1648781829 pic

15ஆவது சீசனின் ஏழாவது ஐபிஎல் போட்டியில், சென்னை சூப்பர் கிங்ஸ் அணியை லக்னோ சூப்பர்ஜெயண்ட்ஸ் எதிர்கொண்டது. டாஸ் வென்ற லக்னோ சூப்பர்ஜெயண்ட்ஸ் அணியின் கேப்டன் கே.எல்.ராகுல் முதலில் பந்துவீச்சை தேர்வுசெய்தார்

சென்னை சூப்பர் கிங்ஸில் முதலில் உத்தப்பாவும், ருதுராஜும் களம் இறங்கினார். ஆரம்பத்திலேயே ருதுராஜ் ஒரு ரன்னில் ரன் அவுட் ஆகி ரசிகர்களுக்கு அதிர்ச்சியை கொடுத்தார். ஆனால், மறுமுனையில் இருந்த உத்தப்பாவோ அதிரடியாக விளையாடி அரைசதம் அடித்தார்.

மெகா ஸ்கோர்:

மொயின் அலி 22 பந்துகளில் 35: ரன்களும், சிவம் துபே 30 பந்துகளில் 49 ரன்கள் என அதிரடியாக விளையாடி ரன்களை சேர்க்க, இறுதியில் தோனி வந்து அதிரடியை காட்டினார். அவர் 6 பந்துகளில் ஒரு சிக்ஸர், இரண்டு பவுண்டரி என அடிக்க சென்னை சூப்பர் கிங்ஸ் 20 ஓவர்களின் முடிவில் 7 விக்கெட் இழப்பிற்கு 210 ரன்களை எடுத்தது.

லக்னோ வெற்றி:

211 ரன்கள் எடுத்தால் வெற்றி என்ற இலக்குடன் களம் இறங்கிய லக்னோ, துவக்கத்தில் இருந்தே அதிரடியை தொடங்கியது. கே.எல் ராகுல் (40), குயின்டன் டி காக் (61), போன்றோரின் நிலையான ஆட்டத்தை வெளிப்படுத்தினர். தொடர்ந்து எவின் லிவிஸ் (55), ஆயூஸ் படோனி (19) சிறப்பாக விளையாடியதால்,, 19.3 ஓவர்களிலேயே இலக்கை எட்டியது. இதனால் 6 விக்கெட் வித்தியாசத்தில் சென்னை அணியை வீழ்த்தியதோடு ஐபிஎலில் தனது முதல் வெற்றியை பதிவு செய்தது லக்னோ அணி.

ராகுல் பேட்டி:

இந்த வெற்றியை குறித்து பேசிய லக்னோ அணியின் கேப்டன் கே.எல். ராகுல், “முதலில் நானும் டி காக்கும் பேட்டிங் செய்ய செல்லும்போதே நான் அவரிடம் தொடக்க ஓவர்களில் நிதானமாக அவரின் ஆட்டத்தை விளையாட சொன்னேன். அதில் நன்றாக ரன் அடிக்கும் பட்சத்தில், பவர்பிளேவில் பெரிய ஸ்கோர் அடிக்க முயற்சிக்க வேண்டும் என கூறினேன். இதனால் எங்களின் தொடக்கம் நன்றாக அமைந்தது”

மேலும், “ரவி பிஷ்னோய் மற்றும் ஆயுஷ் படோனி ஆகியோர் இளம் வீரர்களாக இருந்தாலும் சிறப்பாக விளையாடினர். ரவி பிஷ்னோய் ஒரு போராளி. கடந்த போட்டிகளில் அவர் ரன்களை விட்டுகொடுத்திருந்தாலும் இந்த போட்டியில் அவர் மீண்டு வந்திருப்பது அவர் போராட்ட குணத்தை தான் காட்டுகிறது” எனத் தெரிவித்தார்.

எல்லா பக்கமும் அடிக்கிறாரு:

“பவர்பிளேவில் 70 ரன்களை விட்டுகொடுத்திருந்தாலும் பிஷ்னோய் பந்துவீசிய விதம் நன்றாக இருந்தது. அவர் எப்போதும் அனைத்தையும் கற்றுக்கொள்ளவும் அதில் வளர்ச்சியடையவும் தான் நினைக்கிறார். எங்கள் அணியின் ஸ்பின் பயிற்சியாளருடன் தான் அதிக நேரத்தை அவர் செலவிடுகிறார். ஆயுஷ் படோனியின் திறமையை இங்கு வந்த முதல்நாளிலேயே தெரிந்துகொண்டேன். அவர் மைதானத்தின் எல்லா பக்கமும் அடிக்க கூடியவர். அவர் நன்றாக பயிற்சி எடுத்து நுணுக்கங்களை கற்றுக்கொண்டால், வருங்கால இந்திய அணியில் முக்கிய வீரராக இருப்பார். என கூறினார்.

கவலைப்படவே இல்லை:

எவின் லூயிஸை பற்றி பேசும்போது, “அவருடைய பேட்டிங்கிலும் அவர் நன்றாக பயிற்சி எடுத்திருக்கிறார். அவர் ஒரு ஓபனிங் பேட்ஸ்மேன். ஆனால் அவரை மூன்றாவது வீரராக இறங்க சொன்னேன். அதனால் அவரால் ஸ்பின்னர்களை நன்றாக தாக்க முடியும் என கூறினேன். ஆனால் அவர் அதை பற்றி கவலை பட வேண்டாம் என பதிலளித்தார். அவர் யார் பந்துவீசினாலும் அதிரடியாக விளையாட கூடியவர். இந்த வெற்றி குறித்து மிகவும் மகிழ்ச்சியாக உள்ளது. இதை மற்ற போட்டிகளிலும் தொடர விரும்புகிறோம்” என தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.