1649547974 pic

ஐபிஎல் 15ஆவது சீசனின் 16ஆவது லீக் போட்டியில் பஞ்சாப் கிங்ஸ், குஜராத் டைடன்ஸ் அணிகள் மோதின. இதில் டாஸ் வென்ற குஜராத் அணி முதலில் பந்துவீச்சைத் தேர்வு செய்தது.முதலில் களமிறங்கிய பஞ்சாப் அணியில் மயங்க் அகர்வால் (5), ஜானி பேர்ஸ்டோ (8) ஆகியோர் படுமோசமாக சொதப்பினார்கள். அடுத்து ஷிகர் தவன் 35 (30), லிவிங்ஸ்டன் 64 (27), ஜிதேஷ் ஷர்மா 23 (11), ராகுல் சஹார் 22 (14) போன்றவர்கள் சிறப்பாக விளையாடியதால், பஞ்சாப் அணி 20 ஓவர்கள் முடிவில் 189/9 ரன்களை குவித்து அசத்தியது. ரஷித் கான் 3/22 விக்கெட்களை கைப்பற்றினார்.

அடுத்துக் களமிறங்கிய குஜராத் டைடன்ஸ் அணியில் ஷுப்மன் கில் 96 (59), சாய் சுதர்ஷன் 35 (30), ஹார்திக் பாண்டியா 27 (18) போன்றவர்கள் அதிரடியாக ரன்களை சேர்த்தார்கள். இறுதியில் 2 பந்துகளில் 12 ரன்கள் தேவைப்பட்டது. அப்போது ஓடியன் ஸ்மித் பந்துவீச்சில் ராகுல் தேவத்தியா 2 சிக்ஸர்களை விளாசியதால், குஜராத் டைடன்ஸ் அணி 20 ஓவர்கள் முடிவில் 190/4 ரன்களை சேர்த்து, 6 விக்கெட்கள் வித்தியாசத்தில் வெற்றிபெற்றது.

மயங்க் பேட்டி:

இப்போட்டி முடிந்தப் பிறகு பேசிய மயங்க் அகர்வால், “கடைசிவரை கஷ்டப்பட்டோம். 5-7 ரன்கள் குறைவாக அடித்துவிட்டோம் எனத் தோன்றுகிறது. இருப்பினும், அணியில் நிறைய நேர்மறை விஷயங்கள் நடந்திருக்கிறது. சில விக்கெட்களை அடுத்தடுத்து இழந்தபோதும், இறுதியில் பெரிய ஸ்கோர் அடித்தோம். இது எங்களுக்கு மகிழ்ச்சியான செய்திதான். அதேபோல் பீல்டிங்கிலும் அபாரமாக செயல்பட்டோம்” எனக் கூறினார்.

மேலும் பேசிய அவர், “ரபாடா, அர்ஷ்தீப் சிங் இருவரும் அபாரமாக பந்துவீசினார்கள். போராடி, குஜராத் அணிக்கு நெருக்கடியை ஏற்படுத்தினார்கள். கடைசி ஓவரில் யார் வெற்றிபெறுவார் என்பதை தீர்மானிக்க முடியாது. யாருக்கு வேண்டுமானாலும் சாதகமாக முடியலாம். ஓடியன் ஸ்மித்திற்கு நாங்கள் எப்போதும் ஆதரவாக இருப்போம். கிரிக்கெட் போட்டி என்பது இப்படிதான் ஏற்றம், இறக்கத்தோடு இருக்கும். இன்றைய நாள் சிறப்பானதாக இல்லை அவ்வளவுதான். அடுத்தடுத்த போட்டிகளில் சிறப்பாக செயல்படுவோம் என்ற நம்பிக்கை இருக்கிறது” எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.