1649419587 pic

மகேந்திரசிங் தோனியையும் ஹெலிகாப்டர் ஷாட்டையும் பிரித்து பார்ப்பது மிகவும் கிஷ்டம்தான். இந்த ஷாட்டை இவர் அறிமுகம் செய்வதற்கு முன்பு, இந்திய அணி முன்னாள் வீரர் குண்டப்பா விஸ்வந்தான் 1980-ல் ஆஸ்திரேலிய அணிக்கு எதிராக ஹெலிகாப்டர் ஷாட் ஆடியிருக்கிறார்.இருப்பினும், தோனி இந்த ஷாட்டை ஆடிய பிறகுதான் உலகம் முழுவதும் பிரபலமானது. இந்த ஷாட் தோனிக்கு இயற்கையாக அமைந்ததுதான். இதனால், பயிற்சியின்போது இந்த ஷாட்டை ஆட தனியாக பாயிற்சி செய்ய மாட்டாராம். சிஎஸ்கேவுக்காக பயிற்சி செய்யும்போதுகூட தோனி, ஹெலிகாப்டர் ஷாட் விளையாடுவதற்கு என்று தனியாக பயிற்சி செய்ததை பார்த்ததில்லை என சிஎஸ்கே நிர்வாகி ஒருவர் சமீபத்தில் கூறியிருந்தார்.

ஹெலிகாப்டர் ஷாட் ஆடவில்லை:

கடந்த இரண்டு, மூன்று வருடங்களாகவே இவர், களத்தில் இந்த ஷாட்களை ஆடவில்லை. பேட்டிங்கில் படுமோசமாக சொதப்பியதால்தான், இவரால் இந்த ஷாட்டை ஆட முடியவில்லை எனக் கூறப்பட்டது. இந்நிலையில், தற்போது கேப்டன் பதவியை ராஜினாமா செய்தப் பிறகு தோனி சிறப்பாக பேட்டிங் செய்து வருகிறார். இதுவரை மூன்று போட்டிகளில் 89 ரன்கள் அடித்துள்ளார். அதில் ஒரு அரை சதம், இரண்டு முறை நாட்அவுட் அடங்கும்.

தனியாக பயிற்சி:

இப்படி தோனி பார்முக்கு திரும்பியிருக்கும் நிலையில், சிஎஸ்கே படுமோசமாக சொதப்பி வருகிறது. இதுவரை நடைபெற்ற மூன்று போட்டிகளிலும் தோற்றுள்ளது. அடுத்தடுத்த போட்டிகளில் வெற்றிபெற சிஎஸ்கேவினர் தீவிர வலைப்பயிற்சியில் ஈடுபட்டு வருகிறார்கள். இந்நிலையில் ஐபிஎலில் கடந்த 14 வருஷமாக ஹெலிகாப்டர் ஷாட் அடித்து பயிற்சி மேற்கொள்ளாத தோனி, தற்போது ஹெலிகாப்டர் ஷாட் அடிப்பதற்கு மட்டும், அதிக நேரம் பயிற்சி மேற்கொண்டு வருவதாக தகவல் வெளியாகியுள்ளது.

அதிரடி உறுதி:

இதனால், அடுத்தடுத்த போட்டிகளில் தோனி ஹெலிகாப்டர் ஷாட்களை தெறிக்கவிடுவார் என எதிர்பார்க்கப்படுகிறது. இந்நிலையில், தோனி ஹெலிகாப்டர் ஷாட்டை ஆடி பயிற்சி செய்துவருவதை சிஎஸ்கேவும் சூசகமாக தெரிவித்துள்ளது. சிஎஸ்கே வெளியிட்டுள்ள ட்வீட்டில் உள்ள வீடியோவில், தோனி நின்றிருக்கும் நிலையில், மேலே ஹலிகாப்டர் பறக்கும் காட்சி இடம்பெற்றுள்ளது.

சிஎஸ்கே தனது அடுத்த போட்டியில், நாளை சன் ரைசர்ஸ் ஹைதராபாத் அணியை எதிர்த்து விளையாட உள்ளது. அந்த அணியில் இருக்கும் நடராஜன் யார்க்கரை வீசக் கூடியவர் என்பதால், தோனி vs நடராஜன் போட்டி பார்ப்பது அபாரமாக இருக்கும் என கருதப்படுகிறது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.