1649481817 pic

ஐபிஎல் 15ஆவது சீசனின் நேற்றைய ஆட்டத்தில் குஜராத் டைடன்ஸ், பஞ்சாப் கிங்ஸ் அணிகள் மோதின. இதில் முதலில் களமிறங்கிய பஞ்சாப் அணி 20 ஓவர்கள் முடிவில் 189/9 ரன்களை குவித்து அசத்தியது. லிவிங்ஸ்டன் (64), தவன் (35) ஆகியோர் பெரிய ஸ்கோர் அடித்தார்கள். இறுதியில் ராகுல் சஹார் 14 பந்துகளில் 22 ரன்கள் விளாசினார்.இதனைத் தொடர்ந்து களமிறங்கிய குஜராத் அணியில் ஓபனர் ஷுப்மன் கில் 96 ரன்கள் மட்டும் அடித்து சதத்தை தவறவிட்டார். அடுத்து சாய் சுதர்ஷன் (35), ஹார்திக் பாண்டியா (27) ஆகியோரும் ரன்களை சேர்த்திருந்தனர். இறுதியில் இரண்டு பந்துகளில் 2 சிக்ஸர்கள் அடிக்க வேண்டும் என்ற நிலை வந்தபோது ஓடியன் ஸ்மித் பந்துவீச்சில் ராகுல் தேவத்தியா தொடர்ந்து 2 சிக்ஸர்கள் அடித்து, அணிக்கு த்ரில் வெற்றியைப் பெற்றுக்கொடுத்தார்.

இப்போட்டியில் பஞ்சாப் கிங்ஸ் அணி செய்த மூன்று முக்கிய தவறுகள் குறித்து பார்க்கலாம்:

ஓபனர் சொதப்பல்:

பிட்ச் துவக்கம் முதலே பேட்டிங்கிற்கு சாதகமாகத்தான் இருந்தது. மயங்க் அகர்வால் கேப்டன்ஸி அழுத்தம் காரணமாக கடந்த போட்டிகளில் சிறப்பாக செயல்படவில்லை என்ற குற்றச்சாட்டு இருந்த நிலையில், அதற்கு முற்றுப்புள்ளி வைக்கும் விதமாக குஜராத் அணிக்கு எதிராக சிறப்பாக செயல்படுவார் என எதிர்பார்க்கப்பட்டது. ஆனால், அவர் 9 பந்துகளில் 5 ரன்கள் அடித்து சொதப்பினார். மறுபக்கம் ஒன் டவுன் பேட்ஸ்மேன் பேர்ஸ்டோவும் 8 (8) ரன்கள் அடித்து ஆட்டமிழந்தார். இருவரும் அதிரடி காட்டியிருந்தால், ஸ்கோர் 200+ ரன்களை கடந்திருக்கும்.

ஷுப்மனுக்கு எதிராக:

ஷுப்மன் கில் ஆஃப் திசையில் வரும் பந்துகளை அசால்ட்டாக அடிக்க கூடியவர். அதுவும் ஆஃப் திசையில் வரும் லெந்த், ஷார்ட்கள் ஷுப்மனுக்கு அல்வாதான். இதனால்தான் டெஸ்ட் அணியில்கூட இடம் கிடைத்தது. இந்நிலையில், இப்போட்டியில் பஞ்சாப் பௌலர்கள் ஷுப்மனுக்கு தொடர்ந்து ஆஃப் திசையில் பந்துவீசி அதற்கேற்றாற்போல் பீல்டிங் செட் செய்யவில்லை. இதனால், கில் அபாரமாக விளையாடி ரன்களை குவித்தார்.

ஸ்மித் தவறு:

கடைசி இரண்டு பந்துகளில் 2 சிக்ஸர்கள் அடிக்க வேண்டும் என்ற நிலை வந்தபோது ஓடியின் ஸ்மித், இரண்டு பந்துகளையும் ஸ்லாட்டில்தான் போட்டார். ஆஃப் திசையில் பந்துவீச முயற்சித்திருந்தால், சிக்ஸரை தடுத்திருக்கலாம் எனக் கருதப்படுகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.