1649562613 pic

ஐபிஎல் 15ஆவது சீசனின் துவக்க போட்டிகள், சிஎஸ்கேவுக்கு சிறப்பானதாக அமையவில்லை.முதல் போட்டியில் கொல்கத்தாவை எதிர்கொண்டு 6 விக்கெட்கள் வித்தியாசத்தில் சிஎஸ்கே தோற்ற நிலையில், அடுத்தடுத்த போட்டிகளில் லக்னோ, பஞ்சாப், சன் ரைசர்ஸ் ஹைதராபாத் அணிகளுக்கு எதிராக தொடர் தோல்வியை சந்தித்துள்ளது.

இந்த தோல்விகளுக்கு முக்கிய காரணமாக பார்க்கப்படுவது ஓபனர் ருதுராஜ் கெய்க்வாட் சொதப்பல், தீபக் சஹார் இல்லாதது, பௌலர்கள் சொதப்பல்கள்தான். இதையனைத்தையும் சரிசெய்தால் மட்டுமே சிஎஸ்கே மீண்டும் கம்பேக் கொடுக்க முடியும் எனக் கருதப்படுகிறது. அதேபோல் புதுக் கேப்டன் ரவீந்திர ஜடேஜா தனது கேப்டன்ஸி அழுத்தங்களை, சிறப்பான முறையில் எதிர்கொண்டு மீண்டும் அதிரடி காட்ட ஆரம்பித்துவிட்டால், சிஎஸ்கே மீண்டும் அபாரமாக விளையாடி வெற்றிகளை குவிக்கும் என கிரிக்கெட் விமர்சகர்கள் கருதுகிறார்கள்.

ரசிகர்கள் நம்பிக்கை:

சென்னை சூப்பர் கிங்ஸ் அணி இதற்குமுன் 2010ஆம் ஆண்டில் இதேபோல்தான், நான்கு போட்டிகளில் தொடர் தோல்விகளை சந்தித்து, பிளே ஆஃப் வாய்ப்பை இழக்கும் நிலையில் இருந்தது. அடுத்து, சிஎஸ்கேவினர் அபாரமாக விளையாடியதால், அணி இறுதிப் போட்டிவரை முன்னேறி கோப்பை வென்று அசத்தியது. அப்போது அணியின் கேப்டனாக தோனி இருந்தார். தற்போதும் தோனி விளையாடி வருகிறார். இதனால், அப்போது தோல்வியிலிருந்து மீள பயன்படுத்திய யுக்திகளை தற்போதும் பயன்படுத்தி, சிஎஸ்கேவுக்கு வெற்றிகளை பெற்றுத்தருவம் என ரசிகர்கள் நம்பிக்கையுடன் காத்திருக்கிறார்கள்.

வாய்ப்பிருக்கு?

சிஎஸ்கே அணியில் தீபக் சஹார் இணைந்துவிட்டால், பந்துவீச்சு துறை பலமானதாக மாறிவிடும். முகேஷ் சௌத்ரிகூட தற்போது சிறப்பாக பந்துவீசி வருகிறார். மேலும் ருதுராஜ் ஒருமுறை பார்முக்கு திரும்பிவிட்டால், அவரை தடுத்து நிறுத்துவது என்பது முடியாத காரியம்தான். இதனால், சிஎஸ்கே மீண்டும் வெற்றிநடை போடுவதற்கு அதிக வாய்ப்பிருப்பதாக கருதப்படுகிறது.

சென்னை சூப்பர் கிங்ஸ் அணி தனது அடுத்த லீக் போட்டியில் ராயல் சேலஞ்சர்ஸ் பெங்களூர் அணியை எதிர்த்து, வரும் 12ஆம் தேதி விளையாட உள்ளது என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.