1648558161 pic

ஐபிஎலில் இருந்து, கடைசி நேரத்தில் வீரர்கள் வெளியேறுவதை தடுப்பது குறித்து இந்திய கிரிக்கெட் கட்டுப்பாட்டு வாரியம் (பிசிசிஐ) மற்றும் இந்தியன் பிரீமியர் லீக் (ஐபிஎல்) நிர்வாகிகள் கடந்த வாரம் ஆலோசனை நடத்தியதாக தகவல் வெளியாகியுள்ளது.இதற்கு காரணம் ராய், அலெக்ஸ் ஹேல்ஸ்தான். பயோ-பபிள் சோர்வு காரணமாக, முறையே குஜராத் டைட்டன்ஸ் மற்றும் கொல்கத்தா நைட் ரைடர்ஸ் அணிகளால் தேர்வு செய்யப்பட்ட பின்னர், இங்கிலாந்து கிரிக்கெட் வீரர்களான ஜேசன் ராய் மற்றும் அலெக்ஸ் ஹேல்ஸ் ஐபிஎல் 2022ல் இருந்து விலகினார்கள்.

உரிமையாளர்கள் ஆதங்கம்:

கடந்த வாரம் நடந்த ஐபிஎல் பொது கூட்டத்தில், போதிய காரணமின்றி ஐபிஎல்லில் இருந்து விலகும் வெளிநாட்டு நட்சத்திரங்கள் மீது கடுமையான நடவடிக்கை எடுப்பது குறித்து பேசப்பட்டுள்ளது. அப்போது அணி உரிமையாளர்கள் பலர், ஏலத்தில் சிறிய கட்டணத்தைப் பெற்ற வீரர்கள் வெளியேறும் போக்கு அதிகரித்து வருவது கவலை தெரிவித்திருக்கிறார்கள்.

நிர்வாகி பேட்டி:

அதன்பிறகு பேசிய பிசிசிஐ நிர்வாகி “லீக்கின் முக்கியமான பங்குதாரர்களாக இருக்கும் உரிமையாளர்களுக்கு உதவி செய்வதுதான் எங்களது கடமை. அவர்கள் பல திட்டமிடலுக்குப் பிறகு ஒரு வீரரை ஏலம் எடுக்கிறார்கள். ஒரு வீரர் வெளியேறினால், அதுவும் சிறிய காரணங்களுக்காக வெளியேறினால், அது உரிமையாளர்களுக்கும், அணிக்கும் பெரிய பாதிப்பை ஏற்படுத்துகிறது’’ எனத் தெரிவித்தார்.

மேலும் பேசிய அவர், “ஐபிஎல்லில் இருந்து வெளியேறிய அனைவரும் குறிப்பிட்ட ஆண்டுகள் வரை தடுக்கப்படுவார்கள் என்ற ஸ்வீப்பிங் கொள்கை இல்லை. இதுகுறித்து விரிவாக ஆராயப்பட்டு, பரிசீலிக்கப்படும். நடவடிக்கை தொடங்கும் முன், நிச்சயம் சில ஆய்வுகள் மேற்கொள்ளப்படும். காரணம் உண்மையானதாக இருந்தால் என்ன செய்வது? சாதக பாதங்களை அறிந்துதான் நடவடிக்கை எடுக்க முடியும் உடனே எடுக்க முடியாது. இதையெல்லாம் கருத்தில்கொண்டு, புது கொள்கை உருவாக்கப்படும்’’ எனக் கூறினார்.

ஜேசன் ராய் மற்றும் அலெக்ஸ் ஹேல்ஸைத் தவிர, லக்னோ சூப்பர் ஜெயண்ட்ஸ் அணி 7.25 கோடிக்கு வாங்கிய மார்க் உட்டை காயத்தால் இழந்தது. ராயைப் பொறுத்தவரை, அவர் குடும்பத்துடன் நேரத்தை செலவிட விரும்புவதாக கூறியிருந்தார் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.