இந்த தோல்விக்குப் பிறகு பேட்டி கொடுத்த கேப்டன் ஜோ ரூட், “முதல் இன்னிங்ஸின் முதல் நாளில் பௌலர்கள் சரியாக பந்துவீசவில்லை. ஷார்ட் பால்களை அதிகம் வீசித் தள்ளி, பேட்ஸ்மேன்களை ஆட வைக்கவில்லை. இரண்டாவது இன்னிங்ஸில் சரியான லென்த்தில் பந்து வீசிய நிலையில், அதற்குள் ஆட்டம் விரைவாக முடிந்துவிட்டது” என பௌலர்களை கடுமையாக விமர்சித்திருந்தார்.
Breaking: ஓய்வை அறிவித்தார் ‘இந்திய வீரர்’: பயிற்சியாளராக மாற திட்டம்?
இதனைத் தொடர்ந்து ரூட்டுக்கு கண்டனங்கள் குவியத் துவங்கின. பேட்ஸ்மேன்கள் சரியான விளையாடாத நிலையில் அவர்களை குறை சொல்வதைவிட்டு, பௌலர்களை தாக்கிப் பேசியிருப்பது ஏற்றுக்கொள்ள கூடியது கிடையாது என ரசிகர்கள் தெரிவித்து வந்தனர்.
ஆண்டர்சன் அதிரடி:
இந்நிலையில் வேகப்பந்து வீச்சாளர் ஜேம்ஸ் ஆண்டர்சனும் ரூட்டை கடுமையாகத் தாக்கி, டெலிகிராப் பத்திரிகையில் கட்டுரை எழுதியுள்ளார். அதில், “அடிலைடில் இதுவரை இல்லாத வகையில், பேட்ஸ்மேன்களுக்கு சாதகமான பிளாட் பிட்சை தயாரித்துள்ளனர். இருந்தபோதிலும், எங்கள் அணி பேட்ஸ்மேன்கள் சிறப்பாக செயல்படவில்லை. பொதுவாக பிங்க் பந்துகள் நிறைய ஸ்விங் ஆகும். ஆனால், இந்த முறையில் இரவில் கூட ஸ்விங் ஆகவில்லை. இப்படி இருந்தும், எங்கள் அணி பேட்ஸ்மேன்கள் நன்றாக விளையாடவில்லை” எனத் தெரிவித்தார்.
மேலும், “நாங்கள் பௌலர்கள், சில வாய்ப்புகளை உருவாக்கித்தான் தர முடியும். அப்படி உருவாக்கித் தரப்பட்ட கேட்ச்களை சிலர் பிடிக்கவில்லை. முதல் இரண்டு நாட்களும் சிறப்பாக பந்துவீசினோம். இருப்பினும், சிலர் கேட்ச்களை தவறவிட்டதால், ஆட்டத்தில் ஆதிக்கம் செலுத்த முடியவில்லை” என ரூட் விமர்சனத்திற்கு கடும் பதிலடி கொடுத்துள்ளார்.
அஸ்வினை வச்சு செஞ்சது…மகிழ்ச்சியாக இருக்கிறது: ‘உண்மையில்தான்’…ரவி சாஸ்திரி அதிரடி பேட்டி!
இரு அணிகளுக்கு இடையிலான மூன்றாவது டெஸ்ட் நாளை மறுநாள் மெல்போர்னில் நடைபெறவுள்ளது என்பது குறிப்பிடத்தக்கது.
