1648433530 pic

நேற்று நடைபெற்ற ஐபிஎல் 15ஆவது சீசனின் இரண்டாவது லீக் போட்டியில் மும்பை இந்தியன்ஸ், டெல்லி கேபிடல்ஸ் அணிகள் மோதின.இப்போட்டியில் முதலில் களமிறங்கிய மும்பை இந்தியன்ஸ் அணியில் ஓபனர் இஷான் கிஷன் 48 பந்துகளை எதிர்கொண்டு 11 பவுண்டரி, 2 சிக்ஸர்கள் உட்பட 81 ரன்களை குவித்து அசத்தினார். இதனால், மும்பை இந்தியன்ஸ் அணியால் 20 ஓவர்களில் 178 ரன்களை தொட முடிந்தது.

கிஷனுக்கு காயம்:

இப்போட்டியில் 18ஆவது ஓவரின்போது, ஷர்தூல் தாகூர் வீசிய லோ புல்டாஸ், இஷான் கிஷனின் காலில் பட்டது. அப்போது கிஷன் சில அசௌகரியங்களை உணர்ந்தார். இதனால், மருத்துவ குழுவினர் வந்து பார்வையிட்டனர். இருப்பினும், இஷான் பெவிலியன் திரும்பாமல் விளையாடினார்.

மருத்துவ மனையில்:

இதனைத் தொடர்ந்து டெல்லி அணி பேட்டிங் செய்தபோது, முதல் சில ஓவர்களின்போது அவர் களத்திற்கு வரவில்லை. அருகில் இருந்த மருத்துவமனைக்கு சென்று உடனே ஸ்கேன் செய்து பார்த்ததாகவும், அப்போது எந்த பிரச்சினையும் தெரிய வராததால், 7 ஓவர்களுக்குப் பிறகு மீண்டும் களத்திற்கு திரும்பினார். அந்த சமயத்தில் இளம் வீரர் ஆர்யன் ஜோயல் விக்கெட் கீப்பராக இருந்தார்.

இந்நிலையில், இஷான் கிஷனுக்கு மீண்டும் அதே இடத்தில் காயம் ஏற்பட்டால், காயத்தின் தன்மை பெரியதாக மாறி சில போட்டிகளில் பங்கேற்க முடியாத நிலை கூட ஏற்படலாம் என மருத்துவர்கள் எச்சரித்ததாக தகவல் வெளியாகியுள்ளது. இருப்பினும், இஷான் கிஷன் அதனை பொருட்படுத்தாமல் இரண்டாவது இன்னிங்ஸின்போது களமிறங்கினார்.

அவர் நினைத்திருந்தால் ஆர்யன் ஜோயலை விக்கெட் கீப்பராக செயல்பட வைத்துவிட்டு, கடைசிவரை ஓய்வில் இருந்திருக்கலாம். ஆனால், உடனே களத்திற்கு திரும்பி, அணிக்காக விளையாடியது, மும்பை ரசிகர்கள் மத்தியில் நெகிழ்ச்சியை ஏற்படுத்தியுள்ளது.

இதனையடுத்து களமிறங்கிய டெல்லி அணி 72/5 என திணறிய நிலையில், இறுதியில் லலித் யாதவ் 48 (38), ஷர்தூல் தாகூர் 22 (11), அக்சர் படேல் 38 (17) ஆகியோரின் அதிரடியால் 18.2 ஓவர்கள் முடிவில் 179/6 ரன்கள் எடுத்து வெற்றிபெற்றது.

மும்பை இந்தியன்ஸ் அணி, இஷான் கிஷனை 15.25 கோடிக்கு ஏலம் எடுத்திருந்தது என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.