1648470200 pic

ஐபிஎல் மீது நீண்ட நாட்களாக இருக்கும் குற்றச்சாட்டு என்னவென்றால், வீரர்களுக்கு காயம் ஏற்பட்டாலும், அதனை மறைத்துத் தொடர்ந்து போட்டிகளில் பங்கேற்று வருகிறார்கள் என்ற குற்றச்சாட்டுதான்.போட்டிகளில் பங்கேற்கவில்லை என்றால் ஊதியம் போய்விடும், அணியும் தோற்றுவிடும் என எண்ணி, சிறு காயங்களை மறைத்து வீரர்கள் தொடர்ந்து விளையாடி வருவதாகவும், அணியும் சுயநலமாக சிந்தித்து இந்த காயங்களை வெளியில் தெரியாதவாறு பார்த்துக்கொள்வதாகவும் கூறப்படுகிறது. இதனால், வீரர்களின் காயத்தின் தன்மை அதிகமாகி, அவர்கள் இந்திய அணிக்காக விளையாடுவது பாதிக்கப்படுகிறது.

மும்பை இந்தியன்ஸ் கூட:

கடந்த சீசனில்கூட மும்பை இந்தியன்ஸ் அணிக்காக ஹார்திக் பாண்டியா விளையாடி வந்த நிலையில், அவருக்கு காயம் சரியாகிவிட்டது, பந்துவீச தயாராக இருக்கிறார் என அறிவித்தது. இதனை நம்பி, டி20 உலகக் கோப்பையில் ஹார்திக் பாண்டியாவுக்கு வாய்ப்பு கொடுக்கப்பட்ட நிலையில், அவர் பந்துவீச தடுமாறி வந்தார்.

இதனைத் தொடர்ந்து தற்போதுவரை அவர் அணிக்கு திரும்பவில்லை. மீண்டும் முழு உடற்தகுதியைபெற பெங்களூர் தேசிய கிரிக்கெட் அகடமியில் தங்கி, சிகிச்சை மற்றும் பயிற்சியை மேற்கொண்டு வந்தார். தற்போது முழு பிட்னஸ் அடைந்து 137+ வேகத்தில் பந்துவீசி வருவதால், ஐபிஎலில் பங்கேற்க அனுமதிக்கப்பட்டுள்ளார்.

ஹார்திக் பாண்டியாவுக்கு ஆப்பு:

இந்நிலையில், இந்திய அணி ஒப்பந்தப் பட்டியலில் இருக்கும் ஐபிஎல் வீரர்களின் உடற்தகுதியை பிசிசிஐதான் கண்காணிக்கும். சம்பந்தப்பட்ட அணியின் மருத்துவ குழு இதில் தலையிட கூடாது என பிசிசிஐ அதிரடியாக அறிவித்துள்ளது. அப்போது பரிசோதனை செய்யும்போது வீரர்களின் உடற்தகுதியில் குறைபாடு இருந்தால், உடனே அணியிலிருந்து நீக்க பரிந்துரை செய்யப்படும் எனவும் தெரிவித்துள்ளது.

பிசிசிஐ ஒப்பந்தப் பட்டியலில் ஹார்திக் பாண்டியா, ஆல்-ரவுண்டர் பிரிவில் இருக்கிறார். இதனால், அவர் பந்துவீச்சு, பேட்டிங்கில் அவ்வபோது உடற்தகுதியை நிரூபித்தால் மட்டுமே ஐபிஎலில் பங்கேற்க முடியும்.

இதனால், களத்தில் ஹார்திக் பாண்டியா ஒரு இடத்தில்கூட சோர்வுடன் காணப்படக் கூடாது. மேலும், பந்துவீச்சிலும் எவ்வித தடுமாற்றமும் இல்லாமல் செயல்பட வேண்டும். இல்லையென்றால், ஹார்திக் பாண்டியா உடனே அணியிலிருந்து நீக்க பிசிசிஐ பரிந்துரை செய்யும். மேலும், மீண்டும் பெங்களூர் தேசிய கிரிக்கெட் அகடமிக்கு திரும்பி பயிற்சி மேற்கொள்ள வேண்டிய நிலை ஏற்படும்.

இதனால், இன்றை போட்டியில் லக்னோ சூப்பர் ஜெய்ண்ட்ஸ் அணிக்கு, எதிராக குஜராத் டைடன்ஸ் கேப்டன் ஹார்திக் பாண்டியா எப்படி செயல்படப் போகிறார் என்ற எதிர்பார்ப்பில் ரசிகர்கள் இருக்கிறார்கள்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.