1649412255 pic

ஐபிஎல் 14ஆவது சீசனின் இளம் வீரர்களின் ஆதிக்கம் அதிகம் இருந்தது. அதிக விக்கெட்கள், அதிக ரன்கள் லிஸ்டில் ருதுராஜ், படிக்கல், ஆவேஷ் கான், ஹர்ஷல் படேல் போன்றவர்கள்தான் தொடர்ந்து முன்னிலை வகித்து வந்தார்கள்.இதனால், 15ஆவது சீசனுக்கு முன் நடைபெற்ற மெகா ஏலத்தில் இஷான் கிஷன், ஷர்தூல் தாகூர், படிக்கல் போன்ற உள்நாட்டு இளம் வீரர்கள்தான் அதிக தொகைக்கு ஏலம் போனார்கள். இந்நிலையில் தற்போது நிலைமை அப்படியே மாறத் துவங்கியுள்ளது. இளம் வீரர்களுக்கு போட்டியாக அனுபவம் வாய்ந்த மூத்த வீரர்கள் தொடர்ந்து அதிரடியாக விளையாடி வருகிறார்கள்.

சீனியர்கள் அபாரம்:

கடந்த இரண்டு சீசன்களில் படுமோசமாக சொதப்பிய தினேஷ் கார்த்திக், 15ஆவது சீசனில் அதிரடியாக விளையாடி பெஸ்ட் பினிஷராக திகழ்ந்து வருகிறார். மேலும் குல்தீப் யாதவ், ராபின் உத்தப்பா போன்ற சீசனியர்களின் பங்களிப்பும் சிறப்பாக இருந்து வருகிறது. இந்த லிஸ்டில் உமேஷ் யாதவும் இருக்கிறார். இவர் தொடர்ந்து அதிரடியாக பந்துவீசி விக்கெட் மழை பொழிந்து வருகிறார்.

குறிப்பாக பவர் பிளேவில் இவரை எதிர்கொள்ளவே பேட்ஸ்மேன்கள் நடுங்குகிறார்கள். பந்தை அடித்தால் அவுட் ஆகிவிடுவமோ என்ற பயத்தை உருவாக்கி வைத்துள்ளார். 145 வேகத்தில் வரும் இவரது பந்து இன் இஸ்விங்கா, அவுட் இஸ்விங்கா என கணிப்பதற்கு சிறிது அவகாசம் கூட இருப்பதில்லை. அந்த அளவுக்கு துல்லியமாக செயல்பட்டு வருகிறார்.

ஒதுக்கப்பட்டார்:

இவர் கடைசியாக 2019ஆம் ஆண்டில், ஆஸ்திரேலிய அணிக்கு எதிரான டி20 போட்டியில் பங்கேற்றார். அதன்பிறகு முகமது சிராஜ், பும்ரா போன்றவர்கள் ஆதிக்கம் காரணமாக உமேஷுக்கு வாய்ப்பே கிடைக்கவில்லை. சிராஜ், பும்ரா போன்றவர்கள் தொடர்ந்து சிறப்பாக செயல்பட்டால் ஐபிஎலில் மட்டுமே உமேஷ் பங்கேற்று வந்தார். ஐபிஎலிலும் பெரிய தாக்கத்தை ஏற்படுத்தவில்லை.

அபார பந்துவீச்சு:

இதனால், மெகா ஏலத்தில் இவரை யாரும் வாங்க மாட்டார்கள் எனக் கருதப்பட்ட நிலையில் கொல்கத்தா அணி இவரை வாங்கியது. இந்நிலையில், அவர்களது நம்பிக்கையை காப்பற்றும் வகையில் உமேஷ் யாதவ் அபாரமாக விளையாடி வருகிறார். இதுவரை மொத்தம் 4 போட்டிகளில் 5.25 சராசரியுடன் 9 விக்கெட்களை வீழ்த்தி, பர்பிள் தொப்பையை தன்வசப்படுத்தியுள்ளார். தற்போது புல் பார்மில் இருப்பதால், இனி வரும் போட்டிகளிலும் அதிரடி காட்டுவார் என எதிர்பார்க்கப்படுகிறது.

இவர் கடைசியாக மும்பை இந்தியன்ஸ் அணிக்கு எதிரான போட்டியில் ரோஹித் ஷர்மாவை திணறடித்து, வீழ்த்தியதால், தேர்வுக்குழுவினர் கண்களில் உமேஷ் யாதவ் சிக்கியுள்ளார். இவர் தொடர்ந்து சிறப்பாக செயல்படும் பட்சத்தில், அக்டோபரில் ஆஸ்திரேலியாவில் துவங்கும் டி2 உலகக் கோப்பை தொடரில் உமேஷ் யாதவின் பெயர் நிச்சயம் இடம்பெறும் எனக் கருதப்படுகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.