1648411555 pic

ஐபிஎல் 15ஆவது சீசனின் மூன்றாவது லீக் போட்டியில் ராயல் சேலஞ்சர்ஸ் பெங்களூர், பஞ்சாப் கிங்ஸ் அணிகள் மோதின. இதில் டாஸ் வென்ற பஞ்சாப் அணி முதலில் பந்துவீச்சைத் தேர்வு செய்தது.ஆர்சிபி இன்னிங்ஸ்:

முதலில் களமிறங்கிய ஆர்சிபி அணியில் ஓபனர்களாக பாப் டூ பிளஸி, அனுஜ் ராவத் ஆகியோர் களமிறங்கினர். இருவரும் துவக்கம் முதலே அதிரடியாக விளையாடியதால், ஸ்கோர் வேகத்தில் விறுவிறுப்பு இருந்தது.

இந்நிலையில் அனுஜ் ராவத் 20 பந்துகளில் 21 ரன்கள் சேர்த்து விளையாடியபோது, ராகுல் சஹார் பந்துவீச்சில் போல்ட் ஆனார். அடுத்து டூ பிளஸியுடன், கோலி பார்ட்னர்ஷிப் அமைத்தார். இருவரும் தொடர்ந்து அதிரடி காட்டியதால், பஞ்சாப் அணிக்கு மீண்டும் அழுத்தம் அதிகரித்தது. குறிப்பாக ஓடியன் ஸ்மித் வீசிய 13ஆவது ஓவரிலும், ஹர்பிரீத் ப்ரார் வீசிய 14ஆவது ஓவரில் 23, 21 என ரன்கள் பறந்தன.

டூ பிளஸி 80+ ரன்களை கடந்து விளையாடி வந்ததால் நிச்சயம் சதம் அடிப்பார் எனக் கருதப்பட்டது. இந்நிலையில் அர்ஷ்தீப் சிங் வீசிய 17.1ஆவது ஓவரில் ஷாருக்கானிடம் கேட்ச் கொடுத்து டூ பிளஸி 88 (57) ஆட்டமிழந்தார். அடுத்து கோலியுடன், தினேஷ் கார்த்திக் பாட்னர்ஷிப் அமைத்தார். தினேஷ் கார்த்திக்கும் தனது பங்கிற்கு காட்டடி அடித்து ரன்களை குவிக்க ஆரம்பித்தார். இறுதியில் கோலி 41 (29) ரன்களும், தினேஷ் கார்த்திக் 32 (14) ரன்களும் சேர்த்தார்கள். ஆர்சிபி அணி 20 ஓவர்கள் முடிவில் 205/2 ரன்களை குவித்து அசத்தியது.

பஞ்சாப் இன்னிங்ஸ்:

இலக்கை துரத்திக் களமிறங்கிய பஞ்சாப் கிங்ஸ் அணியில் ஓபனர்கள் மயங்க் அகர்வால் 32 (24), ஷிகர் தவன் 43 (29) ஆகியோர் சிறப்பான துவக்கம் தந்தார்கள். இதனைத் தொடர்ந்து ஒன் டவுன் வீரர் பனுகா ராஜபக்சே அபாரமாக விளையாடி 22 பந்துகளில் 43 ரன்கள் சேர்த்து, ஆர்சிபிக்கு அழுத்தத்தை உண்டாக்கினார். இதனால், ஆட்டத்தில் பரபரப்பு ஏற்பட்டது.

இதனைத் தொடர்ந்து அனுஜ் ராவத் கோல்டன் டக் ஆனதால், போட்டி ஆர்சிபி பக்கம் திரும்ப ஆரம்பித்தது. இருப்பினும், அடுத்து களத்திற்குள் வந்த லிவிங்ஸ்டன் இரண்டு சிக்ஸர்கள் அடித்து, ஆட்டத்திற்குள் பஞ்சாப்பை கொண்டு வந்தார். இதனால், கடைசி 5 ஓவர்களில் 50 ரன்கள் அடிக்க வேண்டும் என்ற நிலை உருவானது. நிலைமை இப்படியிருக்க இளம் பௌலர் ஆகாஷ் தீப் பந்துவீச்சில் ராவத் 19 (10) ஆட்டமிழந்து ஷாக் கொடுத்தார்.

அடுத்துக் களமிறங்கிய ஷாருக்கான் 24 (20), ஓடியன் ஸ்மித் 25 (8) இருவரும் அபாரமா விளையாடியதால், பஞ்சாப் அணி 19 ஓவர்களில் 208/5 ரன்கள் குவித்து, அபார வெற்றியைப் பெற்றது.

ஆர்சிபி அணி, கடந்த காலங்களிலும் இதேபோல் பெரிய ஸ்கோர் அடித்து, தொடர் தோல்விகளை சந்தித்து வந்தது என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.