1649606597 pic

ஐபிஎல் 15ஆவது சீசனின் 19ஆவது லீக் போட்டியில் டெல்லி கேபிடல்ஸ், கொல்கத்தா நைட் ரைடர்ஸ் அணிகள் மோதி வருகின்றன. இதில் டாஸ் வென்ற கொல்கத்தா அணி முதலில் பந்துவீச்சைத் தேர்வு செய்தது.டெல்லி இன்னிங்ஸ்:

முதலில் களமிறங்கிய டெல்லி அணியில் ஓபனர்கள் பிரித்வி ஷா, டேவிட் வார்னர் இருவரும் அதிரடியாக விளையாட ஆரம்பித்தனர். இதனால், பவர் பிளேவில் அதிக ரன்கள் கசிந்தது. உமேஷ் யாதவ், ரஷிக் சலாம், பாட் கம்மின்ஸ் சுனில் நரைன் ஆகியோரின் ஓவர்களில் 10 ரன்கள்வரை கசிந்தது. இதனால், கொல்கத்தா அணி பவர் பிளேவில் 68 ரன்கள் சேர்த்தது.

இந்நிலையில் 9.3ஆவது ஓவரில் வருண் சிக்ரவர்த்தி பந்துவீச்சில் பிரித்வி ஷா 51 (29) கிளின் போல்ட் ஆனார். இதனைத் தொடர்ந்து களமிறங்கிய ரிஷப் பந்த் காட்டடி அடித்து வந்த நிலையில் ஆண்ட்ரே ரஸல் பந்துவீச்சில் உமேஷிடம் கேட்ச் கொடுத்து நடையைக் கட்டினார். ரிஷப் அடித்தது 27 (14) ரன்கள்.

இவர்கள் ஒருபுறம் ஆட்டமிழக்க மறுபக்கம் டேவிட் வார்னர் தொடர்ந்து அபாரமாக விளையாடி வந்தார். இதனால், டெல்லி அணி 16 ஓவர்களல் 160 ரன்கள் சேர்த்தது. ஒருவேளை வார்னர் 20 ஓவர்வரை தாக்குப்பிடித்தால் ஸ்கோர் 200 ரன்களை நிச்சயம் தொடும் எனவும் கருதப்பட்டது. இந்நிலையில் 16.4ஆவது ஓவரில் உமேஷ் யாதவ் பந்துவீச்சில் ரஹானேவிடம் வார்னர் 61 (45) கேட்ச் கொடுத்து ஆட்டமிழந்தார். அடுத்து ஸ்கோரின் வேகத்தில் தொய்வு ஏற்பட்டது.

அடுத்து ஷர்தூல் தாகூர் 29 (11), அக்சர் படேல் 22 (14) ஆகியோர் ரன்களை கடைசிவரை களத்தில் இருந்தார்கள். டெல்லி அணி 20 ஓவர்களில் 215/5 ரன்கள் குவித்து அசத்தியது.

கொல்கத்தா இன்னிங்ஸ்:

இலக்கை துரத்திக் களமிறங்கிய கொல்கத்தா அணியில் ஓபனர்கள் அஜிங்கிய ரஹானே 8 (14), வெங்கடேஷ் ஐயர் 18 (8) ஆகியோர் சிறப்பாக சோபிக்கவில்லை. இதனைத் தொடர்ந்து ஷ்ரேயஸ் ஐயர் அரை சதம் கடந்து விளையாடி வந்த நிலையில் 54 (33 ) சேர்த்து குல்தீப் யாதவ் பந்துவீச்சில் நடையைக் கட்டினார். அடுத்து நிதிஷ் ராணாவும் 30 (20) பெரிய தாக்கத்தை ஏற்படுதவில்லை.

இதனைத் தொடர்ந்து டேஞ்சர்ஸ் பேட்ஸ்மேன்கள் ஆண்ட்ரே ரஸல், சாம் பில்லிங்ஸ், பாட் கம்மின்ஸ், சுனில் நரைன் ஆகியோர் இருந்ததால், ஆட்டத்தில் எதிர்பார்ப்பு எகிறியது. இந்நிலையில் 16ஆவது ஓவரை வீசிய குல்தீப் யாதவ் ஒரே ஓவரில் கம்மின்ஸ் 4 (3), சுனில் நரைன் 4 (2), உமேஷ் யாதவ் 0 (1) ஆகியோரை வீழ்த்தி, டெல்லியின் வெற்றி வாய்ப்பை பிரகாசப்படுத்தினார். அடுத்து ஆண்ட்ரே ரஸலும் 24 (21) பெரிய ஸ்கோர் அடிக்கவில்லை. இறுதியில் கொல்கத்தா அணி 20 ஓவர்களில் 171/10 ரன்கள் மட்டும் சேர்த்து, 44 ரன்கள் வித்தியாசத்தில் தோற்றது.

வாட்டர் பாய்:

கடந்த சீசன்களில் கொல்கத்தா அணியில் இடம்பெற்றிருந்த குல்தீப் யாதவுக்கு, தொடர்ந்து XI அணியில் வாய்ப்பு கிடைக்காமல் இருந்து வந்தது. வாட்டர் பாய் வேலை, அணியில் சில எடுபிடி வேலைகளை செய்ய அந்த அணி நிர்வாகம் வற்புறுத்தியது. இதனை அவரது கோச் சமீபத்தில் வெளிப்படையாக தெரிவித்திருந்தார். இந்நிலையில், இதற்கெல்லாம் பதிலடி கொடுக்கும் வகையில் 4 முக்கிய விக்கெட்களை கைப்பற்றி, தன்னுடைய பௌலிங் திறமையை கொல்கத்தா அணிக்கு, குல்தீப் யாதவ் நிரூபித்து காட்டியுள்ளார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.