1649397620 pic

ஐபிஎல் தொடங்கியது முதல் 14ஆவது சீசன்வரை சென்னை சூப்பர் கிங்ஸ் அணிக்கு கேப்ட்டனாக இருந்த மகேந்திரசிங் தோனி, திடீரென்று 15ஆவது சீசன் துவங்குவதற்கு முன்பு கேப்டன் பதவியிலிருந்து விலகினார். இதனை தொடர்ந்து ரவீந்திர ஜடேஜாவுக்கு அப்பதவி வழங்கப்பட்டுள்ளது.இதனால், ஜடேஜா தலைமையில் சிஎஸ்கே எப்படி செயல்படப் போகிறது என்ற எதிர்பார்ப்பு இருந்தது. இந்நிலையில் சிஎஸ்கே முதல் இரண்டு போட்டிகளிலும் கொல்கத்தா, லக்னோ அணிகளிடம் தோற்று, சொதப்பியது. சிஎஸ்கே முதல் இரண்டு போட்டிகளிலும் தோற்பது இதுதான் முதல்முறை. அடுத்து பஞ்சாப் கிங்ஸ் அணிக்கு எதிரான போட்டியிலாவது சிஎஸ்கே சிறப்பாக செயல்பட்டு வெற்றிபெறுமா என எதிர்பார்க்கப்பட்ட நிலையில், அப்போட்டியிலும் படுமோசமாக தோற்றுள்ளது.

பிரச்சினை என்ன?

முதல் போட்டியில் மொயின் அலி இல்லாதது, பௌலிங்கில் தீபக் சஹார் இல்லாதது, XI அணியில் ராஜ்வர்தன் ஹர்கர்கேகர் இல்லாதது போன்ற பல பிரச்சினைகள்தான் பின்னடைவுக்கு காரணமாக பார்க்கப்படுகிறது. மேலும் ஓபனர் ருதுராஜ் பெரிய அளவில் தாக்கத்தை ஏற்படுத்தவில்லை. இப்படி தொடர் சொதப்பல் காரணமாக சிஎஸ்கே கடந்த மூன்று போட்டிகளில் மூன்று விதமான பளேயிங் XI உடன் களமிறங்கியது. இருப்பினும், வெற்றிபெற முடியவில்லை.

இதனைத் தொடர்ந்து வரும் 9ஆம் தேதி, சன் ரைசர்ஸ் ஹைதராபாத் அணியை எதிர்த்து விளையாட உள்ளது. இதில் வெற்றிக் கணக்கை துவங்க வேண்டும் என்ற முனைப்பில் சிஎஸ்கேவினர் தீவிர வலைப்பயிற்சியில் ஈடுபட்டு வருகிறார்கள்.

தீவிர பயிற்சி:

பேட்டிங் கோச் மைக்கேல் ஹசி, வீரர்களுக்கு இரவிலும் தொடர்ந்து பயிற்சியளித்து வருகிறார். குறிப்பாக இரவு 12 வரை பயிற்சி நீடித்து வருவதாக கூறப்படுகிறது. அதேபோல் பௌலர்களுக்கு ஈரமான பந்துகளில் பயிற்சி வழங்கப்பட்டு வருகிறது.

மீட்டிங்:

இதனைத் தொடர்ந்து நேற்று இரவு சிஎஸ்கே அணி வீரர்கள், பயிற்சியாளர்கள் ஒரு மீட்டிங்கில் கலந்துகொண்டதாகத் தகவல் வெளியாகியுள்ளது. அதில் வீரர்கள் அனைவரும் தங்களது குறைகளை, வெளிப்படையாக தெரிவிக்கும்படி தோனி கூறியிருக்கிறார்.

அப்போது பேசிய ஜடேஜா, “தோனி பாய், உங்களது ஆலோசனை களத்தில் நிச்சயம் தேவை. இக்கட்டான சூழ்நிலையில் நீங்கள்தான் கேப்டன்ஸி செய்ய வேண்டும். பரபரப்பில்லாத நேரங்களில் மட்டும் நான் கேப்டன் பொறுப்பை முழுமையாக ஏற்றுக்கொள்கிறேன். உங்களிடம் கற்றுக்கொண்டு, இரண்டாவது பாதி ஆட்டங்கள் முதல், நான் தனியாக கேப்டன்ஸியை தொடர விரும்புகிறேன். அப்போதுதான் எனக்கும் அழுத்தம் குறையும், அணிக்கும் நல்லது” என ஓபனராக தெரிவித்திருக்கிறார்.

இதற்கு தோனியும் ஒப்புக்கொண்டுள்ளதாக தகவல் வெளியாகியுள்ளது. இதனால், இனி வரும் சில போட்டிகளில் தோனிதான் நிழல் கேப்டனாக இருப்பார் என்பதால், சிஎஸ்கே தொடர் வெற்றிகளை குவிக்க அதிக வாய்ப்புள்ளதாக கிரிக்கெட் விமர்சகர்கள் கருதுகிறார்கள்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.