1649236342 pic

ஐபிஎல் தொடங்கியது முதல் 14ஆவது சீசன்வரை சென்னை சூப்பர் கிங்ஸ் அணிக்கு கேப்ட்டனாக இருந்த மகேந்திரசிங் தோனி, திடீரென்று 15ஆவது சீசன் துவங்குவதற்கு முன்பு கேப்டன் பதவியிலிருந்து விலகினார். இதனை தொடர்ந்து ரவீந்திர ஜடேஜாவுக்கு அப்பதவி வழங்கப்பட்டுள்ளது.இதனால், ஜடேஜா தலைமையில் சிஎஸ்கே எப்படி செயல்படப் போகிறது என்ற எதிர்பார்ப்பு இருந்தது. இந்நிலையில் சிஎஸ்கே முதல் இரண்டு போட்டிகளிலும் கொல்கத்தா, லக்னோ அணிகளிடம் தோற்று, சொதப்பியது. சிஎஸ்கே முதல் இரண்டு போட்டிகளிலும் தோற்பது இதுதான் முதல்முறை. அடுத்து பஞ்சாப் கிங்ஸ் அணிக்கு எதிரான போட்டியிலாவது சிஎஸ்கே சிறப்பாக செயல்பட்டு வெற்றிபெறுமா என எதிர்பார்க்கப்பட்ட நிலையில், அப்போட்டியிலும் படுமோசமாக தோற்றுள்ளது.

பிரச்சினை என்ன?

முதல் போட்டியில் மொயின் அலி இல்லாதது, பௌலிங்கில் தீபக் சஹார் இல்லாதது, XI அணியில் ராஜ்வர்தன் ஹர்கர்கேகர் இல்லாதது போன்ற பல பிரச்சினைகள்தான் பின்னடைவுக்கு காரணமாக பார்க்கப்படுகிறது. மேலும் ஓபனர் ருதுராஜ் பெரிய அளவில் தாக்கத்தை ஏற்படுத்தவில்லை. இப்படி தொடர் சொதப்பல் காரணமாக சிஎஸ்கே கடந்த மூன்று போட்டிகளில் மூன்று விதமான பளேயிங் XI உடன் களமிறங்கியது. இருப்பினும், வெற்றிபெற முடியவில்லை.

தோனி காட்டம்:

இதனைத் தொடர்ந்து மூன்று போட்டிகளில் தோற்றது குறித்து அணி மீட்டிங் நடைபெற்றிருக்கிறது. அப்போது தோனி கடும் அதிருப்திகளை வெளிப்படுத்தியுள்ளார். மேலும் ருதுராஜ் கெய்க்வாட், அம்பத்தி ராயுடு, மொயின் அலி, துஷர் தேஷ்பண்டே, முகேஷ் சௌத்ரி போன்றவர்களின் பெயர்களை குறித்து, அவர்களது தவறுகளை தோனி சுட்டிக்காட்டியிருக்கிறார். மேலும், தவறுகள் தொடர்ந்தால் இந்த சீசனோடு கழற்றிவிடப்படுவீர்கள் என மிகக் கடுமையான வார்த்தைகளையும் தோனி உதிர்த்ததாகத் தகவல் வெளியாகியுள்ளது.

தீவிர பயிற்சி:

இதனை சற்றும் எதிர்பாராத வீரர்கள், இந்த மீட்டிங்கிற்கு பிறகு கூடுதல் நேரம் எடுத்துக்கொண்டு பயிற்சியில் ஈடுபட்டு வருகிறார்களாம். குறிப்பாக ருதுராஜ் பந்துகளை தெறிக்கவிட்டு, அதிரடியாக பயிற்சி மேக்ணொடு வருவதாக கூறப்படுகிறது. அதேபோல் ராஜ்வர்தன் ஹங்கர்கேகரும் சிறப்பாக பந்துவீசி வருவதால், அடுத்த போட்டியில் இவர் களமிறக்கப்படுவது கிட்டதட்ட உறுதி எனக் கருதப்படுகிறது.

இப்படி அனைவரும் கடுமையாக பயிற்சி மேற்கொண்டு வருவதால், ஏப்ரல் 9ஆம் தேதி நடைபெறும் சன் ரைசர்ஸுக்கு எதிரான போட்டியில், மிரட்டலான ஆட்டத்தை வெளிப்படுத்தி முதல் வெற்றியை சிஎஸ்கே பதிவு செய்யும் என எதிர்பார்க்கப்படுகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.