1648462860 pic

15 ஆவது சீசனின் ஐபிஎல் திருவிழா நேற்று துவங்கி ரசிகர்களுடன் ஆரவாரமாக நடந்து வருகிறது. இரண்டாம் நாளான நேற்று இரண்டு போட்டிகள் என அட்டவணையில் தெரிவிக்கப்பட்டிருந்தது.ஐபிஎல் 15ஆவது சீசன் மூன்றாவது லீக் போட்டியில் ராயல் சேலஞ்சர்ஸ் பெங்களூர் அணியை பஞ்சாப் கிங்ஸ் எதிர்கொண்டது. இதில், டாஸ் வென்ற பஞ்சாப் அணி, முதலில் பந்துவீச்சை தேர்வு செய்தது. ஓபனராக களம் இறங்கிய ஃபாஃப் டு பிளெசிஸ் அதிரடியாக விளையாட, ஸ்கோர் வேகமாக அதிகரித்தது. 57 பந்துகளை விளையாடிய அவர், 7 சிக்சர்கள் 3 பவுண்டரிகள் என 88 ரன்களை குவித்தார்.

விராட் கோலியும் அவருடன் அதிரடி காட்டி, 29 பந்துகளில் 41 ரன்களை எடுத்தார். கடைசி ஓவர்களில் தினேஷ் கார்த்திக்கும் பந்தை அனைத்து பக்கமும் விளாசினார். இதனால் பெங்களூர் அணி 205 ரன்களை இலக்காக நிர்ணயித்தது.

பஞ்சாப் வெற்றி:

அடுத்து, களம் இறங்கிய மயங்க் அகர்வாலும் ஷிக்கர் தவானும் அணிக்கு சிறப்பான தொடக்கத்தை கொடுத்தனர். மயங்க் அகர்வால் 32 ரன்களில் ஆட்டமிழக்க, ஷிகர் தவான் 43 ரன்கள் எடுத்து வெளியேறினார். 22 பந்துகளில் 4 சிக்சர்கள் 2 பவுண்டரிகள் என அதிரடியாக விளையாடிய ராஜபக்ஷே, சிராஜ் பந்துவீச்சில் தனது விக்கெட்டை இழந்தார். மேலும் ராஜ் பாவா ரன் எதும் எடுக்காமலும், லியாம் லிவிங்ஸ்டன் 19 ரன்களுடனும் வெளியேற ஆட்டம் பெங்களூர் அணி பக்கம் திரும்பியது.

இருந்தாலும், இறுதி கட்டத்தில் ஆட்டம் இரண்டு அணிகளுக்கும் சாதகமாக மாறி மாறி சென்றதால் ரசிகர்களை இருக்கையின் நுணிக்கே வர வழைத்தது. ஒடியன் ஸ்மித்தும், ஷாருக்கானு்ம் இறுதியில் சிக்ஸர் மழையை பொழிய, பஞ்சாப் கிங்ஸ் ஐந்து விக்கெட் வித்தியாசத்தில் வெற்றி பெற்றது. குறிப்பாக, ஓடியன் ஸ்மித் 8 பந்துகளில் 25 ரன்களை விளாசியதால்தான், பஞ்சாப் அணியால் வெற்றிபெற முடிந்தது. இதனால், இவருக்கு ஆட்ட நாயகன் விருது வழங்கப்பட்டது.

ஸ்மித் பேட்டி:

இப்போட்டி முடிந்த பிறகு ஓடியன் ஸ்மித் பேட்டி கொடுத்தார். அதில், ‘‘துவக்கம் சிறப்பாக இருக்க வேண்டும் என்பதற்காக அதிகம் உழைத்தோம். எல்லாம் சரியாகத்தான் செல்லும் என நினைத்தேன். ஆனால், பந்துவீச்சில் என்னால் சிறப்பாக செயல்பட முடியவில்லை. இனிமேல் இப்படி நடக்காமல் பார்த்துக்கொள்வேன். பேட்டிங்கில் சிறப்பாக செயல்பட்டு, அணிக்கு வெற்றியைப் பெற்றுக்கொடுத்தது மகிழ்ச்சியளிக்கிறது. பஞ்சாப் இதற்கு முன்னர் கோப்பை வெல்லவில்லை. இம்முறை நிச்சயம் வெல்வோம். அப்படி நம்பிதான் விளையாடி வருகிறோம். ஒரு போட்டியில் வெற்றிபெற்றுவிட்டோம். அடுத்து 13 போட்டிகளிலும் சிறப்பாக செயல்படுவோம் என்ற நம்பிக்கை இருக்கிறது’’ எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.