1648484835 pic

ஆர்சிபியில் எப்போதும் சாஹல் ரன்களை கட்டுப்படுத்தி, முக்கிய விக்கெட்டுகளை வீழ்த்திவிடுவார். 2019ஆம் ஆண்டு ஆர்சிபி அணிக்காக விளையாடிய சாஹல், 18 விக்கெட்டுகளையும், 2020ஆம் ஆண்டு சீசனில் சாஹல் 21 விக்கெட்டுகளையும், 2021ஆம் ஆண்டு சீசனில் 18 விக்கெட்டுகளையும் பெங்களூரு அணிக்காக சாஹல் வீழ்த்தினார். இப்படி பெங்களூரு அணியின் முக்கிய வீரராக விளங்கிய சாஹலை , ஏலத்தில் அந்த அணி எடுக்கவும் இல்லை. வாய்ப்பு கிடைக்கும் போது தக்க வைக்கவும் இல்லை.

நடந்து முடிந்த ஐபிஎல் மெகா ஏலத்தில், சூழல் பந்துவீச்சாளர் யுஸ்வேந்திர சாஹலை ராஜஸ்தான் ராயல்ஸ் அணி 6.5 கோடி ரூபாய்க்கு எடுத்தது.

முதல் வீடு:

இதைப்பற்றி பேசிய சாஹல், 2010யில் நான் ராஜஸ்தான் ராயல்ஸில் தான் இருந்தேன். ஆனால், பிளேயிங் லெவனில் இடம் கிடைக்கவில்லை. கிட்டத்தட்ட 10 ஆண்டுகளுக்கு பின்னர் நான் அதே அணியில் விளையாடுவது மகிழ்ச்சியாக உள்ளது. இங்கிருந்துதான் நான் எனது கிரிக்கெட் வாழ்க்கையை துவங்கினேன். அதனால், இதனை எனது முதல் குடும்பம் என்று கூட சொல்லலாம். இப்போது அஷ்வினுடன் நான் விளையாடப்போவது மிகவும் உற்சாகமாக உள்ளது.

கேள்வி கேட்கிறார்கள்:

மேலும் பேசிய சாஹல், எனக்கு ராயல் சேலஞ்சர்ஸ் பெங்களூர் அணியுடன் சிறந்த பிணைப்பு உள்ளது, முக்கியமாக அதன் ரசிகர்களுடன். நான் வேறு அணிக்காக விளையாடுவேன் என நினைத்துப்பார்க்கவில்லை. என்னை பல பேர் சமூகவலைதளங்களில், ‘நீங்கள் என் பெங்களூர் அணியிடம் அதிக பணத்தை கேட்டீர்கள்?’ என கேட்கிறார்கள்.

ஆனால் உண்மையில் நடந்தது வேறு. ஆர்சிபி அணியின் நிர்வாக இயக்குனர் மைக் ஹெசன் என்னை தொடர்பு கொண்டு, “இந்த முறை எங்களால் மூன்று வீரர்களை தான் தக்கவைக்க முடியும். உங்களை நாங்கள் ஏலத்தில் எடுக்க முயற்சி செய்கிறோம்” என கூறினார்.

பணம் முக்கியமில்லை:

என்னை யாரும், ‘நீங்கள் தக்கவைக்கபட விரும்புகிறீர்களா’ என்று கேட்கவில்லை. மேலும், நான் சம்பளத்தை பற்றி எந்த கோரிக்கையும் வைக்கவில்லை. பணம் எனக்கு இரண்டாம் விஷயம் தான். ஆர்சிபி அணி எனக்கு எல்லாமே கொடுத்துள்ளது, அது எனக்கு சரியான பாதையை அமைத்து கொடுத்தது, மிகுந்த அன்பை கொடுத்தது. நான் உணர்வுபூர்வமாக பெங்களூர் அணியுடன் இணைந்துள்ளேன்”. என்னிடம் உங்களை ஆர்சிபியில் தக்கவைக்கலாமா என்று கேட்டிருந்தால் நான் நிச்சயமாக சம்மதித்திருப்பேன்” எனக் கூறினார்.

‘‘ஏலத்தில் ராஜஸ்தான் ராயல்ஸ் என்னை எடுத்த பின்னர் நான் விராட் கோலியிடம் அதிகமாக பேசவில்லை. அவர் என்னிடம், ‘இப்போது நீங்கள் அரசராகி விட்டீர்கள்’ என்று மட்டும் கூறினார். வேறு எதும் நான் அவரிடம் பேசவில்லை. இப்போது நான் வேறு அணியில் விளையாடலாம், ஆனால் இதுவரை விளையாடியது போலவே எனது ஆட்டமும் சிறப்பாகவே இருக்கும். ராஜஸ்தான் ராயல்ஸ் அணியில் விளையாட உற்சாகமாக உள்ளேன்’’ எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.