1649008934 pic

ஐபிஎல் 15ஆவது சீசன் 11ஆவது லீக் போட்டியில் சென்னை சூப்பர் கிங்ஸ், பஞ்சாப் கிங்ஸ் அணிகள் மோதி வருகின்றன. இதில் டாஸ் வென்ற சென்னை சூப்பர் கிங்ஸ் அணி முதலில் பந்துவீச்சைத் தேர்வு செய்தது.பஞ்சாப் இன்னிங்ஸ்:

முதலில் களமிறங்கிய பஞ்சாப் அணியில் கேப்டன் மயங்க் அகர்வால், தொடக்க பந்தில் பவுண்டரி அடித்து அசத்தினார். இதனைத் தொடர்ந்து முகேஷ் சௌத்ரி வீசிய இரண்டாவது பந்திலும் பவுண்டரி அடிக்க முற்பட்ட நிலையில், கவர் திசையில் ராபின் உத்தப்பாவிடம் கேட்ச் கொடுத்து நடையைக் கட்டினார். இதனால், பஞ்சாப் அணிக்கு துவக்கத்திலேயே நெருக்கடி ஏற்பட்டது. அந்த ஓவரில் 8 ரன்கள் கசிந்தது.

இந்நிலையில் கிறிஸ் ஜோர்டன் வீசிய இரண்டாவது ஓவரின் முதல் பந்தில் ராஜபக்ஷா சிக்ஸர் அடித்து அசத்தினார். அடுத்த பந்தில் இரண்டு ரன்கள் ஓட முற்பட்ட நிலையில், கிறிஸ் ஜோட்ரனின் த்ரோவை தோனி, பறந்து பிடித்து ராஜபக்ஷாவை ரன் அவுட் ஆக்கினார். 40+ வயசாகியும் தோனி, சுறுசுறுப்பாக செயல்பட்டு ரன் அவுட் செய்ததை, ரக வீரர்கள் வியப்புடன் பார்த்து, தோனிக்கு வாழ்த்துகளை தெரிவித்தனர். இதனைத் தொடர்ந்து லிவிங்ஸ்டன், ஷிகர் தவன் இருவரும் பார்ட்னர்ஷிப் அமைத்து ரன் மழை பொழிய ஆரம்பித்தார்கள். இதனால், பவர் பிளே முடிவில் பஞ்சாப் அணி 72/2 ரன்களை குவித்து அசத்தியது.

இதனைத் தொடர்ந்து 7ஆவது ஓவரில் ஜடேஜா பந்துவீச்சில் லிவிங்ஸ்டன் அடித்த கேட்சை அம்பத்தி ராயுடு தவறவிட்டார். அவ்வளவுதான் அதன்பிறகு ரன் மழை பொழிய ஆரம்பித்தார். இதனைத் தொடர்ந்து தவன் 33 (24), ஜடேஜா 60 (32) இருவரும் அடுத்தடுத்து ஆட்டமிழந்தனர். லிவிங்ஸ்டன் பேட்டில் இருந்து 5 சிக்ஸர்கள் வந்திருந்தது. அதில் ஒன்று 108 மீட்டர் சிக்ஸர் ஆகும். அடித்துக் களமிறங்கிய ஜிதேஷ் ஷர்மா 26 (17), ஷாருக்கான் 6 (11) ஆகியோர் பெரிய ஸ்கோர் அடிக்கவில்லை.

இதனைத் தொடர்ந்து ஓடியன் ஸ்மித் 3 (7), ராகுல் சஹார் 12 (8), ரபாடா 12 (12) போன்றவர்கள் சிறப்பாக சோபிக்காத நிலையில், பஞ்சாப் கிங்ஸ் அணி 20 ஓவர்கள் முடிவில் 180/8 ரன்களை குவித்தது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.