேள்விக்கு கேப்டனும், அணி நிர்வாகமும் எவ்வித பதிலும் கொடுக்காமல் இருந்து வந்தது. மேலும், அணியிலிருந்தும் நீக்கப்படாமல் தொடர்ந்து தக்கவைக்கப்பட்டார்.

அபார பந்துவீச்சு:

இந்நிலையில் மெகா ஏலத்திற்கு முன்பு அணியிலிருந்து கழற்றிவிடப்பட்ட குல்தீப் யாதவை, டெல்லி கேபிடல்ஸ் அணி 2 கோடிக்கு, அதாவது அடிப்படை விலைக்கே வங்கியது. கடந்த இரண்டு வருடங்களாக சரிவர வாய்ப்பு கிடைக்காமல் இருந்த இவருக்கு, முதல் போட்டியிலேயே வாய்ப்பு கிடைத்தது. இதனால், இவர் மீது எதிர்பார்ப்பு இருந்த நிலையில் அடுத்தடுத்து இரண்டு விக்கெட்களை கைப்பற்றி அசத்தினார். இவரது பந்தை எதிர்கொள்ளவே பேட்ஸ்மேன்கள் நடுங்கினார்கள்.

கோச் பரபரப்பு பேட்டி:

இந்நிலையில், கொல்கத்தா அணியில் குல்தீப் யாதவிற்கு நடந்த கொடுமைகள் குறித்து, அவரின் பயிற்சியாளர் கபில் பாண்டே தற்போது பத்திரிகையாளர்கள் சந்திப்பில் புட்டு புட்டு வைத்துள்ளார். அதில், ‘‘உண்மையை கூற வேண்டும் என்றால், குல்தீப் யாதவ் சிறப்பாகத்தான் விளையாடினார். ஆனால், கொல்கத்தா அணி இவரை புறக்கணித்தது. ஒரு வேலைக்காரரை போலதான் அணி இவரை நடத்தியது. இதனால், அந்த அணியிலிருந்து விடுவிக்கப்பட்டாலே போதும் என்ற மன நிலையில் குல்தீப் இருந்தார்’’ எனத் தெரிவித்துள்ளார்.

இதனைத் தொடர்ந்து கொல்கத்தா அணிக்கு எதிராக பலர் கடும் விமர்சனங்களை முன் வைத்து வருகிறார்கள். திறமையான ஒருவரை இப்படியா நடத்துவது? அவரை முன்கூட்டியே கழற்றிவிட்டிருந்தாலும் சிறப்பாக விளையாடி இந்நேரம், பல கோடிகளில் ஏலம் போயிருப்பார். மேலும், இந்திய அணியிலும் இடம் கிடைத்திருக்கும். ஆனால், உங்களின் சுயநல சிந்தனையால் தற்போது அனைத்தையும் இழந்து குல்தீப் நிற்கிறார் என பலர் இணையத்தில் பதிவிட்டு வருகிறார்கள்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.