1649665449 pic

ஐபிஎல் 15ஆவது சீசன் விறுவிறுப்பாக நடைபெற்று வருகிறது. இதில் நடப்பு சாம்பியன் சென்னை சூப்பர் கிங்ஸ் அணி, தொடர்ந்து நான்கு போட்டிகளில் தோற்று, புள்ளிப்பட்டியலின் கடைசி இடத்தைப் பிடித்துள்ளது.சிஎஸ்கே தொடர்ந்து நான்கு போட்டிகளில் தோற்றாலும், இன்னும் பிளே ஆஃப் வாய்ப்பு முடிவுக்கு வரவில்லை. இதற்குமுன் 2010ஆம் ஆண்டிலும் இதேபோல் சிஎஸ்கே தொடர்ந்து நான்கு போட்டிகளில் தோற்று, இறுதியில் கோப்பை வென்று அசத்தியிருக்கிறது. இதேபோல், 15ஆவது சீசனிலும் சிஎஸ்கே வரலாறு படைக்கும் என்ற நம்பிக்கையில் ரசிகர்கள் இருக்கிறார்கள்.

பிளெமிங் பேட்டி:

இந்நிலையில் தொடர் தோல்வி குறித்து பிளெமிங் பேட்டி கொடுத்துள்ளார். அதில், “பேட்டிங், பீல்டிங், பந்துவீச்சு மூன்றிலும்தான் பிரச்சினை இருக்கிறது. இந்த மூன்றிலும் கவனம் செலுத்தி பயிற்சி மேற்கொண்டு வருகிறோம். அனைத்து போட்டிகளிலும் எங்களுக்கு பிரச்சினைகள் இருக்கத்தான் செய்தது. எதிர்பார்த்த வீரர்கள் காயம் காரணமாக விளையாட முடியவில்லை. அடுத்தடுத்த போட்டிகளில் வெற்றிபெற வேண்டும் என்றால், சில வீரர்கள் முழுத்திறனுடன் விளையாடுவது அவசியம்” எனக் கூறினார்.

வேதனையான விஷயம்:

மேலும் பேசிய அவர், “காயத்தால் அவதிப்பட்டவர்கள் திரும்பி வரும்வரை, மாற்று வீரர்கள் சிறப்பாக செயல்பட்டுத்தான் ஆக வேண்டும். அதற்காக தனிக்கவனத்துடன் பயிற்சி மேற்கொண்டு வருகிறோம். நாங்கள் எந்த போட்டியிலும் வெல்லவில்லை என்பதைவிட, வெற்றிக்கு அருகில்கூட செல்லவில்லை என்பதுதான், வேதனையான விஷயம். இதனால்தான், எங்களது நம்பிக்கை சற்று குறைந்துள்ளது. இதையனைத்தையும் சரிசெய்து பிளே ஆஃப் ரேசிற்குள் செல்ல கடுமையாக போராடுவோம்” எனத் தெரிவித்தார்.

தீபக் சஹார்:

தீபக் சஹார் குறித்துப் பேசிய அவர், “தீபக் சஹாரின் வருகையைத்தான் எதிர்பார்த்து காத்திருக்கிறோம். ஒன்று அல்லது இரண்டு வீரர்கள் சிறப்பாக செயல்பட்டாலே, எங்களால் வெற்றிப் பாதைக்கு திரும்பிவிட முடியும். வெற்றிபெற வேண்டும் என்பதுதான் எங்களது ஒரே குறிகோளாக இருக்கிறது” என்றார்.

சென்னை சூப்பர் கிங்ஸ் அணி தனது அடுத்த லீக் போட்டியில் ராயல் சேலஞ்சர்ஸ் பெங்களூர் அணியை எதிர்த்து விளையாட உள்ளது. இப்போட்டி நாளை நடைபெறும் என்பது குறிப்பிடத்தக்கது.

Thank You

Leave a Reply

Your email address will not be published.

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads.

Please support us by disabling these ads blocker.