pic

ஐபிஎல் 15ஆவது சீசனின் 7ஆவது லீக் போட்டியில் சென்னை சூப்பர் கிங்ஸ், லக்னோ சூப்பர் ஜெய்ண்ட்ஸ் அணிகள் மோதின. இதில் டாஸ் வென்ற லக்னோ அணி முதலில் பந்துவீச்சைத் தேர்வு செய்தது.சிஎஸ்கே இன்னிங்ஸ்:

கடந்த போட்டியில் டிவோன் கான்வே சிறப்பாக விளையாடததால், இம்முறை ராபின் உத்தப்பா ஓபனராக களமிறக்கப்பட்டார். ருதுராஜும், இவரும் களமிறங்கிய நிலையில், ராபின் உத்தப்பாதான் அதிக பந்துகளை எதிர்கொள்ள ஆரம்பித்தார். குறிப்பாக, ஆட்டத்தின் முதல் இரண்டு பந்துகளிலும் பவுண்டரி விளாசி, ஆவேஷ் கானை மிரட்டினார். இதனைத் தொடர்ந்து சமீராவுக்கு எதிராகவும் உத்தப்பா பவுண்டரி, சிக்ஸர் அடித்து மிரட்டினார்.

ரன் அவுட்:

இந்நிலையில், 2.3ஆவது ஓவரில் ருதுராஜ் கெய்க்வாட் 1 (4) எதிர்பாராத விதமாக ரவி பிஷ்னோயிடம் ரன் அவுட் ஆனார். ஆன்ட்ரூ டை வீசிய அந்த ஓவரில் 2 ரன்கள் மட்டுமே கசிந்தது. இருப்பினும், அடுத்த ஓவரில் ஆவேஷ் கானின் பந்துகளில் உத்தப்பா ஒரு பவுண்டரி அடிக்க, மொயின் ஒரு சிக்ஸர் அடித்து கெத்து காட்டினார். தொடர்ந்து முதல் ஓவரில் 2 ரன்களை விட்டுக்கொடுத்த டை ஓவரில், உத்தப்பா 4 பவுண்டரிகளை விளாசி மிரள வைத்தார்.

அடுத்தடுத்து விக்கெட்:

அடுத்து, பவர் பிளேயின் கடைசி ஓவரை வீச வந்த க்ருனால் பாண்டியாவுக்கு எதிராக மொயின் 2 பவுண்டரி, ஒரு சிக்ஸர் விளாசி அசத்தினார். இதனால், பவர் பிளே முடிவில் சிஎஸ்கே 73/1 ரன்களை குவித்தது.
இதனைத் தொடர்ந்து ராபின் உத்தப்பா அரை சதம் எடுத்து அசத்தினார். இவர் பெரிய ஸ்கோர் அடிப்பார் என எதிர்பார்க்கப்பட்ட நிலையில், 50 (27) ரன்கள் எடுத்து, ரவி பிஷ்னோய் பந்துவீச்சில் ஆட்டமிழந்தார். இவருடம் பார்டன்ஷிப் அமைத்த மொயின் அலி 35 (22) ஆவேஷ் கான் பந்துவீச்சில் போல்ட் ஆகி நடையைக் கட்டினார்.

பெரிய ஸ்கோர்:

இதனைத் தொடர்ந்து அம்பத்தி ராயுடு 27 (30), ஷிவம் துபே 49 (30) தங்கள் பங்கிற்கு ரன்களை சேர்த்து ஆட்டமிழந்தார். இதனைத் தொடர்ந்து ஜடேஜாவுடன் பார்ட்னர்ஷிப் அமைத்த தோனி, முதல் இரண்டு பந்துகளில் சிக்ஸர், பவுண்டரி அடித்து அசத்தினார். இந்நிலையில் ஜடேஜா 9 பந்துகளில் 17 ரன்கள் அடித்து ஆட்டமிழந்த நிலையில், தோனி 16(6)கடைசிவரை களத்தில் இருந்தார்.

இறுதியில், சென்னை சூப்பர் கிங்ஸ் அணி 20 ஓவர்கள் முடிவில் 210/7 ரன்களை குவித்து அசத்தியது.

லக்னோ இன்னிங்ஸ்:

இலக்கை துரத்திக் களமிறங்கிய லக்னோ அணியில் ஓபனர் கே.எல்.ராகுல் அபராமாக விளையாடி 26 பந்துகளில் 40 ரன்கள் எடுத்து நடையைக் கட்டினார். இருப்பினும், அடுத்து வந்த மணிஷ் பாண்டே 5 (6) பெரிய ஸ்கோர் அடிக்கவில்லை. இதனைத் தொடர்ந்து ஓபனர் டி காக், எவின் லிவிஸ் இருவரும் பார்ட்னர்ஷிப் அமைத்தார்கள். சிறப்பாக விளையாடி வந்த நிலையில், டி காக்கும் 61 (45) தோனியிடம் கேட்ச் கொடுத்து ஆட்டமிழந்தார்.

கடைசி கட்டம்:

அடுத்து தீபக் ஹூடாவும் 13 (9) பெரிய தாக்கதை ஏற்படுத்தவில்லை. எவின் லிவிஸ் மட்டும் ஒரு பக்கம் அதிரடியாக விளையாடி வந்தார். இவருக்கு துணையாக படோனி விளையாடினார். இந்நிலையில் 12 பந்துகளில் 34 ரன்கள் அடிக்க வேண்டும் என்ற நிலை வந்தது. ஷிவம் துபே பந்துவீசி இரண்டு சிக்ஸர், இரண்டு பவுண்டரிகள் உட்பட 25 ரன்களை வாரி வழங்கினார். இதனால், 6 பந்துகளில் 9 ரன்கள் அடிக்க வேண்டும் என்uற நிலை உருவானது. முகேஷ் சௌத்ரி முதல் இரண்டு பந்துகளை ஒய்டாக வீசினார். தொடர்ந்து அடுத்த பந்தில் படோனி சிக்ஸர் அடித்ததால் லக்னோ அணி 19.3ஆவது ஓவரில் 211/4 ரன்கள் எடுத்து, 6 விக்கெட்கள் வித்தியாசத்தில் வெற்றிபெற்றது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.