1649540606 pic

ஐபிஎல் 15ஆவது சீசனின் இன்றைய லீக் போட்டியில் சென்னை சூப்பர் கிங்ஸ், சன் ரைசர்ஸ் ஹைதராபாத் அணிகள் மோதவுள்ளன.இரு அணிகளும் இதுவரை ஒரு வெற்றியைக் கூட பதிவு செய்யவில்லை. சிஎஸ்கே ஹாட்ரிக் தோல்வியையும், சன் ரைசர்ஸ் இரண்டு போட்டிகளில் தோல்விகளையும் சந்தித்து கடைசி இடங்களில் நீடிக்கின்றன. இன்றைய போட்டியில் வெற்றிபெறும் அணி, 15ஆவது சீசனில் முதல்முறையாக வெற்றிக் கணக்கை துவங்கும் என்பதால், ஆட்டம் மிகுந்த எதிர்பார்ப்பை ஏற்படுத்தியுள்ளது.

தோனி vs நடராஜன்:

இப்போட்டியில் ரசிகர்கள் மத்தியில் தனிக்கவனம் பெற்றுள்ளது தோனி vs நடராஜன் மோதல்தான். தோனி கடந்த இரண்டு சீசன்களில் சிறப்பாக செயல்படாமல் இருந்த நிலையில், தற்போது 15ஆவது சீசனில் கேப்டன் பதவியிலிருந்து விலகி முதல் மூன்று போட்டிகளில் 89 ரன்களை சேர்த்துள்ளார். அதில் ஒரு அரை சதம், இரண்டு முறை நாட் அவுட் அடங்கும். இவர் நல்ல பார்மில் இருப்பதுபோல் ‘யார்க்கர் கிங்’ நடராஜனும் நல்ல பார்மில்தான் இருக்கிறார்.

கடந்த சீசனில் காயத்தால் அவதிப்பட்டு வந்த இவர், தற்போது யார்க்கர்களை துல்லியமாக வீசி அசத்தி வருகிறார். இப்படி யார்க்கர்களை அடித்து நொறுக்குபவரும், யார்க்கர் கிங்கும் இன்று நேருக்கு நேர் மோதவுள்ளதால் ஆட்டத்தில் இன்று அனல் பறக்கும் என எதிர்பார்க்கப்படுகிறது.

நேருக்கு நேர்:

தோனியும் நடராஜனும் ஐபிஎலில் அதிகமுறை நேருக்கு நேர் சந்தித்தது கிடையாது. நடராஜனுக்கு எதிராக மொத்தம் 8 பந்துகளை மட்டும் எதிர்கொண்டுள்ள தோனி 17 ரன்களை விளாசியுள்ளார். ஸ்ட்ரைக் ரேட் கிட்டதட்ட 200 ஆக இருக்கிறது.

நிர்வாகி தகவல்:

இந்நிலையில் சமீபத்தில் பேட்டி ஒன்றை கொடுத்திருந்த சிஎஸ்கே நிர்வாகி, “தோனி கடந்த சீசன்வரை ஹெலிகாப்டர் ஷாட்டிற்கு என்று தனியாக பயிற்சி எடுத்து நான் பார்த்ததில்லை. தற்போது சன் ரைசர்ஸ் ஹைதராபாத் அணிக்கு எதிரான போட்டிக்காக நீண்ட நேரம் ஹெலிகாப்டர் ஷாட்டிற்காக பயிற்சி மேற்கொண்டார்” எனக் கூறினார்.

இதன்மூலம் இன்று நடரஜானுக்கு எதிராக தோனி ஹெலிகாப்டர் ஷாட் ஆடி அசத்துவார் என எதிர்பார்க்கப்படுகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.