1649115237 pic

ஐபிஎல் தொடங்கியது முதல் 14ஆவது சீசன்வரை சென்னை சூப்பர் கிங்ஸ் அணிக்கு கேப்ட்டனாக இருந்த மகேந்திரசிங் தோனி, திடீரென்று 15ஆவது சீசன் துவங்குவதற்கு முன்பு கேப்டன் பதவியிலிருந்து விலகினார். இதனைத் தொடர்ந்து ரவீந்திர ஜடேஜாவுக்கு அப்பதவி வழங்கப்பட்டுள்ளது. இதனால், ஜடேஜா தலைமையில் சிஎஸ்கே எப்படி செயல்படப் போகிறது என்ற எதிர்பார்ப்பு இருந்தது. இந்நிலையில் சிஎஸ்கே முதல் இரண்டு போட்டிகளிலும் கொல்கத்தா, லக்னோ அணிகளிடம் தோற்று, சொதப்பியது. சிஎஸ்கே முதல் இரண்டு போட்டிகளிலும் தோற்பது இதுதான் முதல்முறை. அடுத்து பஞ்சாப் கிங்ஸ் அணிக்கு எதிரான போட்டியிலாவது சிஎஸ்கே சிறப்பாக செயல்பட்டு வெற்றிபெறுமா என எதிர்பார்க்கப்பட்ட நிலையில், அப்போட்டியிலும் படுமோசமாக தோற்றுள்ளத்து.

தெரிந்த விஷயம்தான்:

இந்த மூன்று போட்டிகளிலும் முக்கியமான நேரங்களில் முன்னாள் கேப்டன் மகேந்திரசிங் தோனிதான், முன்நின்று அணியை வழிநடத்தினார். மேலும், ஜடேஜாவுக்கு தேவையான ஆலோசனைகளையும் வழங்கினார். இது அனைவருக்கும் தெரிந்த விஷயம்தான். தோனி இப்படி செய்வது அணியின் நன்மைக்குத்தான்.

அதிக தலையீடு:

இருப்பினும், இந்த தலையீடுகள் எல்லாம் மிகவும் நெருக்கடியான நேரங்களில் மட்டும் இல்லாமல், அனைத்து நேரத்திலும் இருப்பதாக குற்றச்சாட்டுகள் எழுந்துள்ளன. குறிப்பாக, லக்னோவுக்கு எதிரான இரண்டாவது போட்டியில் தோனியின் தலையீடு அதிகம் இருந்ததாக பலர் பேசிய வருகின்றனர். பீல்டிங் செட் செய்வது முதல், பௌலர்களுக்கு ஆலோசனை வழங்குவது வரை தோனிதான் செய்தார் என்றும், ஜடேஜா ஒரு வீரராக பவுண்டரி லைனில் மட்டுமே நின்றார் என்றும் குற்றச்சாட்டுகள் எழுந்துள்ளன.

அஜய் ஜடேஜா பேட்டி:

முன்னாள் வீரர் அஜய் ஜடேஜாவும் இதே குற்றச்சாட்டை முன் வைத்துள்ளார். அதில், “சிஎஸ்கே, லக்னோ இடையிலான போட்டியில் மிகத்தவறான விஷயம் ஒன்றை பார்த்தேன். தோனிக்கு என்னைவிட பெரிய ரசிகர்கள் இருக்க முடியாது. அவரது நிதானத்திற்கு நான் ரசிகன். மிகவும் முக்கியமான போட்டிகளில் அல்லது நெருக்கடியான சூழல்களில் தோனி ஆலோசனை வழங்கி, அணியை வழிநடத்துவதில் தவறில்லை. ஆனால், இந்த சீசனின் இரண்டாவது போட்டியிலேயே தோனி இப்படி செய்வது சரியானது கிடையாது” எனக் கூறினார்.

மேலும் பேசிய அவர், “தோனியைவிட பெரிய கேப்டன் இல்லைதான். ஆனால், கேப்டன்ஸியிலிருந்து விலகிவிட்டு, வேறு ஒருவரை கேப்டன் பதவியில் அமர்த்துவிட்டால், நாம்தான் விலகிக்கொள்ள வேண்டும். நீங்களே (தோனி) வழிநடத்துவது என்பது ஜடேஜாவை பின்னோக்கி தள்ளிவிடும். மேலும், அவரது தன்னம்பிக்கை குறைந்துவிடும்” எனத் தெரிவித்தார்.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.